Дўстлик туман ички ишлар бўлимининг 2020 йил 8 февралдаги 28/395-сонли хатининг ижросини таъминлаш мақсадида қарор қиламан:

1. Дўстлик туман ички ишлар бўлимининг 2020 йил 8 февралдаги 28/395-сонли хати ижро учун қабул қилинсин.

2. Дўстлик шаҳри Шифокорлар кўчаси автомобиль йўли ёқаси қарама-қарши томонига, тиббиёт бирлашмаси биносининг ҳамда йўлнинг ўнг томонидан жойлашган дорихоналар қаршисига ва А. Саркисов кўчаси бошланиш жойидан 200 метр масофага «Йўл ҳаракати қоидаларида»ги 3.27 бандига асосан «Тўҳташ тақиқланган» йўл белгисини ўрнатишга рухсат берилсин.

3. Дўстлик туман ИИБ ЙХҲБ бошлиғи (З. Анарбоев), туман «Ободонлаштириш» бошқармаси (А. Ёриев)га, Дўстлик шаҳри Шифокорлар кўчаси автомобиль йўли ёқаси қарама-қарши томонига, тиббиёт бирлашмаси биносининг ҳамда йўлнинг ўнг томонидан жойлашган дорихоналар қаршисига ва А. Саркисов кўчаси бошланиш жойидан 200 метр масофага «Йўл ҳаракати қоидаларида»ги 3.27 бандига асосан «Тўхташ тақиқланган» йўл белгисини ўрнатиш ва ҳаракат хавфсизлиги таъминлаш вазифаси юклатилсин.

4. «Дўстлик ҳаёти» газетаси таҳририяти (Б. Қораев)га, мазкур қарорнинг мазмун-моҳиятини оммавий ахборот воситаларида эълон қилиш ва туман ҳокимлигининг расмий веб-сайтига жойлаштирилиши таъминлансин.

5. Қарор расмий эълон қилинган кундан эътиборан кучга киради.

6. Ушбу қарорнинг ижросини назорат қилиш туман ҳокимининг ўринбосари Б. Бойқулов зиммасига юклатилсин.