468-сон 07.06.2019. Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида

Ўзбекистон Республикаси Вазирлар Маҳкамасининг қарори, 07.06.2019 йилдаги 468-сон

Кучга кириш санаси

08.06.2019

Рус

Eng

Ўзб

O’zb

Ўзб|Рус

Ҳужжат 05.04.2022 санаси ҳолатига

Жорий версия

Ўзбекистон Республикаси Вазирлар Маҳкамасининг

Қарори

Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентини тасдиқлаш тўғрисида

Ўзбекистон Республикаси Президентининг «Аҳолига давлат хизматлари кўрсатишнинг миллий тизимини тубдан ислоҳ қилиш чора-тадбирлари тўғрисида» 2017 йил 12 декабрдаги ПФ-5278-сон, «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол инвестициялар ва ижтимоий ривожланиш йили»да амалга оширишга оид давлат дастури тўғрисида» 2019 йил 17 январдаги ПФ-5635-сон фармонлари ҳамда «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида» 2019 йил 14 майдаги ПҚ-4319-сон қарорига мувофиқ олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатиш тизимини такомиллаштириш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Олий таълим муассасаларига тест синовлари орқали қабул қилиш тизимини такомиллаштириш бўйича қўшимча чора-тадбирлар тўғрисида» 2019 йил 14 майдаги ПҚ-4319-сон қарорига мувофиқ:

2019/2020 ўқув йилидан бошлаб Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан белгиланадиган давлат олий таълим муассасаларига бакалавриатга ўқишга кириш учун абитуриентлар давлат хизматлари марказлари ёки Ўзбекистон Республикаси Ягона интерактив давлат хизматлари портали орқали мурожаат қилиши белгиланганлиги;

тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлардан (ногиронлиги бўлган ёки тўлиқ давлат таъминотидаги шахслар бундан мустасно) тест синовларида иштирок этиш учун базавий ҳисоблаш миқдорининг ярим баравари миқдорида тўлов ундирилиши маълумот учун қабул қилинсин.

2. Ўзбекистон Республикаси Вазирлар Маҳкамаси ҳузуридаги Давлат тест маркази Олий ва ўрта махсус таълим вазирлиги, Адлия вазирлиги билан биргаликда беш кун муддатда 2019/2020 ўқув йилида бакалавриатга ўқишга кириш учун абитуриентларни рўйхатдан ўтказишни давлат хизматлари марказлари ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали ташкил этадиган давлат олий таълим муассасалари бўйича Ўзбекистон Республикаси таълим муассасаларига ўқишга қабул қилиш бўйича давлат комиссиясига таклиф киритсин.

3. Белгилансинки, абитуриентлар томонидан давлат хизматлари марказлари ёки ЯИДХП орқали кириш тест синовларида иштирок этиш учун рўйхатдан ўтиш белгиланмаган давлат олий таълим муассасаларига ҳужжат топширишда Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг бакалавриатига талабаларни ўқишга қабул қилиш тартиби тўғрисидаги низомда белгиланган амалдаги тартиб сақлаб қолинади.

4. Қуйидагилар:

Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламенти 1-иловага мувофиқ;

Олий таълим муассасаларига ўқишга кириш учун имтиёзга эга бўлган абитуриентлар тоифаси ҳамда уларнинг реестрини шакллантириш учун масъул бўлган ваколатли органлар рўйхати 2-иловага мувофиқ тасдиқлансин.

5. Ўзбекистон Республикаси Олий ва ўрта махсус таълим вазирлиги, тизимида олий таълим муассасалари бўлган вазирликлар ва идоралар:

а) қабул параметрлари тасдиқланган кундан бошлаб бир ҳафта муддатда:

Вазирлар Маҳкамаси ҳузуридаги Давлат тест маркази билан биргаликда Интернет жаҳон ахборот тармоғидаги расмий веб-сайтларда олий таълим муассасаларида бакалавриат таълим йўналишлари бўйича қабул режаларини жойлаштиришни;

тизимидаги олий таълим муассасалари ҳузурида абитуриентларга олий таълим муассасасида яратилган шароитлар ҳамда мавжуд факультетлар ва бакалавриат таълим йўналишлари моҳияти, шунингдек жорий ўқув йили қабул режалари тўғрисида батафсил маълумотларни олишга ёрдам берувчи алоқа марказлари (call-center) ташкил этишни;

б) Ўзбекистон Республикаси Адлия вазирлиги ҳузуридаги Давлат хизматлари агентлиги, Вазирлар Маҳкамаси ҳузуридаги Давлат тест маркази билан биргаликда меҳнат қонунчилигига риоя этган ҳолда, пуллик асосда жалб этиладиган масъул ходимлар, олий таълим муассасаларининг масъул ходимлари иштирокида ушбу қарор билан тасдиқланган маъмурий регламентни амалда кўллаш самарадорлиги ва натижадорлиги даражасини оширишга йўналтирилган ўқув семинарларини доимий равишда ўтказишни;

в) абитуриентларни олий таълим муассасаларига ўқишга кириш учун давлат хизматлари марказлари орқали рўйхатга олишда амалий ёрдам бериш мақсадида ўқув йилига қабул бошлангунга қадар ҳудудлардаги олий таълим муассасаларидан вакиллар ажратилишини таъминласин.

6. Ўзбекистон Республикаси Адлия вазирлиги Олий ва ўрта махсус таълим вазирлиги, тизимида олий таълим муассасалари бўлган вазирликлар ва идоралар билан биргаликда абитуриентларга олий таълим муассасаларига ўқишга кириш учун давлат хизматлари марказлари орқали давлат хизматларини кўрсатиш учун меҳнат қонунчилигига риоя этган ҳолда, кўнгиллилар гуруҳини пулли асосда жалб этишни таъминласин.

7. Вазирлар Маҳкамаси ҳузуридаги Давлат тест маркази Ўзбекистон Республикаси Адлия вазирлиги ҳузуридаги Давлат хизматлари агентлиги ва Давлат ахборот тизимларини яратиш ва қўллаб-қувватлаш бўйича ягона интегратор билан биргаликда 2019 йил 10 июнга қадар, имтиёзга эга бўлган абитуриентларнинг электрон реестри ваколатли органлар томонидан реал вақт режимида киритиб борилишини таъминловчи ягона платформа яратилишини таъминласин.

8. Олий таълим муассасаларига ўқишга кириш учун имтиёзга эга бўлган абитуриентларнинг реестрини шакллантириш учун масъул бўлган ваколатли органлар 2019 йил 10 июнга қадар, ўзлари масъул бўлган имтиёзлар бўйича охирги уч йил ичида имтиёзга эга бўлган абитуриентлар тўғрисидаги маълумотларнинг электрон реестрини шакллантириб, қарорнинг 7-бандида кўрсатиб ўтилган ягона платформага доимий равишда маълумотлар киритиб борилишини таъминласин.

8. Олий таълим муассасаларига ўқишга кириш учун имтиёзга эга бўлган абитуриентларнинг реестрини шакллантириш учун масъул бўлган ваколатли органлар ҳар йили 10 июнга қадар, ўзлари масъул бўлган имтиёзлар бўйича охирги уч йил ичида имтиёзга эга бўлган абитуриентлар тўғрисидаги маълумотларнинг электрон реестрини шакллантириб, қарорнинг 7-бандида кўрсатиб ўтилган ягона платформага доимий равишда маълумотлар киритиб борилишини таъминласин.

