Ўзбекистон Республикаси Конституциясининг 78-моддасига, «Ўзбекистон Республикасида маъмурий-ҳудудий тузилиш масалаларини ҳал этиш тартиби тўғрисида»ги Ўзбекистон Республикаси Қонунининг 5 ва 13-моддаларига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Вазирлар Маҳкамасининг таклифи қабул қилиниб, Тошкент вилоятининг Зангиота тумани ва Тошкент шаҳрининг Сергели тумани чегаралари ўзгартирилсин.

2. Тошкент вилояти Зангиота тумани маъмурий ҳудудининг бир қисми умумий майдони 428 гектар майдон («Юқоридархон» маҳалла ҳудуди, Сергели тумани билан чегарадош «Тошкент» ва «Пастдархон» маҳаллалари ҳудудининг бир қисми) Тошкент шаҳри Сергели тумани таркибига ўтказилсин.

3. Тошкент вилоятининг Зангиота тумани ва Тошкент шаҳрининг Сергели тумани чегаралари Ўзбекистон Республикаси Вазирлар Маҳкамаси томонидан тақдим этилган 1 ва 2-иловаларга кўра тавсифлар ва график чизмаларга мувофиқ тасдиқлансин.

4. Белгилаб қўйилсинки, Тошкент шаҳрининг Сергели тумани таркибига ўтказилаётган Тошкент вилоятининг Зангиота тумани «23-Ўзгариш» сайлов округидан сайланган халқ депутатлари Зангиота туман Кенгашининг депутати Тошкент шаҳар халқ депутатлари Сергели туман Кенгашининг депутати ҳисобланади.

5. Ўзбекистон Республикаси Вазирлар Маҳкамаси ушбу Қарорнинг ижроси бўйича комплекс чора-тадбирлар амалга оширилишини таъминласин.

6. Ушбу Қарор Ўзбекистон Республикаси Олий Мажлиси Сенатига юборилсин.

7. Ушбу қарор қабул қилинган кундан эътиборан кучга киради.