Ўзбекистон Республикаси Президентининг «Профессионал таълим тизимини янада такомиллаштиришга доир қўшимча чора-тадбирлар тўғрисида» 2019 йил 6 сентябрдаги ПФ-5812-сон Фармонига мувофиқ ёшларни бошланғич, ўрта ва ўрта махсус профессионал таълим билан қамраб олиш ҳамда уларни эгалланган касб ва мутахассисликлар бўйича давлат намунасидаги ҳужжатлар билан таъминлаш мақсадида Вазирлар Маҳкамаси қарор қилади:

2. Белгилаб қўйилсинки:

бошланғич, ўрта ва ўрта махсус профессионал таълим (кейинги ўринларда — профессионал таълим) тўғрисидаги дипломлар ва уларнинг иловалари, сертификат бланкаларини тайёрлаш билан боғлиқ харажатларни молиялаштириш аниқ ҳисоб-китобларга асосан 2021 йилдан бошлаб Ўзбекистон Республикаси Давлат бюджети параметрларида назарда тутилади;

профессионал таълим тўғрисидаги дипломлар ва уларнинг иловалари, сертификат бланкалари (дубликат бериш ҳолатлари бундан мустасно) битирувчиларга, академик маълумотномалар эса — ўқишдан четлатилган ўқувчиларга бепул берилади.

3. Ўзбекистон Республикаси Марказий банки ҳузуридаги «Давлат белгиси» давлат унитар корхонаси профессионал таълим тўғрисидаги дипломлар, уларнинг иловалари, сертификат бланкалари Ўзбекистон Республикаси Олий ва ўрта махсус таълим вазирлигининг буюртмаси бўйича муҳофазаланган махсус қоғозларда шартнома асосида тайёрлаб берилишини таъминласин.

4. Ўзбекистон Республикаси Олий ва ўрта махсус таълим вазирлиги уч ой муддатда Ўзбекистон Республикаси Давлат бюджетидан Олий ва ўрта махсус таълим вазирлигига ажратиладиган маблағлар ҳисобидан профессионал таълим тўғрисидаги дипломлар ҳамда сертификат бланкаларига индивидуал QR-код қўйиш тизими ҳамда унинг дастурий таъминоти ишлаб чиқилишини таъминласин.

5. Ўзбекистон Республикаси Ҳукуматининг 5-иловага мувофиқ айрим қарорларига ўзгартиришлар киритилсин.

6. Ўзбекистон Республикаси Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев ҳамда Ўзбекистон Республикаси олий ва ўрта махсус таълим вазири И.У. Маджидов зиммасига юклансин.

1. Вазирлар Маҳкамасининг 2000 йил 25 июлдаги 283-сон қарори (Ўзбекистон Республикаси ҚТ, 2000 й., 7-сон, 42-модда) билан тасдиқланган Расмий давлат ҳужжатларини тайёрлашга буюртма бериш, уларни тайёрлаш, ҳисобга олиш, сақлаш ва топшириш тартиби тўғрисидаги низомга илованинг «IV. Маълумот тўғрисидаги ҳужжатлар» бўлими 3-бандидаги «Ўрта махсус ва касб-ҳунар маълумоти тўғрисида диплом» сўзлари «Ўрта махсус таълим ҳамда бошланғич, ўрта ва ўрта махсус профессионал таълим тўғрисида диплом» сўзлари билан алмаштирилсин.

2. Вазирлар Маҳкамасининг «Олий маълумот тўғрисидаги бакалавр ва магистр дипломларининг давлат намуналарини тасдиқлаш тўғрисида» 2019 йил 19 июлдаги 607-сон қарорида:

а) 1-илова (Олий маълумот тўғрисидаги бакалавр ва магистр дипломларининг давлат намуналари ва уларнинг тавсифлари)да:

«I. Бакалавр дипломи» бўлимида:

учинчи — бешинчи хатбошилар қуйидаги таҳрирда баён қилинсин:

«Диплом муқоваси ички қисми қалин, томонлари 145х200 мм ўлчамда сув белгили қоғозда офсет босма усулида беш хил: матн қисми қора ва тўқ ҳаворанг, тасвирий элементлар эса ҳаворанг ранг ва оч ҳаворангда босилади;

Саҳифа марказининг оқ қисмига томонлари 80x82 мм ўлчовли ўзига хос кўринишдаги ҳаворанг бўёқда туширилган Ўзбекистон Республикасининг Давлат герби жойлаштирилади. Унинг атрофи нақшли растрдан ташкил топган оч ҳаворанг майда миллий нақшлик фондан иборат. Саҳифанинг юқори қисмида фон устидан 20 мм энликда ҳаворанг ҳошия туширилган ҳамда ҳошия устидан дипломнинг иккала саҳифасига «OʻZBEKISTON RESPUBLIKASI BAKALAVR DIPLOMI» ҳамда «REPUBLIС OF UZBEKISTAN BACНELOR'S DIPLOMA» сўзлари босилади;

