Ўзбекистон Республикаси Олий Мажлиси Қонунчилик палатаси томонидан 2019 йил 8 февралда қабул қилинган ва Ўзбекистон Республикаси Олий Мажлиси Сенати томонидан 2019 йил 28 февралда рад этилган «Ўзбекистон Республикасининг айрим қонун ҳужжатларига жамоатчилик назоратини кучайтиришга қаратилган ўзгартиш ва қўшимчалар киритиш тўғрисида»ги Ўзбекистон Республикаси Қонунини қайта кўриб чиқиб, келишув комиссиясининг таклифларини инобатга олган ҳолда, Ўзбекистон Республикаси Олий Мажлисининг Қонунчилик палатаси қарор қилади:

1. «Ўзбекистон Республикасининг айрим қонун ҳужжатларига жамоатчилик назоратини кучайтиришга қаратилган ўзгартиш ва қўшимчалар киритиш тўғрисида»ги Ўзбекистон Республикаси Қонуни келишув комиссияси томонидан таклиф қилинган таҳрирда қабул қилинсин.

2. Мазкур Қонун Ўзбекистон Республикаси Олий Мажлисининг Сенатига юборилсин.

3. Ушбу қарор қабул қилинган кундан эътиборан кучга киради.