1-статья. 1998-жылы 29-январьда жаңа редакцияда қабыл етилген «Қарақалпақстан Республикасы Жоқарғы Кеңеси ҳаққында»ғы Қарақалпақстан Республикасы Нызамына (2000-жыл 27-сентябрь; 2003-жыл 12-ноябрь; 2004-жыл 29-май; 2004-жыл 9-октябрь; Қарақалпақстан Республикасы Жоқарғы Кеңеси Хабарнамасы, 2006-жыл, №3) төмендеги өзгерислер ҳәм қосымшалар киргизилсин:

1) 16-статьясы екинши бөлиминдеги «ҳәм блоклардың» деген сөз алып таслансын;

2) 19-статьясының тексти төмендеги редакцияда баян етилсин:

«Қарақалпақстан Республикасы Жоқарғы Кеңеси комитетлери ҳәм комиссиялары олардың баслықлары ҳәм ағзалары қурамында Қарақалпақстан Республикасы Жоқарғы Кеңеси тәрепинен сайланады. Жоқарғы Кеңес Баслығының усынысы бойынша Жоқарғы Кеңес комитетлериниң, комиссияларының қурамына өзгерислер киргизилиўи мүмкин.

Комитет, комиссия баслығының орынбасары ҳәм хаткери тийисли комитеттиң, комиссияның ағзалары арасынан олардың мәжилисинде сайланады»;

3) 26-статьясының атамасындағы «Секретариаты» деген сөз «Аппараты» деген сөз бенен алмастырылсын;

4) 26-статьясының тексти төмендеги редакцияда баян етилсин:

«Қарақалпақстан Республикасы Жоқарғы Кеңеси ҳәм оның депутатлары жумысының шөлкемлестириўшилик, мәлимлемелик, материаллық-техникалық тәмийинлениўи Жоқарғы Кеңестиң Аппараты тәрепинен әмелге асырылады.

Жоқарғы Кеңес Аппараты юридикалық шахс болып табылады.

Жоқарғы Кеңес Аппаратының жумысы, оның хызметкерлериниң ҳуқықлары, миннетлемелери ҳәм жуўапкершилиги Жоқарғы Кеңестиң Баслығы тәрепинен тастыйықланған Жоқарғы Кеңес Аппараты ҳаққындағы Реже менен белгиленеди.

Жоқарғы Кеңес Аппараты ҳаққындағы Реже депутатлар дыққатына жеткизиледи».

2-статья. 2006-жыл 27-декабрьде қабыл етилген «Қарақалпақстан Республикасы Жоқарғы Кеңесиниң Регламенти»не төмендеги өзгерислер ҳәм қосымшалар киргизилсин:

1) 10-статьясының екинши бөлиминдеги «депутатлар топарлары» деген сөзлер «сиясий партиялардан сайланған депутатлар фракциялары» деген сөз бенен алмастырылсын;

2) 11-статьясының екинши бөлиминдеги екинши гәп төмендеги редакцияда баян етилсин:

«Секретариаттың жеке қурамы сессияға басқарыўшы тәрепинен усынылады»;

3) ІІІ-бабының атамасындағы «ҳәм блоклар» деген сөз алып таслансын;

4) 42-статьясының:

биринши бөлиминдеги «ҳәм блокларға», үшинши бөлиминдеги «ҳәм блоклар», төртинши бөлиминдеги «ҳәм блоклардың», бесинши бөлиминдеги «ҳәм блокларын», алтыншы бөлиминдеги «ямаса блокларды», жетинши бөлиминдеги «ямаса блоклардың», сегизинши бөлиминдеги «ямаса блок», оныншы бөлиминдеги «ямаса блок», он биринши бөлиминдеги «ямаса блокты», он екинши бөлиминдеги «ҳәм блоклар», он үшинши бөлиминдеги «ямаса блок» ҳәм «ямаса блоктың» деген сөзлер алып таслансын;

5) 43-статьясының:

үшинши бөлиминдеги «ҳәм блок» ҳәм төртинши бөлиминдеги «ҳәм блоклары» деген сөзлер алып таслансын;

6) 116-статьясындағы «депутатлар топары» деген сөзлер «фракциялар» деген сөз бенен алмастырылсын;

7) 120-статьясының тексти төмендеги редакцияда баян етилсин:

«Қарақалпақстан Республикасы Жоқарғы Кеңеси ҳәм оның депутатлары жумысының шөлкемлестириўшилик, мәлимлемелик, материаллық-техникалық тәмийинлениўи Жоқарғы Кеңестиң Аппараты тәрепинен әмелге асырылады.

Жоқарғы Кеңес Аппараты юридикалық шахс болып табылады.

Жоқарғы Кеңес Аппаратының жумысы, оның хызметкерлериниң ҳуқықлары, миннетлемелери ҳәм жуўапкершилиги Жоқарғы Кеңестиң Баслығы тәрепинен тастыйықланған Жоқарғы Кеңес Аппараты ҳаққындағы Реже менен белгиленеди.

Жоқарғы Кеңес Аппараты ҳаққындағы Реже депутатлар дыққатына жеткизиледи»;

8) 121-статьясы алып таслансын.

3-статья. 1998-жыл 29-январьда қабыл етилген «Қарақалпақстан Республикасы Жоқарғы Кеңеси комитетлери ҳәм комиссиялары ҳаққында»ғы Қарақалпақстан Республикасы Нызамының (Қарақалпақстан Республикасы Жоқарғы Кеңеси Хабарнамасы, 2005-жыл, №1; Қарақалпақстан Республикасы Жоқарғы Кеңеси Хабарнамасы, 2006-жыл, №3) 6-статьясындағы «ҳәм блоклардағы» деген сөз алып таслансын.

4-статья. 2001-жылы 29-июньда жаңа редакцияда қабыл етилген «Нызам жойбарларын улыўма халықлық додалаў ҳаққында»ғы Қарақалпақстан Республикасы Нызамына (Қарақалпақстан Республикасы Жоқарғы Кеңеси Хабарнамасы, 2006-жыл, №3) төмендеги өзгерислер ҳәм қосымшалар киргизилсин:

1) 16-статьясындағы «ҳәм блоклары» деген сөз алып таслансын;

2) 23-статьясындағы «ҳәм блоклары» деген сөз алып таслансын.

5-статья. 1997-жыл 15-декабрьде қабыл етилген «Қарақалпақстан Республикасының нызам актлерин таярлаў ҳаққында»ғы Қарақалпақстан Республикасы Нызамының 3-статьясындағы «блокларының» деген сөз алып таслансын.

6-статья. 1996-жыл 14-декабрьда қабыл етилген «Қарақалпақстан Республикасының референдумы ҳаққында»ғы Қарақалпақстан Республикасы Нызамының 16-статьясындағы «ҳәм блоклары» деген сөз алып таслансын.

7-статья. 1998-жыл 29-январьда қабыл етилген «Орынлардағы мәмлекетлик ҳәкимият ҳаққында»ғы Қарақалпақстан Республикасы Нызамының 18-статьясының үшинши бөлими төмендеги редакцияда баян етилсин:

«Ҳәкимниң орынбасарлары ҳәким тәрепинен белгиленген ўазыйпаларға муўапық жумыс алып барады. Ҳәким болмаған жағдайда ямаса ол өз миннетлемесиндеги ўазыйпаларды орынлаў имканиятына ийе болмаған жағдайда оның ўәкилликлерин биринши орынбасары яки ҳәкимниң тапсырмасы бойынша оның орынбасарларының биреўи алып барады».