«Парламент назорати тўғрисида»ги Ўзбекистон Республикаси Қонунининг 14-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси соғлиқни сақлаш вазири А. Шадмановнинг «Қашқадарё вилоятида перинатал ёрдамни такомиллаштириш ва ҳомиладор аёллар, ёш болали аёллар ҳамда чақалоқларга кўрсатилаётган тиббий ёрдам сифатини оширишга доир масалалар тўғрисида»ги Ўзбекистон Республикаси Олий Мажлиси Қонунчилик палатасининг парламент сўровига ёзма жавоби маълумот учун қабул қилинсин.

2. Ушбу қарор қабул қилинган кундан эътиборан кучга киради.