«Ўзбекистон Республикаси Савдо-саноат палатаси тўғрисида»ги Ўзбекистон Республикаси Қонунига ҳамда Ўзбекистон Республикаси Президентининг «Ўзбекистон Савдо-саноат палатасини ташкил этиш тўғрисида» 2004 йил 7 июлдаги ПФ–3453-сон Фармонига мувофиқ Вазирлар Маҳкамаси қарор қилади:

1. Ўзбекистон Республикаси Ҳукуматининг 1-иловага мувофиқ айрим қарорларига ўзгартиришлар киритилсин.

2. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.

1. Вазирлар Маҳкамасининг «Ўзбекистон Республикаси фуқароларининг чет элга боришлари тартибини ва Ўзбекистон Республикасининг дипломатик паспорти тўғрисидаги низомни тасдиқлаш ҳақида» 1995 йил 6 январдаги 8-сон қарорига 3-иловада (Ўзбекистон Республикаси ҚТ, 1995 й., 1-сон, 1-модда):

а) 3-рўйхат қуйидаги мазмундаги хатбоши билан тўлдирилсин:

«Ўзбекистон Республикаси Савдо-саноат палатаси раиси»;

б) 6-рўйхат қуйидаги мазмундаги хатбоши билан тўлдирилсин:

«Ўзбекистон Республикаси Савдо-саноат палатаси раисининг ўринбосарлари».

2. Вазирлар Маҳкамасининг «Маҳаллий саноатни бошқаришни такомиллаштириш чора-тадбирлари тўғрисида» 1997 йил 18 августдаги 405-сон қарори 3-бандининг учинчи хатбоши чиқариб ташлансин.

3. Вазирлар Маҳкамасининг «Аҳолига маиший хизмат кўрсатиш тизими фаолиятини ташкил этиш тўғрисида» 1997 йил 19 сентябрдаги 446-сон қарорининг 5-бандидаги (Ўзбекистон Республикаси ҚТ, 1997 й., 9-сон, 32-модда) «Товар ишлаб чиқарувчилар ва тадбиркорлар палатаси» сўзлари «Савдо-саноат палатаси» сўзлари билан алмаштирилсин.

4. Вазирлар Маҳкамасининг «Кичик тадбиркорликни ривожлантиришни рағбатлантириш механизмини такомиллаштириш тўғрисида» 1998 йил 27 майдаги 232-сон қарорида (Ўзбекистон Республикаси ҚТ, 1998 й., 5-сон, 20-модда):

а) 3-банд ўз кучини йўқотган деб ҳисоблансин;

б) 1-илованинг 4-бандида:

«Кафолатлар ва имтиёзлар мазмуни» устунидаги «Товар ишлаб чиқарувчилар ва тадбиркорлар палатаси» сўзлари «Ўзбекистон Республикаси Савдо-саноат палатаси» сўзлари билан алмаштирилсин;

«Қонун ҳужжатлари» устунидаги матн қуйидаги таҳрирда баён қилинсин:

«Тадбиркорлик фаолияти эркинлигининг кафолатлари тўғрисида»ги Ўзбекистон Республикаси Қонуни (39-модда)»;

в) 2-илованинг учинчи позициясида:

«Органнинг номи» устунидаги матн қуйидаги таҳрирда баён қилинсин:

«Ўзбекистон Республикаси Савдо-саноат палатаси»;

«Кичик бизнесни ривожлантиришни қўллаб-қувватлаш бўйича вазифалари» устунидаги матн қуйидаги таҳрирда баён қилинсин:

«Ўзбекистон Республикасида тадбиркорликни, энг аввало кичик ва хусусий тадбиркорликни ривожлантиришга кўмак бериш.

