Ўзбекистон Республикаси Президенти Администрацияси раҳбарининг 2020 йил 4 сентябрдаги 02-2488-сон топшириғи билан тасдиқланган «Саноат хавфсизлиги давлат қўмитаси органларида яширин иқтисодиёт ва коррупцияга қарши курашиш ҳамда уларни олдини олиш бўйича 2020-2021 йилларга мўлжалланган «Йўл харитаси» 17-иловаси 1-банди, 2-кичик банди ижросини таъминлаш мақсадида Ўзбекистон Республикаси Саноат хавфсизлиги давлат қўмитаси қарор қилади:

1. Саноат хавфсизлиги давлат қўмитасининг техник жиҳатдан тартибга солиш соҳасидаги айрим норматив ҳужжатларига иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. Ўзбекистон Республикаси Саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси «Саноатконтехназорат 2009 йил «18» майдаги 105-сон буйруғи билан тасдиқланган (Ўзбекистон Республикаси Адлия вазирлиги билан келишилган ҳолда техник ҳужжат деб топилган, 2009 йил 26 июнь 6-15/23-5047/6-сон) Фойдали қазилма конларини очиқ усул билан қазиб олишда хавфсизлик қоидаларининг 4-иловаси 3-бандидаги «кон қутқариш хизмати бошлиғи (кўнгилли дружина йўриқчиси) ва ёнғин ўчириш қисми бошлиғи томонидан келишилади ва» сўзлари чиқариб ташлансин.

2. Ўзбекистон Республикаси Вазирлар Маҳкамаси ҳузуридаги Ер қаърини геологик ўрганиш, саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекциясининг 2018 йил 17 августдаги 16/НТД-4-сон буйруғи билан тасдиқланган (Ўзбекистон Республикаси Адлия вазирлиги билан келишилган ҳолда техник ҳужжат деб топилган, 2018 йил 26 ноябрь 6-21/3-14375/6-сон) Осма арқонли йўловчи йўлларнинг тузилиши ва улардан хавфсиз фойдаланиш қоидаларининг 14-§, 134-банд, «г» кичик банди чиқариб ташлансин.

3. Ўзбекистон Республикаси Саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси «Саноатконтехназорат» бошлиғининг 2009 йил 5 декабрдаги 260-сон буйруғи билан тасдиқланган (Ўзбекистон Республикаси Адлия вазирлиги билан келишилган ҳолда техник ҳужжат деб топилган, 2009 йил 30 декабрь 6-15/11-1066016-сон) Тутун ва шамоллатиш саноат қувурларини ишлатишда хавфсизлик қоидаларида:

а) I-боб, 1-§, 6-бандидаги «Саноатконтехназорат» давлат инспекцияси вакиллари иштирокида сўзлари чиқариб ташлансин;

б) II-боб, 5-§, 74-бандидаги «ва «Саноатконтехназорат» давлат инспекциясининг ҳудудий органи билан келишилган» сўзлари чиқариб ташлансин.

4. Ўзбекистон Республикаси Саноатда, кончиликда ва коммунал-маиший секторда ишларнинг бехатар олиб борилишини назорат қилиш давлат инспекцияси «Саноатконтехназорат» бошлиғининг 2008 йил 24 октябрдаги 220-сон буйруғи билан тасдиқланган (Ўзбекистон Республикаси Адлия вазирлиги билан келишилган ҳолда техник ҳужжат деб топилган, 2008 йил 6 ноябрь 20-15-372/12-сон) Аммиакли совутиш қурилмаларининг техник ҳолатини текшириш ва улардан фойдаланишда хавфсизликни таъминлаш бўйича услубий кўрсатмаларнинг 14-банд «а» кичик бандидаги «корхонада (ташкилот) «Саноатконтехназорат» Давлат инспекциясининг ҳудудий органи томонидан» сўзлари чиқариб ташлансин.