Ўзбекистон Республикаси Олий Мажлисининг Қонунчилик палатаси қарор қилади:

1. Иккинчи ўқишда қабул қилинган, Ўзбекистон Республикаси Олий Мажлиси Қонунчилик палатасининг депутатлари Т. Абдусаттаров, Ш. Тўхташев, В. Цветков ва А. Уринбоев томонидан 2017 йил 29 сентябрда киритилган «Ўзбекистон Республикасининг айрим қонун ҳужжатларига қўшимчалар ва ўзгартиш киритиш тўғрисида»ги ҚЛ-267-сонли Ўзбекистон Республикаси қонуни лойиҳаси, Ўзбекистон Республикаси Олий суди томонидан 2018 йил 4 октябрда киритилган «Суд, Ўзбекистон Республикаси Судьялар олий кенгаши, Ўзбекистон Республикаси Судьялар олий кенгаши ҳузуридаги Одил судлов муаммоларини ўрганиш тадқиқот маркази ва Ўзбекистон Республикаси Олий суди ҳузуридаги Судлар фаолиятини таъминлаш департаменти ходимларининг мансаб даражалари тўғрисидаги Низомга ўзгартиш ва қўшимчалар киритиш ҳақида»ги ҚЛ-428-сонли Ўзбекистон Республикаси қонуни лойиҳаси, Ўзбекистон Республикаси Конституциявий суди томонидан 2018 йил 22 ноябрда киритилган «Ўзбекистон Республикасининг Фуқаролик процессуал кодекси, Ўзбекистон Республикасининг Иқтисодий процессуал кодекси ва Ўзбекистон Республикасининг Маъмурий суд ишларини юритиш тўғрисидаги кодексига ўзгартишлар киритиш ҳақида»ги ҚЛ-437-сонли Ўзбекистон Республикаси қонуни лойиҳаси, Ўзбекистон Республикаси Вазирлар Маҳкамаси томонидан 2018 йил 22 ноябрда киритилган «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги ҚЛ-438-сонли Ўзбекистон Республикаси қонуни лойиҳаси, Ўзбекистон Республикаси Вазирлар Маҳкамаси томонидан 2018 йил 4 декабрда киритилган «Ўзбекистон Республикасининг айрим қонун ҳужжатларига ўзгартишлар киритиш тўғрисида»ги ҚЛ-444-сонли Ўзбекистон Республикаси қонуни лойиҳаси, Ўзбекистон Республикаси Конституциявий суди томонидан 2018 йил 5 декабрда киритилган «Судлар тўғрисида»ги Ўзбекистон Республикаси Қонунига қўшимчалар киритиш ҳақида»ги ҚЛ-447-сонли Ўзбекистон Республикаси қонуни лойиҳаси ҳамда Ўзбекистон Республикаси Олий Мажлиси Қонунчилик палатасининг депутатлари А. Саидов, Дж. Ширинов, И. Ходжиев, А. Хамракулов ва Р. Каримов томонидан 2018 йил 24 декабрда киритилган «Ўзбекистон Республикасининг айрим қонун ҳужжатларига қўшимча ва ўзгартишлар киритиш тўғрисида»ги ҚЛ-453-сонли Ўзбекистон Республикаси қонуни лойиҳаси» Баъзи давлат органлари ва ташкилотларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида» деган янги ном билан битта қонун лойиҳасига бирлаштирилсин.

2. Ушбу Қарор қабул қилинган кундан эътиборан кучга киради.