Ўзбекистон Республикаси Олий Мажлисининг Қонунчилик палатаси қарор қилади:

Ўзбекистон Республикаси Олий Мажлиси Қонунчилик палатаси мажлисининг қуйидаги кун тартиби тасдиқлансин:

1. «Илм, маърифат ва рақамли иқтисодиётни ривожлантириш йили» Давлат дастурининг 2020 йил учинчи чорагида бажарилиши юзасидан Ўзбекистон Республикаси Вазирлар Маҳкамасининг ҳисоботи тўғрисида.

2. «Геном бўйича давлат рўйхатига олиш тўғрисида»ги ҚЛ-654-сонли Ўзбекистон Республикаси Қонуни ҳақида (учинчи ўқиш).

3. «Норматив-ҳуқуқий ҳужжатлар тўғрисида»ги ҚЛ-557-сонли Ўзбекистон Республикаси қонуни лойиҳаси ҳақида (иккинчи ўқиш).

4. «Ер ости бойликлари тўғрисида»ги Ўзбекистон Республикаси Қонунининг 38¹-моддасига ўзгартиш киритиш ҳақида»ги ҚЛ-684-сонли Ўзбекистон Республикаси қонуни лойиҳаси тўғрисида (иккинчи ўқиш).

5. «Жиноят процессига жиноят иши бўйича дастлабки эшитув институти жорий этилиши муносабати билан Ўзбекистон Республикасининг Жиноят-процессуал кодексига ўзгартиш ва қўшимчалар киритиш тўғрисида»ги ҚЛ-693-сонли Ўзбекистон Республикаси қонуни лойиҳаси ҳақида (биринчи ўқиш).

6. «Ўзбекистон Республикасининг Маъмурий жавобгарлик тўғрисидаги кодексига ўзгартишлар киритиш ҳақида»ги ҚЛ-695-сонли Ўзбекистон Республикаси қонуни лойиҳаси тўғрисида (биринчи ўқиш).

7. «Ўзбекистон Республикаси Маъмурий жавобгарлик тўғрисидаги кодексининг 268²-моддасига ўзгартиш киритиш ҳақида»ги ҚЛ-700-сонли Ўзбекистон Республикаси қонуни лойиҳаси тўғрисида (биринчи ўқиш).

8. Ўзбекистон Республикаси Олий Мажлиси Қонунчилик палатасининг «Ёшларнинг таълим олиши учун янада кенг имкониятлар яратиш мақсадида олий ўқув юртлари талабаларига таълим кредитларини ажратиш борасидаги ишлар тўғрисида»ги парламент сўровига Ўзбекистон Республикаси Бош вазири ўринбосари Б. Мусаевнинг жавоби ҳақида.

9. Ўзбекистон Республикаси Бош вазирининг ўринбосари Ш. Ғаниевга «Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясида белгиланган устувор йўналишларни амалга ошириш бўйича олиб борилаётган ишлар тўғрисида» Ўзбекистон Республикаси Олий Мажлиси Қонунчилик палатасининг парламент сўровини юбориш ҳақида.

10. Ўзбекистон Республикаси Монополияга қарши курашиш қўмитаси раиси Н. Шариповга «Ташқи реклама соҳасидаги фаолиятни тартибга солувчи қонунчилик ҳужжатларининг такомиллаштирилиши ва ижро этилиши ҳолати тўғрисида» Ўзбекистон Республикаси Олий Мажлиси Қонунчилик палатасининг парламент сўровини юбориш ҳақида.

11. Ўзбекистон Республикаси соғлиқни сақлаш вазири А. Шадмановнинг «Соғлиқни сақлаш соҳасига оид ислоҳотларнинг амалга оширилиш ҳолати тўғрисида»ги ахборотини эшитиш ҳақида.

12. Б.Б. Алихановни Ўзбекистон Республикаси Олий Мажлиси Қонунчилик палатаси Спикерининг ўринбосари ҳамда Ўзбекистон Республикаси Олий Мажлиси Қонунчилик палатаси Экология ва атроф-муҳитни муҳофаза қилиш масалалари қўмитасининг раиси лавозимларидан озод этиш тўғрисида.

13. Н.М. Умаровни Ўзбекистон Республикаси Олий Мажлиси Қонунчилик палатаси Спикерининг ўринбосари ҳамда Ўзбекистон Республикаси Олий Мажлиси Қонунчилик палатасининг Халқаро ишлар ва парламентлараро алоқалар қўмитаси аъзоси лавозимларидан озод этиш тўғрисида.