Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамаси томонидан 2018 йил 5 ноябрда киритилган «Ўзбекистон Республикасининг Ер кодексига ўзгартиш киритиш тўғрисида»ги ҚЛ-431-сонли Ўзбекистон Республикаси қонуни лойиҳаси «Ўзбекистон Республикаси Ер кодексининг 36-моддасига ва Ўзбекистон Республикаси Шаҳарсозлик кодексининг 53-моддасига ўзгартишлар киритиш тўғрисида» деган янги ном билан иккинчи ўқишда қабул қилинсин.

2. Ўзбекистон Республикаси Олий Мажлиси Қонунчилик палатасининг Аграр ва сув хўжалиги масалалари қўмитаси қабул қилинган тузатишларни ҳисобга олган ҳолда мазкур қонун лойиҳасини бир ой ичида маромига етказсин ва учинчи ўқишда Қонунчилик палатаси муҳокамасига киритсин.

3. Ушбу Қарор қабул қилинган кундан эътиборан кучга киради.