Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатаси томонидан 2019 йил 18 октябрда иккинчи ўқишда қабул қилинган «Энергиядан оқилона фойдаланиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги ҚЛ-556-сонли Ўзбекистон Республикаси қонуни лойиҳаси иккинчи ўқиш тартиб-таомилига қайтарилсин.

2. Ўзбекистон Республикаси Олий Мажлиси Қонунчилик палатасининг 2019 йил 18 октябрда қабул қилинган «Энергиядан оқилона фойдаланиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги ҚЛ-556-сонли Ўзбекистон Республикаси қонуни лойиҳаси тўғрисида»ги 2808-III-сонли Қарори (Ўзбекистон Республикаси Олий Мажлиси палаталарининг Ахборотномаси, 2019 йил, № 10, 696-модда) ўз кучини йўқотган деб топилсин.

3. Ўзбекистон Республикаси Олий Мажлиси Қонунчилик палатасининг Саноат, қурилиш ва савдо масалалари қўмитаси келиб тушган таклифларни ҳисобга олган ҳолда мазкур қонун лойиҳасини бир ой ичида маромига етказсин ва иккинчи ўқишда Қонунчилик палатаси муҳокамасига киритсин.

4. Ушбу қарор қабул қилинган кундан эътиборан кучга киради.