Ушбу ваколатли органлар имтиёзлар ҳақидаги маълумотларнинг ахборот тизимига ўз вақтида ва тўлиқ киритиб борилиши учун шахсан масъул ҳисобланади ҳамда ахборот тизимига киритилмаган маълумотлар бўйича давлат хизматлари марказлари томонидан имтиёзли ҳуқуқ асосида абитуриентлардан ҳужжатлар қабул қилинмайди.

9. Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги «Электрон ҳукумат ва рақамли иқтисодиёт лойиҳаларини бошқариш маркази» ДУК Ўзбекистон Республикаси Адлия вазирлиги ҳузуридаги Давлат хизматлари агентлиги билан биргаликда белгиланган олий таълим муассасаларига ўқишга кириш учун ҳужжатларни қабул қилиш бўйича давлат хизматларининг ЯИДХП орқали жорий этилишини таъминласин.

10. Ўзбекистон Республикаси Ички ишлар вазирлиги, Давлат тест маркази, Ўзбекистон Республикаси Адлия вазирлиги ҳузуридаги Давлат хизматлари агентлиги Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги «Электрон ҳукумат ва рақамли иқтисодиёт лойиҳаларини бошқариш маркази» ДУК билан биргаликда фуқароларнинг электрон расмлари мавжуд бўлган ахборот базасини 2019 йил 10 июнга кадар Электрон ҳукумат идоралараро интеграцион платформаси ва Давлат тест марказининг ахборот тизимига интеграциялаштириш чораларини кўрсин.

11. Белгилаб қўйилсинки, тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлардан (ногиронлиги бўлган ёки тўлиқ давлат таъминотидаги шахслар бундан мустасно) тест синовларида иштирок этиш учун базавий ҳисоблаш миқдорининг ярим баравари миқдорида ундириладиган тўлов:

абитуриентлар олий таълим муассасаларига ҳужжат топшириш учун мурожаат этганда — жойлардаги банклар кассалари томонидан;

абитуриентлар давлат хизматлари марказлари орқали рўйхатдан ўтиш учун мурожаат этганда — давлат хизматлари марказларида жойлашган банк кассалари ҳамда марказлар ходимлари томонидан нақд ёки нақд пулсиз кўринишида қабул қилинади.

Мазкур тўловлар Вазирлар Маҳкамаси ҳузуридаги Давлат тест маркази фаолиятини ривожлантириш жамғармасига йўналтирилади.

12. Ўзбекистон Республикаси Ташқи ишлар вазирлиги Жаҳон иқтисодиёти ва дипломатия университетига ўқишга кириш учун ўтказиладиган дастлабки имтиҳон июнь ойида ўтказилишини таъминласин.

13. Ўзбекистон Республикаси Адлия вазирлиги ҳузуридаги Давлат хизматлари агентлиги:

Вазирлар Маҳкамаси ҳузуридаги Давлат тест маркази, олий таълим муассасалари ва бошқа ташкилотларнинг абитуриентларга олий таълим муассасаларига ҳужжат топшириш бўйича давлат хизматларини кўрсатишнинг белгиланган тартибини амалга оширишга доир фаолияти юзасидан, жумладан, ЯИДХП орқали доимий назорат ўрнатсин;

ушбу қарор билан тасдиқланган маъмурий регламент талаблари бузилганлиги учун давлат хизматларини кўрсатишда иштирок этувчи ташкилотларнинг мансабдор шахсларига нисбатан маъмурий жазо чораларини белгиланган тартибда қўлласин.

14. Ўзбекистон Миллий телерадиокомпанияси ва Ўзбекистон Миллий ахборот агентлиги Ўзбекистон Республикаси Адлия вазирлиги ҳузуридаги Давлат хизматлари агентлиги, Олий ва ўрта махсус таълим вазирлиги ҳамда Вазирлар Маҳкамаси ҳузуридаги Давлат тест маркази билан биргаликда мазкур қарорнинг мазмун-моҳияти оммавий ахборот воситаларида кенг ёритилишини таъминласин.

15. Ўзбекистон Республикаси Адлия вазирлиги Олий ва ўрта махсус таълим вазирлиги, манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

16. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари А.А. Абдухакимов, Ўзбекистон Республикаси адлия вазири Р.К. Давлетов, олий ва ўрта махсус таълим вазири И.У. Маджидов ҳамда Вазирлар Маҳкамаси ҳузуридаги Давлат тест маркази директори М.М. Каримов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2019 йил 7 июнь,

468-сон

Вазирлар Маҳкамасининг 2019 йил 7 июндаги 468-сон қарорига
1-ИЛОВА

Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг

МАЪМУРИЙ РЕГЛАМЕНТИ

1-боб. Умумий қоидалар

1. Ушбу Регламент абитуриентларга Давлат хизматлари марказлари (кейинги ўринларда Марказ деб аталади) ёки Ўзбекистон Республикаси Ягона интерактив давлат хизматлари портали (кейинги ўринларда ЯИДХП деб аталади) орқали республика давлат олий таълим муассасалари бакалавриатига ўқишга кириш учун ҳужжатлар топшириш бўйича давлат хизматини (кейинги ўринларда давлат хизмати деб аталади) кўрсатиш тартибини белгилайди.

2. Регламент талаблари:

Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан белгиланадиган давлат олий таълим муассасаларига нисбатан татбиқ этилади;

хорижий, хусусий ҳамда ҳарбий олий таълим муассасаларига, олий таълим муассасаларининг магистратурасига, тест синовларисиз ижодий имтиҳонлар орқали ўқишга қабул қилинадиган олий таълим муассасалари бакалавриат таълим йўналишларига ўқишга кириш учун, олий таълим муассасаларига хорижий фуқаролар томонидан ҳужжат топширишга ҳамда Ўзбекистон Республикаси таълим муассасаларига ўқишга қабул қилиш бўйича давлат комиссияси томонидан Марказлар ёки ЯИДХП орқали кириш тест синовларида иштирок этиш учун рўйхатдан ўтиш белгиланмаган давлат олий таълим муассасаларига нисбатан татбиқ этилмайди.

3. Марказлар, Давлат тест маркази ҳамда олий таълим муассасалари ўртасидаги ахборот алмашинуви электрон рақамли имзони (кейинги ўринларда ЭРИ деб аталади) мажбурий тартибда қўллаган ҳолда фақат идоралараро электрон ўзаро боғланиш орқали амалга оширилади.

4. Абитуриентлар ўзларининг доимий яшаш жойи ёки вақтинча турган жойи бўйича рўйхатга олинган жойидан қатъи назар, исталган Марказга давлат хизматидан фойдаланиш учун мурожаат қилиши мумкин.

4. Абитуриентлар ўзларининг яшаш ёки турган жойи бўйича рўйхатдан ўтган жойидан қатъи назар, исталган Марказга давлат хизматидан фойдаланиш учун мурожаат қилиши мумкин.

Абитуриентлар Марказга мурожаат этган ҳудудда (ЯИДХП орқали мурожаат этганда доимий яшаш жойи бўйича рўйхатга олинган ҳудудида) ташкил этиладиган тест синовларида иштирок этишлари мумкин.

Абитуриентлар Марказга мурожаат этган ҳудудда (ЯИДХП орқали мурожаат этганда яшаш жойи бўйича рўйхатдан ўтган ҳудудида) ташкил этиладиган тест синовларида иштирок этишлари мумкин.

5. Абитуриентларга давлат хизматлари ҳар йили 15 июндан 15 июлгача (шу куни ҳам) кўрсатилади.

