1-статья. 1998-жыл 29-январьда қабыл етилген «Қарақалпақстан Республикасы Жоқарғы Кеңеси комитетлери ҳәм комиссиялары ҳаққында»ғы Қарақалпақстан Республикасы Нызамының (Қарақалпақстан Республикасы Жоқарғы Кеңеси Хабарнамасы, 2005-жыл, №1; Қарақалпақстан Республикасы Жоқарғы Кеңеси Хабарнамасы, 2006-жыл, №3; 2011-жыл, №4 (13)) 62-статьясының биринши бөлими алып таслансын.

2-статья. 2006-жыл 27-декабрьде қабыл етилген «Қарақалпақстан Республикасы Жоқарғы Кеңесиниң Регламенти»ниң (Қарақалпақстан Республикасы Жоқарғы Кеңеси Хабарнамасы, 2011-жыл, №4 (13)) 19-статьясының екинши бөлими төмендеги редакцияда баян етилсин:

«Жоқарғы Кеңес тәрепинен қабыл етилген нызам ҳәм қарарлар Жоқарғы Кеңестиң Хабарнамасында басылып шығарылады».

3-статья. 2001-жыл 20-июньда қабыл етилген «Нормативлик-ҳуқықый актлер ҳаққында»ғы Қарақалпақстан Республикасы Нызамына (Қарақалпақстан Республикасы Жоқарғы Кеңеси Хабарнамасы, 2005-жыл, №1) төмендеги өзгерис ҳәм қосымшалар киргизилсин:

1) 5-статьясы төмендеги редакцияда баян етилсин:

Нормативлик-ҳуқықый актлер төмендегилер:

а) Қарақалпақстан Республикасы Конституциясы;

б) Қарақалпақстан Республикасы нызамлары;

в) Қарақалпақстан Республикасы Жоқарғы Кеңеси ҳәм оның Президиумының қарарлары;

г) Қарақалпақстан Республикасы Жоқарғы Кеңеси Баслығының бийликлери;

д) Қарақалпақстан Республикасы Министрлер Кеңесиниң қарарлары ҳәм бийликлери;

е) Министрликлер, мәмлекетлик комитетлер ҳәм ведомстволардың актлери;

ж) орынлардағы мәмлекетлик ҳәкимият уйымларының шешимлери».

2) 6-статьясының екинши бөлими төмендеги редакцияда баян етилсин:

«Қарақалпақстан Республикасы Конституциясы, Қарақалпақстан Республикасы нызамлары, Қарақалпақстан Республикасы Жоқарғы Кеңеси ҳәм оның Президиумының қарарлары, Қарақалпақстан Республикасы Жоқарғы Кеңеси Баслығының бийликлери нызамшылық актлери болып табылады»;

үшинши бөлиминдеги «нызамға қараслы актлер (подзаконные акты)» деген сөзлер «нызам асты актлер» деген сөзлер менен алмастырылсын».

3) 9-статьясының атамасы ҳәм мазмуны төмендеги редакцияда баян етилсин:

Қарақалпақстан Республикасы Жоқарғы Кеңеси ҳәм оның Президиумының қарарлары Өзбекстан Республикасы ҳәм Қарақалпақстан Республикасы Конституциялары ҳәм нызамларының тийкарында ҳәм олардың орынланыўы ушын қабыл етиледи».

4) төмендеги мазмундағы 9¹-статьясы менен толықтырылсын:

Қарақалпақстан Республикасы Жоқарғы Кеңесиниң Баслығы Өзбекстан Республикасы ҳәм Қарақалпақстан Республикасы Конституциялары ҳәм нызамлары тийкарында ҳәм олардың орынланыўы ушын бийликлер түринде нормативлик-ҳуқықый ҳүжжетлер қабыл етеди».

5) 10-статьясы төмендеги редакцияда баян етилсин:

Қарақалпақстан Республикасы Министрлер Кеңеси Қарақалпақстан Республикасы Конституциясы ҳәм нызамлары, Қарақалпақстан Республикасы Жоқарғы Кеңеси ҳәм оның Президиумының қарарлары, Қарақалпақстан Республикасы Жоқарғы Кеңеси Баслығының бийликлери тийкарында
ҳәм олардың орынланыўы ушын қарарлар ҳәм бийликлер түринде нормативлик-ҳуқықый актлер қабыл етеди».

6) 11-статьясының биринши бөлиминдеги «шеклеринде» деген сөз «шеңберинде» деген сөз бенен алмастырылсын;

екинши бөлими төмендеги редакцияда баян етилсин:

«Министрликлер, мәмлекетлик комитетлер ҳәм ведомстволардың нормативлик-ҳуқықый актлери Қарақалпақстан Республикасы Конституциясы ҳәм нызамлары, Қарақалпақстан Республикасы Жоқарғы Кеңеси ҳәм оның Президиумының қарарлары, Қарақалпақстан Республикасы Жоқарғы Кеңеси Баслығының бийликлери, Қарақалпақстан Республикасы Министрлер Кеңеси қарарларының тийкарында ҳәм олардың орынланыўы ушын қабыл етиледи».

