Вазирлар Маҳкамаси қарор қилади:

1. Ўзбекистон Республикаси Президенти ҳузуридаги Вазирлар Маҳкамасининг «Чет эл дипломатик ваколатхоналарини жойлаштириш учун маъмурий биноларни Тошкент шаҳар ҳокимлиги ихтиёрига бериш тўғрисида» 1992 йил 7 мартдаги 108-сон қарорига 1 ва 3-иловалардан Халқлар дўстлиги кўчаси, 42-уйдаги п/я-Ю-9942 Техника хизмати кўрсатиш маркази ва Чилонзор кўчаси, 6-уйдаги «Ўзсуздренаж» трести бинолари чиқариб ташлансин.

2. Муқимий кўчаси, 43-уйдаги Тошкент ҳисоблаш техникаси ва ахборот корхонасининг биноси «Ўздеҳқончиликсаноатбанк» балансига ўтказилсин, Халқлар дўстлиги кўчаси, 42-уйдаги объект қурилишида ўзлаштирилган марказлаштирилган капитал маблағлар республика бюджетига компенсация қилинсин.

3. Тошкент ҳисоблаш техникаси ва ахборот ижара корхонасини жойлаштириш учун унга Халқлар дўстлиги кўчаси, 42-уйда қурилаётган «Техника хизмати кўрсатиш маркази» объекти ҳақ олмасдан жамоа мулки қилиб берилсин.

Давлат мулкини бошқариш ва хусусийлаштириш қўмитаси Тошкент ҳисоблаш техникаси ва ахборот корхонасига Халқлар дўстлиги кўчаси, 42-уйдаги объектга жамоа мулки ҳуқуқини тасдиқловчи тегишли ҳужжатлар берсин.

4. Тошкент шаҳар ҳокимлигининг Тошкент шаҳар прокуратурасини жойлаштириш учун Чилонзор кўчаси, 6-уйда жойлашган бинони Ўзбекистон Республикаси Прокуратураси балансига ўтказиш, унинг Гоголь, кўчаси, 1-уйдаги бўшатиладиган биносига эса республика Прокуратурасининг ташқи иқтисодий фаолият соҳасида уюшган жиноятчиликка, талон-торожга ҳамда суиистеъмолчиликларга қарши кураш Бошқармасини жойлаштириш ҳақидаги таклифи қабул қилинсин.