6. Давлат хизматларини кўрсатиш мазкур Регламентга 1-иловага мувофиқ схема асосида амалга оширилади.

2-боб. Давлат хизматларини кўрсатиш тартиби

7. Абитуриент Регламентнинг 5-бандида назарда тутилган муддат давомида давлат хизматларидан фойдаланиш учун Марказга мурожаат этади ёки давлат хизматларидан электрон тарзда фойдаланиш учун ЯИДХПда рўйхатдан ўтади.

Имтиёзга эга бўлган абитуриентлар, шунингдек, фуқаролиги бўлмаган шахслар ва паспорт ёшига етмаганлар давлат хизматларидан фойдаланиш учун Марказларга мурожаат этади.

8. Абитуриент ўзи келиб мурожаат этган тақдирда, Марказ ходими абитуриент номидан, ЯИДХП орқали мурожаат этган тақдирда эса, мустақил равишда Регламентга 2-иловага мувофиқ шаклдаги сўровнома бўйича маълумотларни Давлат тест марказининг тизимига махсус дастур орқали электрон равишда киритади.

Марказ ходими томонидан сўровномага тегишли маълумотлар киритилиши учун абитуриент Марказ ходимига қуйидаги ҳужжатларнинг асл нусхасини тақдим этади:

фуқаролик паспорти (ички ишлар бўлимлари томонидан берилган 09-шакл бўйича жисмоний шахснинг шахсий идентификация рақами, паспорт серияси ва рақами кўрсатилган маълумотнома);

паспорт ёшига етмаганлар учун туғилганлик тўғрисидаги гувоҳнома;

умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжат (иловаси билан);

Ўзбекистон Республикаси Президентининг ҳамда Вазирлар Маҳкамасининг норматив-ҳуқуқий ҳужжатларида белгиланган тартибда имтиёзга эга бўлган абитуриентлар имтиёз ҳуқуқини тасдиқловчи ҳужжат.

Ҳужжатларни қабул қилишнинг белгиланган муддатлари тугагандан сўнг сўровномага қўшимча ва ўзгартиришлар киритиш қатъиян ман этилади.

Абитуриентдан қўшимча ҳужжатларни талаб қилиш тақиқланади.

Абитуриент бир вақтнинг ўзида, ўқитишнинг бир шакли доирасида учтагача олий таълим муассасасини (бакалавриат таълим йўналишлари) танлаши мумкин. Бир нечта олий таълим муассасасини (бакалавриат таълим йўналишлари) танлашда имтиҳон топшириладиган фанлар мажмуаси ва кетма-кетлиги мос бўлиши шарт.

9. Сўровномага зарур маълумотлар расмийлаштириб, киритилгандан сўнг Давлат хизматлари маркази ходими абитуриентга асл ҳужжатларни қайтаради ва QR-код (матрицали штрих код) қўйилган сўровномани икки нусхада чоп этиб, абитуриентга беради. Абитуриент маълумотларнинг тўғрилигини текшириб, сўровномани ўз имзоси билан тасдиқлайди,бир нусхасини ўзида олиб қолади ва иккинчи нусхасини Марказ ходимига беради.

Сўровнома абитуриентнинг имзоси билан тасдиқлангандан сўнг Марказ ходимининг ЭРИси билан тасдиқланган ҳолда, Давлат тест марказининг тизимига автоматик тарзда киритилади.

Давлат тест маркази маълумотлар базасига киритилган маълумотларни автоматик тарзда қабул қилади.

10. Давлат хизматлари кўрсатилгани учун жорий йил битирувчиларидан ҳамда ногиронлиги бўлган ёки тўлиқ давлат таъминотидаги шахслардан давлат хизматлари кўрсатилгани учун тўлов ундирилмайди.

11. Давлат хизмати кўрсатилгани учун тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлардан базавий ҳисоблаш миқдорининг 50 фоизи миқдорида тўлов ундирилади.

Бунда, давлат хизматини олиш учун ЯИДХП орқали мурожаат этилганда ушбу банднинг биринчи хатбошисида кўрсатилган тўлов суммасининг 90 фоизи ундирилади.

Тўловлар Марказларда жойлашган банк кассалари ҳамда Марказ ходимлари томонидан нақд ва нақдсиз пул кўринишида қабул қилинади. Тўловлар тўланганлигини тасдиқлаш ахборот-коммуникация тизимлари орқали амалга оширилади.

Тўловлар суммаси қуйидаги тартибда тақсимланади:

а) Марказларга ўзи келиб мурожаат этганда:

50 фоизи — Ўзбекистон Республикаси Адлия вазирлиги ҳузуридаги Давлат хизматлари агентлиги бюджетдан ташқари жамғармасининг шахсий ҳисоб рақамига ўтказилади;

10 фоизи — Ўзбекистон Республикаси Ички ишлар вазирлигининг бюджетдан ташқари жамғармаси ҳисоб рақамига ўтказилади;

қолган маблағлар — Ўзбекистон Республикасининг Давлат бюджетига ўтказилади;

б) ЯИДХП орқали мурожаат этилганда:

10 фоизи — Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги «Электрон ҳукумат ва рақамли иқтисодиёт лойиҳаларини бошқариш маркази» ДУКнинг ҳисоб рақамига ўтказилади;

қолган маблағлар — Ўзбекистон Республикасининг Давлат бюджетига ўтказилади.

12. Сўровномада нотўғри маълумотлар кўрсатилиши, абитуриентларнинг Марказга шахсан мурожаат этмаганлиги, шунингдек давлат хизматлари кўрсатиш учун мазкур Регламентнинг 11-бандида назарда тутилган тўловни тўланмаслиги давлат хизмати кўрсатишни рад этиш учун асос ҳисобланади.

Давлат хизматлари кўрсатишни бошқа асослар бўйича рад этиш тақиқланади.

13. Абитуриент давлат хизматларини кўрсатишнинг ҳар қандай босқичида улардан фойдаланишдан бош тортиш ҳуқуқига эга. Абитуриент давлат хизматларидан фойдаланишдан бош тортганда, унинг маълумотлари кўрилмасдан қолдирилади.

Бунда давлат хизмати кўрсатилгани учун тўлов суммаси қайтарилмайди.

3-боб. Якунловчи қоидалар

14. Танлов ва тест синовлари сўровнома орқали Давлат тест марказининг тизимига киритилган маълумотлар асосида ўтказилади.

15. Абитуриент имтиҳон натижаларига кўра олий таълим муассасасига қабул қилинган тақдирда, Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг бакалавриатига талабаларни ўқишга қабул қилиш тартиби тўғрисидаги низомда кўрсатилган ҳужжатларнинг асл нусхаларини тегишли олий таълим муассасаларига ўқув йили бошлангунга кадар тақдим этади.

16. Марказлар, Давлат тест маркази ва олий таълим муассасалари ўз фаолиятини амалга ошириши натижасида олинган маълумотларнинг сир сақланишини таъминлайди.

17. Ўзбекистон Республикаси Адлия вазирлиги ҳузуридаги Давлат хизматлари агентлиги, унинг ҳудудий бошқармалари ва Марказлар Регламент талабларининг ижроси юзасидан давлат органлари ва бошқа ташкилотларнинг фаолияти бўйича, жумладан ЯИДХП орқали доимий назоратни ва мониторингни амалга оширади.

