LexUZ шарҳи
Мазкур қарор Ўзбекистон Республикаси Соғлиқни сақлаш вазирлиги, Меҳнат ва аҳолини ижтимоий муҳофаза қилиш вазирлиги ва Ўзбекистон Касаба уюшмалари Федерацияси Кенгашининг 2014 йил 23 апрелдаги 6, 8-қ/қ, 17-2«о»-сонли «ОИВ/ОИТС (ВИЧ/СПИД) вируси билан касалланган шахслар ишлаши ман этилган ишлар рўйхати ва касб турлари тўғрисида»ги қарорни ўз кучини йўқотган деб ҳисоблаш тўғрисида»ги қарорига (рўйхат рақами 881-1, 07.05.2014 й.) асосан ўз кучини йўқотган.
«ОИВ/ОИТС (ВИЧ/СПИД) вируси билан касалланган шахслар ишлаши ман этилган ишлар рўйхати ва касб турлари.
Ўзбекистон Республикаси Соғлиқни сақлаш вазирлиги, Ўзбекистон Республикаси Меҳнат вазирлиги ва Ўзбекистон Республикаси Касаба уюшма Федерацияси Кенгаши қарор қиладилар:
1. ОИВ/ОИТС (ВИЧ/СПИД) вируси билан касалланган шахслар ишлаши ман этилган ишлар рўйхати ва касб турлари тасдиқлансин:
2. ОИВ/ОИТС ВИЧ/СПИД билан зарарланган ишчилар ва беморлар ишлаб турган ташкилотида иш фаолиятини давом эттириш мумкин, лекин юқорида қайд этилган касб ҳунарларда ишлашлари тақиқланади.
3. ОИВ/ОИТС ВИЧ/СПИД билан зарарланган ва беморлар ишлашларига йўл қўйган ташкилотларда жавобгарлик шу ташкилот раҳбарлари зиммасига юклатилади. Ўзбекистон Республикасининг «Одамни иммунитет танқислиги вируси билан касалланишнинг олдини олиш тўғрисида»ги 1999 йил 19 августдаги Қонунни бузганлиги учун ташкилот раҳбарлари шахсан жавобгарликка тортилади.