Хорижий шериклар билан амалий музокаралар ва алоқаларни кенгайтиришда, экспортбоп маҳсулотларини ташқи бозорларга олиб чиқишда, шунингдек рақобатбардош тайёр маҳсулотлар ишлаб чиқаришни таъминлайдиган янги ишлаб чиқаришларни ташкил этиш ҳамда фаолият кўрсатаётган ишлаб чиқаришларни техник жиҳатдан қайта жиҳозлаш учун хорижий инвестицияларни тўғридан-тўғри жалб қилишда тадбиркорларга ёрдам кўрсатиш.

Бошқа давлатларнинг савдо-саноат палаталари ҳамда тадбиркорлар жамоат бирлашмалари билан ҳамкорликни йўлга қўйиш ва ривожлантириш.

Тадбиркорларга кенг хизмат турларини кўрсатиш, жумладан ахборот таъминоти ва консультатив ёрдам бериш, Ўзбекистон Республикаси ишлаб чиқарувчилари, улар томонидан ишлаб чиқарилган маҳсулотлар ҳамда инвестиция имкониятлари тўғрисида ахборотлар, шунингдек салоҳиятли шериклари ва замонавий технологияларни сотиб олиш имкониятлари тўғрисида маълумотлар киритилган бизнес-каталоглар нашр этилишини ташкил қилиш.

Тадбиркорликни ривожлантириш учун қулай муҳитни шакллантириш, бизнес юритишнинг умум қабул қилинган халқаро ҳуқуқ ва нормалари тажрибасини жорий этиш чора-тадбирларини амалга ошириш, тадбиркорлик фаолиятини амалга оширишда ҳуқуқий ва иқтисодий шарт-шароитларни яхшилашга йўналтирилган қонун ҳужжатларини такомиллаштириш юзасидан таклифлар тайёрлаш.

Тадбиркорларни ифодалаш ва уларнинг ҳуқуқлари ҳамда қонуний манфаатларини, шу жумладан уларнинг давлат ва хўжалик бошқаруви органлари билан муносабатларида, шунингдек судда ҳимоя қилиш.

Тадбиркорлик фаолияти учун таълим тизимини ривожлантириш ва кадрлар тайёрлашда, тадбиркорлар ўқишини ташкил этиш ҳамда малакасини оширишда уларни қўллаб-қувватлаш».

5. Вазирлар Маҳкамасининг «Янги ташкил этилаётган хўжалик юритувчи субъектлар фаолияти устидан банк ва солиқ назоратини кучайтириш чора-тадбирлари тўғрисида» 1999 йил 30 мартдаги 146-сон қарорининг 4-бандидаги «Товар ишлаб чиқарувчилар ва тадбиркорлар палатаси Ўзбекистон Республикаси Иқтисодиёт вазирлиги, Давлат солиқ қўмитаси билан биргаликда» сўзлари «Ўзбекистон Республикаси Иқтисодиёт вазирлиги Давлат солиқ қўмитаси билан биргаликда» сўзлари билан алмаштирилсин.

6. Вазирлар Маҳкамасининг «Шаҳар атрофи, шаҳарлараро ва халқаро йўловчилар ташиш автомобиль транспортида очиқ тендерлар ташкил этиш ва ўтказиш масалалари тўғрисида» 1999 йил 29 июлдаги 368-сон қарорига 4-иловада (Ўзбекистон Республикаси ҚТ, 1999 й., 7-сон, 44-модда) «Пардаев Н.Х. — Ўзбекистон Товар ишлаб чиқарувчилар ва тадбиркорлар палатаси раисининг биринчи ўринбосари» сўзлари «Отахонов Ф.Х. — Ўзбекистон Республикаси Савдо-саноат палатаси раисининг ўринбосари» сўзлари билан алмаштирилсин.

7. Вазирлар Маҳкамасининг «Фермерларни, хусусий тадбиркорларни ҳамда кичик бизнес бошқа субъектларини қўллаб-қувватлаш чора-тадбирлари тўғрисида» 2000 йил 4 мартдаги 75-сон қарорига илованинг 2-бандида (Ўзбекистон Республикаси ҚТ, 2000 й., 3-сон, 11-модда) «Бажарилиши учун масъуллар» устунидаги «Товар ишлаб чиқарувчилар ва тадбиркорлар палатаси» сўзлари «Савдо-саноат палатаси» сўзлари билан алмаштирилсин.