18. Абитуриентлар давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

19. Ушбу Регламентни қўллашда юзага келадиган низолар қонунчилик ҳужжатларида белгиланган тартибда ҳал этилади.

20. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентига
1-ИЛОВА

СХЕМАСИ

Босқичлар	Субъектлар	Тадбирлар	Бажариш муддатлари

1-босқич	Абитуриент	1. Олий таълим муассасаларига ўқишга кириш учун Давлат хизматлари марказига шахсан ўзи келиб мурожаат қилади ёки Ягона интерактив давлат хизматлари порталида рўйхатдан ўтади. 2. Давлат хизматларини кўрсатилгани учун тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлар томонидан тўлов тўланади.	Хоҳишига кўра
1-босқич	Абитуриент		Хоҳишига кўра

2-босқич	1. Давлат хизматлари маркази	Давлат хизматлари маркази ходими ариза берувчи номидан. ЯИДХИ орқали мурожаат этган тақдирда эса, мустақил равишда сўровнома бўйича маълумотларни Давлат тест марказида шакллантириладиган абитуриентлар базасига махсус дастур орқали электрон равишда киритади.	1. 10 дақиқа мобайнида
2-босқич	2. Ягона интерактив давлат хизматлари портали		2. Автоматик тарзда

3-босқич	Давлат тест маркази	1. Абитуриентлар базасига киритилган маълумотларни қабул қилади. 2. Абитуриентлардан ҳужжат қабул қилиш тўлиқ муддати тугагандан сўнг абитуриентни тест синови ўтказиладиган кун. вақти ва жойи ҳақидаги маълумотларни расмий сайтида жойлаштиради. 3. Абитуриентлар базасига киритилган маълумотлар асосида тест синови ва танловни ўтказади.	1. Автоматик тарзда 2. Қабул қилиш муддати тугагандан сўнг 3. июль-август ойлари
3-босқич	Давлат тест маркази

4-босқич	Абитуриент	Имтиҳон натижаларидан муваффақиятли ўтган тақдирда, керакли ҳужжатларнинг асл нусхаларини тегишли олий таълим муассасаларига тақдим этади.	Ўқув йилининг 2 сентябрь кунига кадар
4-босқич	Абитуриент		Ўқув йилининг 2 сентябрь кунига кадар

Босқичлар	Субъектлар	Тадбирлар	Бажариш муддатлари

1-босқич	Абитуриент	1. Олий таълим муассасаларига ўқишга кириш учун Давлат хизматлари марказига шахсан ўзи келиб мурожаат қилади ёки Ягона интерактив давлат хизматлари порталида рўйхатдан ўтади. 2. Давлат хизматларини кўрсатилгани учун тест синовлари ташкил этилаётган ўқув йилидан аввалги йилларда таълим муассасаларини тугатган абитуриентлар томонидан тўлов тўланади.	Хоҳишига кўра
1-босқич	Абитуриент		Хоҳишига кўра

2-босқич	1. Давлат хизматлари маркази	Давлат хизматлари маркази ходими ариза берувчи номидан. ЯИДХИ орқали мурожаат этган тақдирда эса, мустақил равишда сўровнома бўйича маълумотларни Давлат тест марказида шакллантириладиган абитуриентлар базасига махсус дастур орқали электрон равишда киритади.	1. 10 дақиқа мобайнида
2-босқич	2. Ягона интерактив давлат хизматлари портали		2. Автоматик тарзда

3-босқич	Давлат тест маркази	1. Абитуриентлар базасига киритилган маълумотларни қабул қилади. 2. Абитуриентлардан ҳужжат қабул қилиш тўлиқ муддати тугагандан сўнг абитуриентни тест синови ўтказиладиган кун. вақти ва жойи ҳақидаги маълумотларни расмий сайтида жойлаштиради. 3. Абитуриентлар базасига киритилган маълумотлар асосида тест синови ва танловни ўтказади.	1. Автоматик тарзда 2. Қабул қилиш муддати тугагандан сўнг 3. июль-август ойлари
3-босқич	Давлат тест маркази

4-босқич	Абитуриент	Имтиҳон натижаларидан муваффақиятли ўтган тақдирда, керакли ҳужжатларнинг асл нусхаларини тегишли олий таълим муассасаларига тақдим этади.	Ўқув йилининг 2 сентябрь кунига кадар
4-босқич	Абитуриент		Ўқув йилининг 2 сентябрь кунига кадар

Олий таълим муассасаларига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламентига
2-ИЛОВА

_________________ (сана)			__________________ (т/р)
Олий таълим муассасаларига ўқишга кириш учун ҳужжатларни қабул қилиш бўйича
СЎРОВНОМА
I. Ариза берувчи ҳақидаги маълумотлар:
1.1. Ф.И.О.:
1.2. Паспортга оид маълумотлар (рақами ва серияси) (мавжуд бўлмаса, ички ишлар бўлимлари томонидан берилган 09-шакл бўйича маълумот):
1.3. Паспорт ёшига етмаганлар учун тугилганлик тўғрисидаги гувоҳнома маълумотлари
1.4. Жисмоний шахснинг шахсий идентификация рақами (ЖШШИР) (мавжуд бўлса)
1.5. Манзили:
1.6. Фуқаролиги:
1.7. Миллати:
1.8. Телефон рақами:
1.9. Электрон почта манзили:
II. Қўшимча маълумотлар:
2.1. Умумий ўрта таълим (11-синф негизида) ёки ўрта махсус, касб- ҳунар таълими муассасаси номи, манзили, ушбу муассасани тугатганлиги ҳақидаги ҳужжат серияси, рақами ва берилган санаси:
2.2. Тест топшириш тили :
2.3. Олий таълим муассасасининг номи:*				Олий таълим муассасаси номи	Олий таълим муассасасидаги бакалавриат таълим йўналиши номи
		2.3.1.
		2.3.2.
		2.3.3.
2.4. Қайси чет тилидан тест топшириши (агар чет тилини топшириш зарур бўлса)
2.5. Танланган йўналиш бўйича ижодий имтиҳон мавжуд ёки мавжуд эмаслиги:
2.6. Таълим шакли:
III. Имтиёз борлиги ҳақидаги маълумотлар (мавжуд бўлса)
					Тегишли ҳужжатнинг реквизитлари (рақами, берилган санаси ва ш.к.)
3.1.	Ўзбекистон Республикаси Қуролли Кучлари сафида муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлган фуқаролар
3.2.	I ва II гуруҳ ногиронлиги бўлган шахслар
3.3.	Ўзбекистон Республикаси Қуролли Кучлари ҳарбий хизматчиларининг фарзандлари
3.4.	Халқаро ва республика олимпиадалари, танловлар ва мусобақалар ғолиблари бўлган академик лицейлар, касб-ҳунар коллежлари ва умумтаълим мактабларининг битирувчилари
3.5.	Чет тилини билиш даражаси тўғрисидаги давлат намунасидаги В1 ва ундан юқори даражадаги малака сертификатга эга бўлган абитуриентлар
3.6.	Илғор халқаро имтиҳон тизимлари (TOEFL, IELTS, CEFR, SAT General, SAT Subject ва ҳоказо) сертификатларига эга бўлган абитуриентлар
3.7.	Тўлиқ давлат таъминотидаги етим болалар
3.8.	Ўзбекистон ёшлар иттифоқининг республика комиссияси томонидан берилган тавсиянома соҳиблари (педагогика таълим йўналишларига)
3.9.	Зулфия номидаги Давлат мукофоти лауреатлари
3.10.	«Мард ўғлон» давлат мукофоти соҳиблари
3.11.	«Йилнинг энг яхши тарбиячиси» республика танлови ғолиблари
3.12.	Тиббиёт муассасалари ҳамшираларининг «Ҳамшира» республика танлови ғолиблари
3.13.	Бадиий академиянинг тасвирий санъат бўйича республика танлови ғолиблари
3.14.	«Ниҳол» мукофоти совриндорлари
3.15.	Ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга бўлганлар фуқаролар
3.16.	Навоий вилоятининг олис чўл ҳудудидан бўлган абитуриентлар (Навоий, Бухоро ва Самарқанд вилоятлари олий таълим муассасаларига ҳужжат топширганда)
3.17.	Мақсадли қабул
IV. Абитуриентга хабар бериш тартиби
4.1. Имтиҳон топшириш учун рўйхатдан ўтганлиги тўғрисида СМС орқали (телефон рақами)
4.2. Имтиҳон ўтказиладиган кун, вақти ва жойи ҳақида Давлат тест марказининг расмий сайти орқали.
Ушбу сўровномада қайд этилган маълумотларнинг тўлиқ ва ҳақиқийлигини ҳамда тўғри кўрсатилганлигини тасдиқлайман.

