Ўзбекистон Республикаси Вазирлар Маҳкамасининг 2018 йил 12 январдаги 22-сон «Электр энергияси ва табиий газдан фойдаланиш тартибини такомиллаштиришга доир қўшимча чора-тадбирлар тўғрисида»ги қарорига мувофиқ Ўзбекистон Республикаси Молия вазирлиги ва Давлат солиқ қўмитаси қарор қилади:

1. Ўзбекистон Республикаси Молия вазирлиги ва Давлат солиқ қўмитасининг 2010 йил 7 июлдаги 53, 2010-32-сон қарори (рўйхат рақами 2127, 2010 йил 31 июль) (Ўзбекистон Республикаси қонун ҳужжатлари тўплами, 2010 й., 31-сон, 263-модда) билан тасдиқланган Электр энергиясини сотишни бухгалтерия ҳисобида акс эттириш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. 2-банднинг биринчи ва иккинчи хатбошилари қуйидаги таҳрирда баён этилсин:

«2. ҲЭТК электр энергиясини «Ўзбекистон миллий электр тармоқлари» АЖдан электр энергиясини етказиб бериш шартномасига асосан олади. ҲЭТК ҳар ойда Бюро ва «Ҳудудий электр тармоқлари» АЖнинг тегишли вакиллари билан биргаликда электр тармоғининг баланс бўйича мансублилик чегарасида ҳисоб-китоб даври учун электр энергиясини ҳисобга олиш асбоблари кўрсаткичларини ёзиб олади.

«Ўзбекистон миллий электр тармоқлари» АЖдан электр энергиясини сотиб олиш бўйича операциялар ҲЭТКнинг бухгалтерия ҳисобида қуйидагича акс эттирилади:».

2. 6-банднинг биринчи хатбошисидан «(қуввати)» ҳамда «ва қувват» деган сўзлар чиқариб ташлансин.

3. 9-банднинг биринчи хатбошисидаги «энергияси (қуввати)нинг» деган сўзлар «энергиясининг» деган сўз билан алмаштирилсин.

4. 12-банднинг «а» кичик банди учинчи хатбошиси қуйидаги таҳрирда баён этилсин:

«кредит 9020 «Товарларни сотишдан даромадлар» счёти — электр энергиясини истеъмолчи — юридик шахсларга, электр таъминотининг намунавий шартномасига мувофиқ тайёрланган ҲЭТК ва истеъмолчи — юридик шахс ўртасидаги электр таъминоти шартномасига асосан ҳисобланган шартномадаги миқдор бўйича сотишдан олинган тушум суммасига;».

5. 19-банд қуйидаги таҳрирда баён этилсин:

«19. Ҳисоб-китоб даври учун кўрсатилганидан 5 фоиздан ортиқ миқдорда электр энергияси истеъмол қилинганда, истеъмолчилардан (маиший истеъмолчилардан ташқари) электр таъминоти шартномасида кўрсатилгандан ортиқ истеъмол қилинган электр энергияси жами ҳажми учун белгиланган тарифнинг 1,15 баравари миқдорида тўлов ундирилади.

Ҳисоб-китоб даври учун электр энергиясининг ортиқча олинган ҳажми, истеъмолчи — юридик шахснинг ҳисоботи билан ёки солиштириш далолатномаси билан тасдиқланган ҳисобга олиш асбобларининг кўрсаткичлари бўйича аниқланади.».

6. 30-банднинг биринчи хатбошисидан, 33-банднинг биринчи, учинчи, олтинчи ва ўнинчи хатбошиларидан «Ўздавэнергоназорат» ДИ тасдиқлаган» деган сўзлар чиқариб ташлансин.

7. 34-бандда:

иккинчи хатбошидан «ва қуввати» деган сўзлар чиқариб ташлансин;

учинчи хатбошидаги «12» рақами «2» рақами билан алмаштирилсин.

8. 36-банднинг «а» ва «д» кичик бандларидаги «12» рақами «2» рақами билан алмаштирилсин.

9. 7-параграфнинг номидаги «энергия ва қувватларни» деган сўзлар «энергияни» деган сўз билан алмаштирилсин.

10. 40-банднинг биринчи хатбошисидаги «энергияси ва қувватини» ва «энергия ва қувватларни» деган сўзлар «энергияни» деган сўз билан алмаштирилсин.

11. 41-банднинг биринчи хатбошисидаги «энергия ва қувватларни» деган сўзлар «энергияни» деган сўз билан алмаштирилсин.

12. 42-банддаги «энергия ва қувватнинг иқтисодий қиймати, айнан шу соатларда реактив қувват ва (ёки)» деган сўзлар «энергиянинг иқтисодий қиймати, шунингдек айнан шу соатларда реактив» деган сўзлар билан алмаштирилсин.

13. 43²-банднинг биринчи хатбошиси қуйидаги таҳрирда баён этилсин:

«43². Республика истеъмолчиларига электр энергиясини сотишдан тушадиган маблағлардан (Ўзбекистон Республикаси Президентининг қарорларига асосан ажратиладиган мақсадли маблағлар, шу жумладан Ўзбекистон Республикаси Сув хўжалиги вазирлигининг сув хўжалиги ташкилотлари томонидан электр энергия истеъмоли учун тўловлар ҳамда «Иссиқлик электр станциялари» АЖ, «Ўзкимёсаноат» АЖ, «Навоий КМК» ДК ва «Олмалиқ КМК» АЖ корхоналаридан тушадиган маблағлар бундан мустасно) ажратмалар Мажбурий ижро бюросини ривожлантириш жамғармасига йўналтирилади ва ҲЭТК бухгалтерия ҳисобида қуйидагича акс эттирилади:».

14. 44-банддан «ва қуввати» деган сўзлар чиқариб ташлансин.

15. 45-банддан «Ўздавэнергоназорат» ДИ тасдиқлаган» ва «ва қуввати» деган сўзлар чиқариб ташлансин.

16. 1, 2 ва 3-иловаларнинг «Кўрсаткичлар номи» устуни 2-позициясидан «(«Ўздавэнергоназорат» ДИ томонидан тасдиқланган)» деган сўзлар чиқариб ташлансин.

17. Мазкур ўзгартиришлар Ўзбекистон Республикаси Энергетика вазирлиги билан келишилган.