8. Вазирлар Маҳкамасининг «Реклама тўғрисида»ги Ўзбекистон Республикаси Қонунини амалга ошириш чора-тадбирлари ҳақида» 2000 йил 26 июндаги 243-сон қарорига 4-илованинг 10-банди (Ўзбекистон Республикаси ҚТ, 2000 й., 6-сон, 32-модда) қуйидаги таҳрирда баён қилинсин:

«10. Отахонов Ф.Х. — Ўзбекистон Республикаси Савдо-саноат палатаси раисининг ўринбосари».

10. Вазирлар Маҳкамасининг «Кичик корхоналар, деҳқон ва фермер хўжаликларини маблағ билан таъминлаш, моддий-техник таъминлаш, уларга божхона имтиёзлари бериш, банк хизматлари ва бошқа хизматлар кўрсатиш бўйича қўшимча чора-тадбирлар тўғрисида» 2001 йил 10 сентябрдаги 366-сон қарорининг 1-бандидаги (Ўзбекистон Республикаси ҚТ, 2001 й., 9-сон, 52-модда) «Ўзбекистон товар ишлаб чиқарувчилар ва тадбиркорлар палатаси» сўзлари «Савдо-саноат палатаси» сўзлари билан алмаштирилсин.

11. Вазирлар Маҳкамасининг «Истеъмолчилар ҳуқуқларини ҳимоя қилишда жамоатчилик иштирокини кенгайтириш чора-тадбирлари тўғрисида» 2002 йил 28 ноябрдаги 414-сон қарорига 3-иловада (Ўзбекистон Республикаси ҚТ, 2002 й., 11-сон, 73-модда) «Собиров М.А. — Ўзбекистон Товар ишлаб чиқарувчилар ва тадбиркорлар палатаси раиси» сўзлари «Шайхов А.Э. — Ўзбекистон Республикаси Савдо-саноат палатаси раиси» сўзлари билан алмаштирилсин.

13. Вазирлар Маҳкамасининг «Паст рентабелли ва зарар кўриб ишлаётган, иқтисодий ночор давлат корхоналарини ва объектларни хусусийлаштиришни жадаллаштиришга доир қўшимча чора-тадбирлар тўғрисида» 2003 йил 26 августдаги 368-сон қарори (Ўзбекистон Республикаси ҚТ, 2003 й., 8-сон, 78-модда) билан тасдиқланган Паст рентабелли, зарар кўриб ишлаётган, иқтисодий ночор давлат корхоналарини, паст ликвидли объектларни инвестор томонидан инвестиция мажбуриятлари қабул қилиниши шарти билан инвесторларга танлов асосида бепул бериш тўғрисидаги низомнинг 4-бандидаги «Товар ишлаб чиқарувчилар ва тадбиркорлар палатаси» сўзлари «Савдо-саноат палатаси» сўзлари билан алмаштирилсин.

14. Вазирлар Маҳкамасининг «Ислом тараққиёт банки билан ҳамкорликни ривожлантириш чора-тадбирлари тўғрисида» 2004 йил 11 февралдаги 65-сон қарорига 2-илованинг 5.1-кичик бандида «Масъуллар» устунидаги «Ташқи иқтисодий алоқалар ва хорижий инвестициялар департаменти» ҳамда «Товар ишлаб чиқарувчилар ва тадбиркорлар палатаси» сўзлари тегишли равишда «Вазирлар Маҳкамасининг Ташқи алоқалар масалалари ахборот-таҳлил департаменти» ҳамда «Савдо-саноат палатаси» сўзлари билан алмаштирилсин.

