«Чиқиндилар тўғрисида»ги Ўзбекистон Республикаси Қонуни, Ўзбекистон Республикаси Президентининг 2018 йил 22 ноябрдаги ПФ-5580-сон Фармони, Вазирлар Маҳкамасининг 2019 йил 6 февралдаги 95-сон қарори билан тасдиқланган «Қаттиқ ва суюқ маиший чиқиндиларни тўплаш ва олиб чиқиб кетиш бўйича хизматлар кўрсатиш қоидалари», Вазирлар Маҳкамасининг 2010 йил 28 октябрдаги 239-сон қарори билан тасдиқланган «Товарлар (ишлар, хизматлар)га тартибга солинадиган нархлар (тарифлар)ни шакллантириш, декларация қилиш (тасдиқлаш) ва белгилаш ҳамда уларнинг қўлланилишини давлат томонидан назорат қилиш тартиби тўғрисида»ги низом, Вазирлар Маҳкамасининг 1992 йил 14 августдаги «Аҳолига сотиладиган ёқилғи, энергия ва кўрсатиладиган хизматлар чакана нархлари ҳамда тарифларини қайта кўриб чиқиш тўғрисида»ги 381-сон қарори ижросини таъминлаш мақсадида «Маҳаллий давлат ҳокимияти тўғрисида»ги Ўзбекистон Республикаси Қонунининг 6, 25-моддаларига асосан қарор қиламан:

1. Хоразм вилоят «Тоза Ҳудуд» давлат унитар корхонасининг туман (шаҳар) филиаллари ҳудудидаги қаттиқ маиший чиқиндиларни тўплаш ва олиб чиқиб кетиш бўйича хизматлар учун тўловлар, шунингдек, юридик шахс ва якка тартибдаги тадбиркорларга маиший чиқиндиларни тўплаш ва олиб чиқиб кетиш бўйича кўрсатиладиган хизматлар учун янги тўлов тарифлари 1-иловага* мувофиқ тасдиқлансин.

2. Маҳалла фуқаролар йиғини раислари ҳамда кўп хонадонли уйларда хусусий уй-жой мулкдорлари ширкатларига Хоразм вилоят «Тоза Ҳудуд» давлат унитар корхонаси туман (шаҳар) филиаллари томонидан аҳолидан чиқиндиларни тўплаб олиб кетганлиги учун тўловларни вақтида тўланишида яқиндан амалий ёрдам кўрсатишлари тавсия қилинсин.

3. Вилоят молия бош бошқармаси (М. Искандаров) вилоят Ғазначилик бошқармаси (Б. Панаев) билан биргаликда бюджетдан маблағ билан таъминланадиган ташкилотларнинг ҳаражатлар сметасида қаттиқ ва суюқ маиший чиқиндиларини ташиб чиқариш харажатлари бўйича белгиланган нормативлар асосида зарур маблағларни режалаштирилишини таъминласинлар.

4. Мазкур қарор Хоразм вилоят хокимлигининг расмий нашри ҳисобланган «Хоразм ҳакиқати» ва «Хорезмская правда» газеталарида эълон қилинган кундан кучга киради.

5. Вилоят ҳокимлигининг «Ахборот хизмати» (Ш. Қарриев) мазкур қарорни ҳокимликнинг веб-сайтида жойлаштирилишини таъминласин.

6. Хоразм вилоят ҳокимининг 2018 йил 2 июндаги 384қ-сон қарори ўз кучини йўқотган деб ҳисоблансин.

7. Ушбу қарорнинг бажарилишини назорат қилиш вилоят ҳокимининг биринчи ўринбосари К. Игамбергенов зиммасига юклатилсин.