1. Ўзбекистон Республикаси Ҳукумати ва Россия Федерацияси Ҳукумати ўртасида 2017 йил 2 ноябрда Тошкент шаҳрида имзоланган Ўзбекистон Республикаси Ҳукуматига давлат экспорт кредити бериш тўғрисидаги Битим маъқуллансин.

2. Ўзбекистон Республикаси Ташқи ишлар вазирлиги юқорида кўрсатилган халқаро шартноманинг кучга кириши учун зарур бўлган ички давлат тартиб-таомилларининг Ўзбекистон Республикаси томонидан бажарилганлиги тўғрисида тегишли билдиришнома юборсин.

3. Ўзбекистон Республикаси Вазирлар Маҳкамаси, тегишли вазирлик ва идоралар раҳбарлари ушбу халқаро шартнома кучга кирганидан кейин Ўзбекистон Республикасининг ўз мажбуриятлари бажарилиши устидан белгиланган тартибда назоратни таъминласин.

4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — Молия вазири Д.А. Қўчқоров, Ўзбекистон Республикаси Бош вазирининг ўринбосари — «Ўзагротехсаноатхолдинг» акциядорлик жамияти бошқаруви раиси Н.С. Отажанов, Ўзбекистон Республикаси Президенти ҳузуридаги Хавфсизлик кенгаши котиби В.В. Маҳмудов, Ўзбекистон Республикаси Мудофаа вазири А.А. Азизов ва Ўзбекистон Республикаси Мудофаа саноати давлат қўмитаси раиси А.С. Ибодуллаевларга юклатилсин.