15. Вазирлар Маҳкамасининг «Қишлоқ хўжалигида иқтисодий ислоҳотларни чуқурлаштириш бўйича Республика комиссияси фаолиятини такомиллаштириш тўғрисида» 2004 йил 25 февралдаги 87-сон қарорига 1-иловада (Ўзбекистон Республикаси ҚТ, 2004 й., 2-сон, 15-модда) «Собиров М.А. — Ўзбекистон Товар ишлаб чиқарувчилар ва тадбиркорлар палатаси раиси» сўзлари «Шайхов А.Э. — Ўзбекистон Республикаси Савдо-саноат палатаси раиси» сўзлари билан алмаштирилсин.

16. Вазирлар Маҳкамасининг «Ўзбекистон Республикасининг Европа Иттифоқи ва унга аъзо давлатлар билан ҳамкорлигини такомиллаштириш чора-тадбирлари тўғрисида» 2004 йил 22 мартдаги 134-сон қарорида:

а) 1-илова 5.18, 5.19 ва 5.50-бандларининг «Бажариш учун масъуллар» устунидаги «Товар ишлаб чиқарувчилар ва тадбиркорлар палатаси» сўзлари «Савдо-саноат палатаси» сўзлари билан алмаштирилсин;

б) 2-иловада:

Ўзбекистон — Европа Иттифоқи Ҳамкорлик кенгашининг Ўзбекистонга оид қисми таркибига Шайхов А.Э. — Ўзбекистон Республикаси Савдо-саноат палатаси раиси киритилсин;

Савдо ва инвестициялар бўйича кичик қўмитанинг Ўзбекистонга оид қисми таркибига Қосимов Н.С. — Ўзбекистон Республикаси Савдо-саноат палатаси раисининг ўринбосари киритилсин;

Адлия, хавфсизлик, ички ишлар, божхона ҳамкорлиги ва бошқа қўшимча масалалар бўйича кичик қўмитанинг Ўзбекистонга оид қисми таркибига Отахонов Ф.Х. — Ўзбекистон Республикаси Савдо-саноат палатаси раисининг ўринбосари киритилсин.

17. Вазирлар Маҳкамасининг «Қурилиш соҳасида ислоҳотларнинг амалга оширилиши мониторинги ва фаолиятни лицензиялаш бўйича Республика комиссияси таркибини тасдиқлаш тўғрисида» 2004 йил 14 апрелдаги 181-сон қарорига 1-иловада «Собиров М.А. — Ўзбекистон Товар ишлаб чиқарувчилар ва тадбиркорлар палатаси раиси» сўзлари «Шайхов А.Э. — Ўзбекистон Республикаси Савдо-саноат палатаси раиси» сўзлари билан алмаштирилсин.

18. Вазирлар Маҳкамасининг «Республика комиссиялари ва кенгашлари таркибини тасдиқлаш тўғрисида» 2004 йил 26 июлдаги 358-сон қарорида:

2, 26, 29 ва 44-иловалардаги Кенгашлар таркибига Шайхов А.Э. — Ўзбекистон Республикаси Савдо-саноат палатаси раиси киритилсин;

28-иловадаги комиссия таркибига Қосимов Н.С. — Ўзбекистон Республикаси Савдо-саноат палатаси раисининг ўринбосари киритилсин.

1. Вазирлар Маҳкамасининг «Ўзбекистон товар ишлаб чиқарувчилар ва тадбиркорлар палатаси фаолияти масалалари тўғрисида» 1996 йил 30 мартдаги 125-сон қарори.

2. Вазирлар Маҳкамасининг «Ўзбекистон товар ишлаб чиқарувчилар ва тадбиркорлар палатаси фаолиятини такомиллаштириш тўғрисида» 1998 йил 21 апрелдаги 166-сон қарори.

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар ва қўшимчалар киритиш тўғрисида» 2001 йил 27 июндаги 276-сон қарорига илованинг 10-банди (Ўзбекистон Республикаси ҚТ, 2001 й., 6-сон, 34-модда).

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2004 йил 12 мартдаги 121-сон қарорига (Ўзбекистон Республикаси ҚТ, 2004 й., 3-сон, 28-модда) илованинг 4-банди.