Дипломнинг иккала саҳифалари ҳошияси тагидан В лотин ҳарфи ва саккиз хоналик сондан иборат бўлган рақам тўқ ҳаворангда босилади»;

еттинчи хатбоши қуйидаги таҳрирда баён қилинсин:

«Ҳар бир саҳифанинг икки томонидан саккиз қиррали юлдузнинг олтин рангдаги тасвири жойлаштирилади. Саккиз қиррали юлдузлар томонлари 15х15 мм дан иборат бўлган квадратлар туширилиши орқали ташкил этилган. Шунингдек, диплом бланкасининг ўнг томони қуйи қисмида фонсиз 35х35 мм ўлчамда QR-код тизими жойлаштирилади»;

ўн иккинчи хатбоши қуйидаги таҳрирда баён қилинсин:

«4) махсус миллий орнамент нақши туширилган, зичлиги 120 г/м² бўлган сув белгили қоғоз ишлатиш»;

ўн тўртинчи ва ўн бешинчи хатбошилар қуйидаги таҳрирда баён қилинсин:

«6) саккиз қиррали юлдуз тасвирланган саккиз қиррали юлдузларни махсус товланувчи олтин бўёқларда тасвирлаш;

7) саккиз шаклли ўзгарадиган рақамдан фойдаланиш»;

«II. Магистр дипломи» бўлимида:

учинчи — олтинчи хатбошилар қуйидаги таҳрирда баён қилинсин:

«Диплом муқовасининг ички қисми қалин томонлари 145х200 мм ўлчамда сув белгили қоғозда офсет босма усулида беш хил: матн қисми қора ва тўқ қизил рангда, тасвирий элементлар эса қаймоқранг ва оч қаймоқрангда босилади.

Саҳифа марказининг оқ қисмига томонлари 80x82 мм ўлчамли ўзига хос кўринишдаги қаймоқранг бўёқда туширилган Ўзбекистон Республикасининг Давлат герби тасвири жойлаштирилади. Унинг атрофи нақшли растрдан ташкил топган оч қаймоқранг майда миллий нақшлик фондан иборат. Саҳифанинг юқори қисмида фон устидан 20 мм энликда қаймоқ рангдаги ҳошия туширилган ҳамда ҳошия устидан дипломнинг иккала саҳифасига «OʻZBEKISTON RESPUBLIKASI MAGISTR DIPLOMI» ҳамда «REPUBLIС OF UZBEKISTAN MASTER'S DIPLOMA» сўзлари босилади.

Дипломнинг иккала саҳифалари ҳошияси тагидан М лотин ҳарфи ва саккиз хоналик сондан иборат бўлган рақам тўқ қизил рангда босилади.

Ҳар бир саҳифанинг икки томонидан саккиз қиррали юлдузнинг олтин рангдаги тасвири жойлаштирилади. Саккиз қиррали юлдузлар томонлари 15х15 мм дан иборат бўлган квадратлар туширилиши орқали ташкил этилган. Шунингдек, диплом бланкасининг ўнг томони қуйи қисмида фонсиз 35х35 мм ўлчамда QR-код тизими жойлаштирилади»;

ўн биринчи хатбоши қуйидаги таҳрирда баён қилинсин:

«4) махсус миллий орнамент нақши туширилган, зичлиги 120 г/м² бўлган сув белгили қоғоз ишлатиш»;

ўн учинчи ва ўн тўртинчи хатбошилар қуйидаги таҳрирда баён этилсин:

«6) саккиз қиррали юлдуз тасвирланган саккиз қиррали юлдузларни махсус товланувчи олтин бўёқларда тасвирлаш;

7) саккиз шаклли ўзгарадиган рақамдан фойдаланиш»;

б) 3-илова (Олий таълим муассасаларида бериладиган академик маълумотноманинг давлат намунаси ва тавсифи)нинг «Академик маълумотнома тавсифи» бўлимида:

биринчи хатбоши чиқариб ташлансин;

иккинчи — ўнинчи хатбошилар тегишлича биринчи — тўққизинчи хатбошилар деб ҳисоблансин;

биринчи хатбоши қуйидаги таҳрирда баён қилинсин:

«Академик маълумотнома сув белгили қоғозда офсет босма усулида, матн қисми қора рангда ва фон учун оч ҳаворангда босилади»;

еттинчи хатбоши қуйидаги таҳрирда баён қилинсин:

«3) махсус миллий орнамент нақши туширилган, зичлиги 120 г/м² бўлган сув белгили қоғоз ишлатиш»;

тўққизинчи хатбоши қуйидаги таҳрирда баён қилинсин:

«5) етти шаклли ўзгарадиган рақамдан фойдаланиш».