						Ариза берувчининг имзоси

_________________ (сана)			__________________ (т/р)
Олий таълим муассасаларига ўқишга кириш учун ҳужжатларни қабул қилиш бўйича
СЎРОВНОМА
I. Ариза берувчи ҳақидаги маълумотлар:
1.1. Ф.И.О.:
1.2. Паспортга оид маълумотлар (рақами ва серияси) (мавжуд бўлмаса, ички ишлар бўлимлари томонидан берилган 09-шакл бўйича маълумот):
1.3. Паспорт ёшига етмаганлар учун тугилганлик тўғрисидаги гувоҳнома маълумотлари
1.4. Жисмоний шахснинг шахсий идентификация рақами (ЖШШИР) (мавжуд бўлса)
1.5. Манзили:
1.6. Фуқаролиги:
1.7. Миллати:
1.8. Телефон рақами:
1.9. Электрон почта манзили:
II. Қўшимча маълумотлар:
2.1. Умумий ўрта таълим (11-синф негизида) ёки ўрта махсус, касб- ҳунар таълими муассасаси номи, манзили, ушбу муассасани тугатганлиги ҳақидаги ҳужжат серияси, рақами ва берилган санаси:
2.2. Тест топшириш тили :
2.3. Олий таълим муассасасининг номи:*				Олий таълим муассасаси номи	Олий таълим муассасасидаги бакалавриат таълим йўналиши номи
		2.3.1.
		2.3.2.
		2.3.3.
2.4. Қайси чет тилидан тест топшириши (агар чет тилини топшириш зарур бўлса)
2.5. Танланган йўналиш бўйича ижодий имтиҳон мавжуд ёки мавжуд эмаслиги:
2.6. Таълим шакли:
III. Имтиёз борлиги ҳақидаги маълумотлар (мавжуд бўлса)
					Тегишли ҳужжатнинг реквизитлари (рақами, берилган санаси ва ш.к.)
3.1.	Ўзбекистон Республикаси Қуролли Кучлари сафида муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлган фуқаролар
3.2.	I ва II гуруҳ ногиронлиги бўлган шахслар
3.3.	Ўзбекистон Республикаси Қуролли Кучлари ҳарбий хизматчиларининг фарзандлари
3.4.	Халқаро ва республика олимпиадалари, танловлар ва мусобақалар ғолиблари бўлган академик лицейлар, касб-ҳунар коллежлари ва умумтаълим мактабларининг битирувчилари
3.5.	Чет тилини билиш даражаси тўғрисидаги давлат намунасидаги В1 ва ундан юқори даражадаги малака сертификатга эга бўлган абитуриентлар
3.6.	Илғор халқаро имтиҳон тизимлари (TOEFL, IELTS, CEFR, SAT General, SAT Subject ва ҳоказо) сертификатларига эга бўлган абитуриентлар
3.7.	Тўлиқ давлат таъминотидаги етим болалар
3.8.	Ўзбекистон ёшлар иттифоқининг республика комиссияси томонидан берилган тавсиянома соҳиблари (педагогика таълим йўналишларига)
3.9.	Зулфия номидаги Давлат мукофоти лауреатлари
3.10.	«Мард ўғлон» давлат мукофоти соҳиблари
3.11.	«Йилнинг энг яхши тарбиячиси» республика танлови ғолиблари
3.12.	Тиббиёт муассасалари ҳамшираларининг «Ҳамшира» республика танлови ғолиблари
3.13.	Бадиий академиянинг тасвирий санъат бўйича республика танлови ғолиблари
3.14.	«Ниҳол» мукофоти совриндорлари
3.15.	Ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга бўлганлар фуқаролар
3.16.	Навоий вилоятининг олис чўл ҳудудидан бўлган абитуриентлар (Навоий, Бухоро ва Самарқанд вилоятлари олий таълим муассасаларига ҳужжат топширганда)
3.17.	Мақсадли қабул
IV. Абитуриентга хабар бериш тартиби
4.1. Имтиҳон топшириш учун рўйхатдан ўтганлиги тўғрисида СМС орқали (телефон рақами)
4.2. Имтиҳон ўтказиладиган кун, вақти ва жойи ҳақида Давлат тест марказининг расмий сайти орқали.
Ушбу сўровномада қайд этилган маълумотларнинг тўлиқ ва ҳақиқийлигини ҳамда тўғри кўрсатилганлигини тасдиқлайман.

						Ариза берувчининг имзоси

Изоҳ.

Барча маълумотлар абитуриеит ҳужжатларининг асл нусхаларидан тўлдирилади.

Абитуриент томонидан топширилган ҳужжатларнинг қалбакилиги аниқланса, у ҳолда абитуриент тест синовларидан (олий таълим муассасасидан) четлаштирилади ҳамда ҳужжатлари белгиланган тартибда ҳуқуқни муҳофаза қилиш органларига юборилади.

* Бир нечта олий таълим муассасасини (бакалавриат таълим йўналишлари) танлашда имтиҳон ўтказиладиган фанлар мажмуаси ва кетма-кетлиги мос бўлиши лозим.

Вазирлар Маҳкамасининг 2019 йил 7 июндаги 468-сон қарорига
2-ИЛОВА

Олий таълим муассасаларига ўқишга кириш учун имтиёзга эга бўлган абитуриентлар тоифаси ҳамда уларнинг реестрини шакллантириш учун масъул бўлган ваколатли органлар

