Ўзбекистон Республикасининг «Таълим тўғрисидаги» Қонуни ва «Кадрлар тайёрлаш Миллий Дастури» ҳамда Ўзбекистон Республикаси Вазирлар Маҳкамасининг 2017 йилдаги 140-сонли қарори билан тасдиқланган «Умумий ўрта таълим тўғрисида»ги Низомнинг 5-боб 41-банди ижросини таъминлаш мақсадида шунингдек, шаҳардаги умумий ўрта таълим мактабларининг маҳалла фуқаролар йиғинларида ва кўчаларнинг номлари янгиланганлигини ҳисобга олиб ҳамда таълим муассасаларида «Мажбурий таълим» талабларини бажарилиши мониторингини талаб даражасида олиб бориш учун шаҳардаги умумий ўрта таълим мактабларининг мавжуд маҳалла фуқаролар йиғинлари ва кўчаларни микроҳудудларига бириктириш мақсадида шаҳар ҳалқ таълими бўлимининг 2020 йил 19 июндаги 01-10/68-сонли ҳамда шаҳар Адлия бўлимининг 2020 йил 23 июлдаги 7/592-сонли хатларини инобатга олиб, «Маҳаллий давлат ҳокимияти тўғрисида»ги Ўзбекистон Республикаси Қонунининг 6 ва 25-моддаларига асосан қарор қиламан:

1. Самарқанд шаҳар ҳалқ таълими бўлимининг 2020 йил 19 июндаги 01-10/68-сонли, шаҳар Адлия бўлимининг 2020 йил 23 июлдаги 7/592-сонли хатлари ҳамда 2-сонли хулосаси маълумот учун қабул қилинсин.

2. 2. Самарқанд шаҳар ҳалқ таълими бўлими тасарруфидаги умумтаълим мактабларига микроҳудудларига бириктирилган ҳудудлар бўйича рўйхати 1-иловага ҳамда шаҳарда ўқувчилар қамров коэффициенти юқори бўлган умумтаълим мактаблари 1-синфига қабул жараёнини мувофиқлаштирувчи ишчи гуруҳи 2-иловага асосан тасдиқлансин.

3. Умумтаълим мактаблари директорлари 1-синфга қабул жараёнини белгиланган микроҳудуд асосида ташкил этсин. Қамров коэффициенти (3-илова) юқори бўлган умумтаълим мактабларидаги қабул жараёнининг тўғри ташкил этилганлиги бўйича шаҳар ҳокимлигининг ишчи гуруҳи томонидан мувофиқлаштирилсин.

4. Самарқанд шаҳар ҳалқ таълими бўлими (Н. Садинова)га мазкур қарор билан барча умумий ўрта таълим мактабларини таништириш ва унинг ижросини таъминлаш вазифаси топширилсин.

5. Мазкур қарор ижросини назорат қилиш шаҳар ҳокимининг ўринбосари Ш. Эшонқулов зиммасига юклатилсин.