РЎЙХАТИ

Т/р	Имтиёзлар турлари (тоифалари)	Имтиёзларни бериш учун масъул ваколатли органлар
1.	Ўзбекистон Республикаси Қуролли Кучлари ҳарбий хизматчиларининг фарзандлари	Ўзбекистон Республикаси Президенти давлат хавфсизлик хизмати, Мудофаа вазирлиги, Ички ишлар вазирлиги, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги, Давлат хавфсизлик хизмати, Миллий гвардия
2.	Халқаро ва республика олимпиадалари, танловлар ва мусобақалар ғолиблари бўлган академик лицейлар, касб-ҳунар коллежлари ва умумтаълим мактабларининг битирувчилари	Олий ва ўрта махсус таълим вазирлиги, Халқ таълими вазирлиги, Жисмоний тарбия ва спорт вазирлиги, Ўзбекистон Бадиий академияси
3.	Зулфия номидаги Давлат мукофоти лауреатлари	Ўзбекистон Хотин-қизлар қўмитаси
4.	«Мард ўғлон» давлат мукофоти соҳиблари	Ўзбекистон ёшлар иттифоқи
5.	«Йилнинг энг яхши тарбиячиси» республика танлови ғолиблари, Тиббиёт муассасалари ҳамшираларининг «Ҳамшира» республика танлови ғолиблари, Бадиий академиянинг тасвирий санъат бўйича республика танлови ғолиблари, «Ниҳол» мукофоти совриндорлари	Мактабгача таълим вазирлиги, Соғлиқни сақлаш вазирлиги, Ўзбекистон Бадиий академияси, Маданият вазирлиги
6.	Ўзбекистон ёшлар иттифоқининг республика комиссияси томонидан берилган тавсиянома соҳиблари (педагогика таълим йўналишларига)	Ўзбекистон ёшлар иттифоқи
7.	Тўлиқ давлат таъминотидаги етим болалар	Соғлиқни сақлаш вазирлиги, Халқ таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
8.	Ўзбекистон Республикаси Қуролли Кучлари сафида муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлган фуқаролар	Мудофаа вазирлиги, Ўзбекистон Республикаси Президенти давлат хавфсизлик хизмати, Ички ишлар вазирлиги, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги, Давлат хавфсизлик хизмати, Миллий гвардия
9.	Чет тилини билиш даражаси тўғрисида давлат намунасидаги В1 ва ундан юқори даражадаги малака сертификатга эга бўлган абитуриентлар	Давлат тест маркази
10.	Ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга бўлганлар фуқаролар	Ўзбекистон ёшлар иттифоқи, Мудофаа вазирлиги

Т/р	Имтиёзлар турлари (тоифалари)	Имтиёзларни бериш учун масъул ваколатли органлар
1.	Ўзбекистон Республикаси Қуролли Кучлари ҳарбий хизматчиларининг фарзандлари	Ўзбекистон Республикаси Президенти давлат хавфсизлик хизмати, Мудофаа вазирлиги, Ички ишлар вазирлиги, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги, Давлат хавфсизлик хизмати, Миллий гвардия
2.	Халқаро ва республика олимпиадалари, танловлар ва мусобақалар ғолиблари бўлган академик лицейлар, касб-ҳунар коллежлари ва умумтаълим мактабларининг битирувчилари	Олий ва ўрта махсус таълим вазирлиги, Халқ таълими вазирлиги, Жисмоний тарбия ва спорт вазирлиги, Ўзбекистон Бадиий академияси
3.	Зулфия номидаги Давлат мукофоти лауреатлари	Ўзбекистон Республикаси Оила ва хотин-қизлар қўмитаси
4.	«Мард ўғлон» давлат мукофоти соҳиблари	Ўзбекистон ёшлар иттифоқи
5.	«Йилнинг энг яхши тарбиячиси» республика танлови ғолиблари, Тиббиёт муассасалари ҳамшираларининг «Ҳамшира» республика танлови ғолиблари, Бадиий академиянинг тасвирий санъат бўйича республика танлови ғолиблари, «Ниҳол» мукофоти совриндорлари	Мактабгача таълим вазирлиги, Соғлиқни сақлаш вазирлиги, Ўзбекистон Бадиий академияси, Маданият вазирлиги
6.	Ўзбекистон ёшлар иттифоқининг республика комиссияси томонидан берилган тавсиянома соҳиблари (педагогика таълим йўналишларига)	Ўзбекистон ёшлар иттифоқи
7.	Тўлиқ давлат таъминотидаги етим болалар	Соғлиқни сақлаш вазирлиги, Халқ таълими вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
8.	Ўзбекистон Республикаси Қуролли Кучлари сафида муддатли ҳарбий хизматни ўтаб, ҳарбий қисм қўмондонлигининг тавсияномасига эга бўлган фуқаролар	Мудофаа вазирлиги, Ўзбекистон Республикаси Президенти давлат хавфсизлик хизмати, Ички ишлар вазирлиги, Фавқулодда вазиятлар вазирлиги, Ахборот технологиялари ва коммуникацияларини ривожлантириш вазирлиги, Давлат хавфсизлик хизмати, Миллий гвардия
9.	Чет тилини билиш даражаси тўғрисида давлат намунасидаги В1 ва ундан юқори даражадаги малака сертификатга эга бўлган абитуриентлар	Давлат тест маркази
10.	Ҳарбий қисм қўмондонлиги ва Ёшлар иттифоқи бошланғич ташкилоти тавсияномасига эга бўлганлар фуқаролар	Ўзбекистон ёшлар иттифоқи, Мудофаа вазирлиги

Вазирлар Маҳкамасининг 2019 йил 7 июндаги 468-сон қарорига
3-ИЛОВА

МАЪМУРИЙ РЕГЛАМЕНТИ

1-боб. Умумий қоидалар

1. Ушбу Регламент давлат олий таълим муассасалари талабалари ўқишини кўчириш, қайта тиклаш ҳамда давлат олий таълим муассасалари магистратурасига ўқишга кириш учун ҳужжатларни Ўзбекистон Республикаси Ягона интерактив давлат хизматлари портали (кейинги ўринларда — ЯИДХП) ёки Ўзбекистон Республикаси Олий таълим, фан ва инновациялар вазирлигининг махсус электрон платформаси (кейинги ўринларда — махсус платформа) орқали қабул қилиш тартибини белгилайди.

2. Давлат хизматлари мазкур Регламентга 1 ва 2-иловаларга мувофиқ схема асосида кўрсатилади.

3. Давлат хизматларини кўрсатганлик учун тўлов ундирилмайди.

4. Ариза берувчи аризани давлат хизматларини кўрсатиш доирасида кўриб чиқиш ҳолатини ЯИДХП ёки махсус платформа орқали кузатиб бориши мумкин.

2-боб. Олий таълим муассасалари талабалари ўқишини кўчириш, қайта тиклаш учун ҳужжатларни қабул қилиш бўйича давлат хизматларини кўрсатиш тартиби

5. Ариза берувчи Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги низомда белгиланган тартибда ҳар йили 15 июлдан 5 августга қадар давлат хизматларидан фойдаланиш учун ЯИДХП ёки махсус платформа орқали рўйхатдан ўтади.

6. Ариза берувчи ЯИДХП ёки махсус платформа орқали мазкур Регламентга 3-иловага мувофиқ шаклдаги сўровномани тўлдиради ҳамда унга киритилган маълумотларнинг тўғрилигини текшириб, сўровномани тасдиқлайди.

7. Агар сўровномада нотўғри маълумотлар кўрсатилган бўлса, уларни бартараф этиш учун ариза берувчига беш иш кунидан иборат муддат берилади. Давлат хизматларини кўрсатишни тўхтатиб туриш тўғрисидаги хабар ариза берувчига бир иш куни ичида юборилиши лозим. Давлат хизматини кўрсатиш муддатининг ўтиши камчиликларни бартараф этиш вақтида тўхтатиб турилади.

Белгиланган муддатда камчиликлар бартараф этилмаганлиги давлат хизматини кўрсатишни рад этиш учун асос ҳисобланади.

Давлат хизматларини кўрсатишни бошқа асослар бўйича рад этиш тақиқланади.

8. Ариза берувчи давлат хизматларини кўрсатишнинг ҳар қандай босқичида улардан фойдаланишдан бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг аризаси кўрилмасдан қолдирилади.

9. ЯИДХП ва махсус платформа орқали келиб тушган ариза ҳамда унга илова қилинган ҳужжатлар Ўзбекистон Республикаси Олий таълим, фан ва инновациялар вазирлиги томонидан ҳар йили 16 июлдан 25 августга қадар кўриб чиқилиб, тегишлилиги бўйича олий таълим муассасаси ёки тизимида олий таълим муассасалари мавжуд бўлган вазирлик ҳамда идоралар ёхуд Ўзбекистон Республикаси таълим ташкилотларига қабул қилиш бўйича давлат комиссиясига (кейинги ўринларда — ваколатли комиссиялар) юборилади.

10. Талабалар ўқишини кўчириш, қайта тиклаш тўғрисидаги аризалар ваколатли комиссиялар томонидан ҳар йили 6 августдан 30 августга қадар ўрганиб чиқилиб, қарор қабул қилинади ва ариза берувчига ЯИДХП ёки махсус платформа орқали маълум қилинади.

3-боб. Олий таълим муассасалари магистратурасига ўқишга кириш учун ҳужжатларни қабул қилиш бўйича давлат хизматларини кўрсатиш тартиби

11. Ариза берувчи Вазирлар Маҳкамасининг 2017 йил 20 июндаги 393-сон қарори билан тасдиқланган Олий таълим муассасаларининг магистратурасига ўқишга қабул қилиш тартиби тўғрисидаги низомда белгиланган тартибда ҳар йили 1 июлдан 30 июлга қадар давлат хизматларидан фойдаланиш учун ЯИДХП ёки махсус платформа орқали рўйхатдан ўтади.

12. Ариза берувчи ЯИДХП ёки махсус платформа орқали мурожаат этганда, ушбу Регламентга 4-иловага мувофиқ шаклдаги сўровномани мустақил равишда тўлдиради ҳамда унга киритилган маълумотларнинг тўғрилигини текшириб, сўровномани тасдиқлайди.

13. Агар сўровномада нотўғри маълумотлар кўрсатилган бўлса, уларни бартараф этиш учун ариза берувчига беш иш кунидан иборат муддат берилади. Давлат хизматларини кўрсатишни тўхтатиб туриш тўғрисидаги хабар ариза берувчига бир иш куни ичида юборилиши лозим. Давлат хизматини кўрсатиш муддатининг ўтиши камчиликларни бартараф этиш вақтида тўхтатиб турилади.

Белгиланган муддатда камчиликлар бартараф этилмаганлиги давлат хизмати кўрсатишни рад этиш учун асос ҳисобланади.

Давлат хизматларини кўрсатишни бошқа асослар бўйича рад этиш тақиқланади.

14. Ариза берувчи давлат хизматларини кўрсатишнинг ҳар қандай босқичида улардан фойдаланишдан бош тортиш ҳуқуқига эга. Ариза берувчи давлат хизматларидан фойдаланишдан бош тортганда, унинг сўровномаси кўрилмасдан қолдирилади.

15. ЯИДХП ёки махсус платформа орқали мурожаат қилинганда сўровнома автоматик тарзда тегишли олий таълим муассасасига юборилади.

16. Тегишли олий таълим муассасаси ариза келиб тушгандан бошлаб уч иш куни давомида ариза берувчининг тугатган олий таълим муассасасига (нодавлат олий таълим ташкилотига) диплом маълумотларини тасдиқлаш учун жўнатади, бунда ҳар йили 10 августга қадар:

2020/2021 ўқув йилига қадар республика давлат олий таълим муассасаси томонидан берилган диплом маълумотлари (ўртача балли билан) тегишли олий таълим муассасаси томонидан тасдиқлаб берилади;

2020/2021 ўқув йилидан бошлаб республика давлат олий таълим муассасаси томонидан берилган диплом маълумотлари (ўртача балли билан) автоматик тарзда Ўзбекистон Республикаси Олий таълим, фан ва инновациялар вазирлигининг «Олий таълим жараёнларини бошқариш — HEMIS» ахборот тизимидан олинади;

республикада фаолият кўрсатаётган нодавлат олий таълим ташкилоти ва хорижий олий таълим ташкилотлари филиаллари томонидан берилган диплом маълумотлари (ўртача балли билан) тегишли олий таълим ташкилоти томонидан тасдиқлаб берилади.

Ариза берувчи хорижий олий таълим ташкилотини тугатган бўлса, унинг диплом маълумотлари Ўзбекистон Республикаси Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг «Нострификация» ахборот тизими орқали текшириб олинади ва диплом ўртача балли ҳужжатни қабул қилиб олган олий таълим ташкилоти томонидан ҳисобланади.

17. Магистратурага қабул бўйича натижалар Ўзбекистон Республикаси Олий таълим, фан ва инновациялар вазирлиги томонидан Ўзбекистон Республикаси таълим ташкилотларига қабул қилиш бўйича давлат комиссиясига (кейинги ўринларда — Давлат комиссияси) тасдиқлаш учун киритилади.

18. Давлат комиссияси ҳар йили 25 августга қадар олий таълим муассасалари магистратурасига қабул қилиш тўғрисида қарор қабул қилади.

19. Олий таълим муассасаси ҳар йили 30 августга қадар Давлат комиссиясининг қарорига асосан абитуриентнинг магистратурага қабул натижасини ЯИДХП ёки махсус платформа орқали абитуриентни хабардор қилади.

4-боб. Якунловчи қоидалар

20. Ўзбекистон Республикаси Олий таълим, фан ва инновациялар вазирлиги ҳамда тизимида олий таълим муассасалари бўлган вазирлик ва идоралар ҳамда олий таълим муассасалари ўз фаолиятини амалга ошириши натижасида олинган маълумотларнинг сир сақланишини таъминлайди.

21. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонунчилик ҳужжатларида белгиланган тартибда шикоят қилишлари мумкин.

22. Мазкур Регламентни қўллашда юзага келадиган низолар қонунчилик ҳужжатларида белгиланган тартибда ҳал этилади.

23. Ушбу Регламент талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Олий таълим муассасалари талабалари ўқишини кўчириш, қайта тиклаш учун ҳужжатларни қабул қилиш бўйича давлат хизматларини кўрсатишнинг

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Ариза берувчи	1. Ўқишини кўчириш, қайта тиклаш учун Ягона интерактив давлат хизматлари портали (кейинги ўринларда — ЯИДХП) ёки Олий таълим, фан ва инновациялар вазирлигининг махсус электрон платформасида (кейинги ўринларда — махсус платформа) рўйхатдан ўтади. 2. ЯИДХП ёки махсус платформа орқали мурожаат этганда, Регламентга 3-иловага мувофиқ шаклдаги сўровномани мустақил равишда тўлдиради. 3. Маълумотларнинг тўғрилигини текшириб, сўровномани тасдиқлайди.	Ҳар йили 15 июлдан 5 августга қадар
1-босқич	Ариза берувчи		Ҳар йили 15 июлдан 5 августга қадар

2-босқич	Ўзбекистон Республикаси Олий таълим, фан ва инновациялар вазирлиги	ЯИДХП ёки махсус платформа орқали келиб тушган аризаларни, илова қилинган ҳужжатларни кўриб чиқиш ва тегишли олий таълим муассасаси ёки тизимида олий таълим муассасалари мавжуд вазирлик ва идоралар ёхуд Ўзбекистон Республикаси таълим ташкилотларига қабул қилиш бўйича давлат комиссиясига (кейинги ўринларда — ваколатли комиссиялар) юборади.	Ҳар йили 16 июлдан 25 августга қадар
2-босқич			Ҳар йили 16 июлдан 25 августга қадар

3-босқич	Ваколатли комиссиялар	Ҳужжатларни кўриб чиқади, натижаси бўйича қарор қабул қилади ҳамда ЯИДХП ёки махсус платформа орқали хабардор қилади.	Ҳар йили 6 августдан 30 августга қадар
3-босқич	Ваколатли комиссиялар		Ҳар йили 6 августдан 30 августга қадар

Олий таълим муассасаларининг магистратурасига ўқишга кириш учун ҳужжатларни қабул қилиш бўйича давлат хизматларини кўрсатишнинг

СХЕМАСИ

Босқичлар	Субъектлар	Тадбирлар	Муддатлар
Босқичлар	Субъектлар	Тадбирлар	Муддатлар

1-босқич	Ариза берувчи	1. Олий таълим муассасаларининг магистратурасига ўқишга кириш учун ЯИДХП ёки махсус платформада рўйхатдан ўтади. 2. ЯИДХП ёки махсус платформа орқали мурожаат этганда, ушбу Регламентга 4-иловага мувофиқ шаклдаги сўровномани мустақил равишда тўлдиради. 3. Маълумотларнинг тўғрилигини текшириб, сўровномани тасдиқлайди.	Ҳар йили 1 июлдан 30 июлга қадар
1-босқич	Ариза берувчи		Ҳар йили 1 июлдан 30 июлга қадар

2-босқич	1. ЯИДХП 2. Махсус платформа	Рўйхатдан ўтган абитуриентларнинг аризаларини, маълумотларини тегишли олий таълим муассасаларига юборади.	1. 10 дақиқа мобайнида 2. Автоматик тарзда
2-босқич	1. ЯИДХП 2. Махсус платформа		1. 10 дақиқа мобайнида 2. Автоматик тарзда

3-босқич	Олий таълим муассасаси	1. Келиб тушган аризаларни, маълумотларни қабул қилади. Тегишлилиги бўйича абитуриентнинг бакалавр дипломи тўғрисидаги маълумотларни тасдиқлаш учун тугатган олий таълим муассасасига (нодавлат олий таълим ташкилотига) юборади.	Уч иш куни давомида
			Уч иш куни давомида
		2. Ариза берувчининг диплом маълумотларини текшириб, тасдиқлайди.	Ҳар йили 10 августга қадар

4-босқич	Ўзбекистон Республикаси таълим ташкилотларига қабул қилиш бўйича давлат комиссияси	Олий таълим муассасаларининг магистратурасига қабул натижаларини тасдиқлаш тўғрисида қарор қабул қилади.	Ҳар йили 25 августга қадар
4-босқич			Ҳар йили 25 августга қадар

5-босқич	Олий таълим муассасаси	Давлат комиссиясининг қарорига асосан абитуриентнинг магистратурага қабул натижасини ЯИДХП ёки махсус платформа орқали хабардор қилади.	Ҳар йили 30 августга қадар
5-босқич	Олий таълим муассасаси		Ҳар йили 30 августга қадар

Олий таълим муассасалари талабалари ўқишини кўчириш, қайта тиклаш учун ҳужжатларни қабул қилиш бўйича

СЎРОВНОМА

I. Ариза берувчи ҳақидаги маълумотлар
1.1. Фамилияси, исми ва отасининг исми
1.2. Паспорт ёки идентификацияловчи ID-картаси маълумотлари (серияси ва рақами, ЖШШИР маълумотлари)
1.3. Фуқаролиги
1.4. Телефон рақами
1.5. Электрон почта манзили (мавжуд бўлса)
II. Ариза берувчининг ўқиётган (ўқиган) олий таълим муассасаси бўйича маълумотлар
2.1. Олий таълим муассасасининг номи
2.2. Бакалавриат таълим йўналиши ёки магистратура мутахассислиги шифри ва номи
2.3. Таълим шакли
2.4. Таълим тури
2.5. Таълим курси
III. Ариза берувчининг ўқишини кўчириш (қайта тиклаш) истагини билдирган олий таълим муассасаси ва ўқишни кўчириш (кўчириб тиклаш) сабаби бўйича маълумотлар
3.1. Олий таълим муассасасининг номи
3.2. Бакалавриат таълим йўналиши ёки магистратура мутахассислиги шифри ва номи
3.3. Таълим шакли
3.4. Ўқишни кўчириш (кўчириб тиклаш) сабаби
3.5. Ўқишни кўчириш (кўчириб тиклаш) сабабини асословчи ҳужжатлар

Ушбу сўровномада қайд этилган маълумотларнинг тўлиқ ва ҳақиқийлигини ҳамда тўғри кўрсатилганлигини тасдиқлайман.

Олий таълим муассасалари талабалари ўқишини кўчириш, қайта тиклаш ва олий таълим муассасалари магистратурасига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламенти ҳамда Олий таълим муассасалари талабалари ўқишини кўчириш, қайта тиклаш ва ўқишдан четлаштириш тартиби тўғрисидаги низом талаблари билан тўлиқ танишдим.

Олий таълим муассасаларининг магистратурасига ўқишга кириш учун ҳужжатларни қабул қилиш бўйича

СЎРОВНОМА

I. Ариза берувчи ҳақидаги маълумотлар
1.1. Фамилияси, исми ва отасининг исми (ўзгарган бўлса, бу ҳақда маълумотлар кўрсатилади)
1.2. Паспорт ёки идентификацияловчи ID-картаси маълумотлари (серияси ва рақами, ЖШ ШИР маълумотлари)
1.3. Фуқаролиги
1.4. Телефон рақами
1.5. Электрон почта манзили (мавжуд бўлса)
II. Ариза берувчининг ўқиган олий таълим муассасаси бўйича маълумотлар
2.1. Ўқиган олий таълим муассасасининг номи
2.2. Ўқиган бакалавриат таълим йўналиши шифри ва номи
2.3. Бакалавриат таълим йўналиши бўйича олий маълумот тўғрисидаги диплом ва унинг иловаси нусхалари
2.4. Хорижий давлатда олий таълим олганлик тўғрисидаги ҳужжатни тан олиш ҳақидаги гувоҳнома нусхаси (хорижий давлатдаги олий таълим ташкилотини тугатган ариза берувчилар учун)
III. Ариза берувчининг магистратурага кириш истагини билдирган олий таълим муассасаси, хорижий тил сертификати ва имтиёзлари бўйича маълумотлар
3.1. Магистратура мутахассислигига кириш истагини билдирган олий таълим муассасасининг номи
3.2. Магистратура мутахассислиги шифри ва номи
3.3. Таълим тили
3.4. Қабул кўрсаткичининг тури (мақсадли ёки умумий)
3.5. Хорижий тил сертификати
3.6. Имтиёзларни асословчи ҳужжатлар (мавжуд бўлса)

Олий таълим муассасалари талабалари ўқишини кўчириш, қайта тиклаш ва олий таълим муассасалари магистратурасига ўқишга кириш учун ҳужжатларни қабул қилиш бўйича давлат хизматларини кўрсатишнинг маъмурий регламенти ҳамда Олий таълим муассасаларининг магистратурасига ўқишга қабул қилиш тартиби тўғрисидаги низом талаблари билан тўлиқ танишдим.

Кўриниш

Кўриниш