7) 12-статьясының биринши бөлиминдеги «шеклеринде» деген сөз «шеңберинде» деген сөз менен алмастырылсын;

екинши бөлими төмендеги редакцияда баян етилсин:

«Орынлардағы мәмлекетлик ҳәкимият уйымларының нормативлик-ҳуқықый актлери Қарақалпақстан Республикасы Конституциясы ҳәм нызамларының, Қарақалпақстан Республикасы Жоқарғы Кеңеси ҳәм оның Президиумының қарарлары, Қарақалпақстан Республикасы Жоқарғы Кеңеси Баслығының бийликлери, Қарақалпақстан Республикасы Министрлер Кеңеси қарарлары, сондай-ақ, басқарыў уйымларының шешимлери тийкарында ҳәм олардың орынланыўы ушын қабыл етиледи»;

8) 24-статьясының биринши бөлиминдеги «Қарақалпақстан Республикасы Жоқарғы Кеңесиниң стенографиялық есабы» ҳәм «Аму тонги» деген сөзлер «Қарақалпақстан Республикасы Жоқарғы Кеңесиниң Хабарнамасы» ҳәм «Qoraqalpogʻiston tongi» деген сөзлер менен алмастырылсын;

екинши бөлиминдеги «Аму тонги» деген сөзлер «Qoraqalpogʻiston tongi» деген сөзлер менен алмастырылсын.

9) 30-статьясының екинши бөлиминдеги «Жоқарғы Кеңеси түсиник береди» деген сөзлер «Конституциялық бақлаў комитети түсиник береди» деген сөзлер менен алмастырылсын;

үшинши бөлиминдеги «Нызамға қатнаслы актлерге» деген сөзлер «Нызам асты актлерге» деген сөзлер менен алмастырылсын.

4-статья. 2005-жыл 14-май күни қабыл етилген «Фермер хожалығы ҳаққында»ғы Қарақалпақстан Республикасы Нызамының (Қарақалпақстан Республикасы Жоқарғы Кеңеси Хабарнамасы, 2006-жыл, №4; 2009-жыл, №8; 2010-жыл, №1(10); 2011-жыл, №3 (12)) 30-статьясына төмендеги өзгерис ҳәм қосымша киргизилсин:

үшинши бөлим төмендеги редакцияда баян етилсин:

«Жаңадан шөлкемлестирилген фермер хожалықларының финанс-хожалық жумысы олар мәмлекетлик дизимнен өткерилген ўақыттан баслап дәслепки үш жыл даўамында жобалы тексериўлерден өткизилмейди, бул статьяның төртинши бөлиминде нәзерде тутылған жағдайлардан тысқары»;

төмендеги мазмундағы төртинши бөлим менен толықтырылсын:

«Акциз төленетуғын товарлар ислеп шығарыўшы жаңадан шөлкемлестирилген фермер хожалықларының финанс-хожалық жумысы, сондай-ақ фермер хожалықларының бюджет ҳәмде орайластырылған қәрежетлер ҳәм ресурслардан мақсетли пайдаланыў менен байланыслы финанс-хожалық жумысы олар мәмлекетлик дизимнен өткерилген ўақыттан баслап дәслепки еки жыл даўамында режели тексериўлерден өткизилмейди».

5-статья. 2000-жыл 29-май күни қабыл етилген «Жеке кәрхана ҳаққында»ғы Қарақалпақстан Республикасы Нызамына (Қарақалпақстан Республикасы Жоқарғы Кеңеси Хабарнамасы, 2006-жыл, №4; 2009-жыл, №8) төмендеги өзгерислер ҳәм қосымшалар киргизилсин:

1) 4-статьясының екинши гәпиндеги «жеке кәрхана» деген сөзлер «jeke kárxana» деген сөзлер менен алмастырылсын;

үшинши гәпиндеги «жеке кәрхана» ҳәм ««ЖК» аббревиатурасын» деген сөзлер «jeke kárxana» ҳәм ««JK» аббревиатурасын» деген сөзлер менен алмастырылсын.

2) 25-статьясына төмендеги өзгерис ҳәм қосымша киритилсин:

үшинши бөлим төмендеги редакцияда баян етилсин:

«Жаңадан шөлкемлестирилген жеке кәрханалар — киши исбилерменлик субъектлериниң финанс-хожалық жумысы олар мәмлекетлик дизимнен өткерилген ўақыттан баслап дәслепки үш жыл даўамында режели тексериўлерден өткизилмейди, бул статьяның төртинши бөлиминде нәзерде тутылған жағдайлардан тысқары»;

төмендеги мазмундағы төртинши бөлим менен толықтырылсын:

«Акциз төленетуғын товарлар ислеп шығарыўшы жаңадан шөлкемлестирилген жеке кәрханалар – киши исбилерменлик субъектлериниң финанс-хожалық жумысы, сондай-ақ жеке кәрханалар — киши исбилерменлик субъектлериниң бюджет ҳәмде орайластырылған қәрежетлер ҳәм ресурслардан мақсетли пайдаланыў менен байланыслы финанс-хожалық жумысы олар мәмлекетлик дизимнен өткерилген ўақыттан баслап дәслепки еки жыл даўамында жобалы тексериўлерден өткизилмейди».

6-статья. Қарақалпақстан Республикасының 1998-жылы 28-ноябрь күни қабыл етилген «Мәдений байлықларды алып шығыў ҳәм алып кириў ҳаққында»ғы 408/I-санлы Нызамының (Қарақалпақстан Республикасы Жоқарғы Кеңеси Хабарнамасы, 2007-жыл, №5) 19-статьясының атамасы ҳәм биринши бөлими төмендеги редакцияда баян етилсин:

Басқа мәмлекетлерден нызамсыз түрде алып шығылған, басқа мәмлекетлерде урланған ямаса жойтылған мәдений байлықларға инсап пенен ийелик етиўши оларды нызамлы меншик ийесине қайтарып бериўи тийис.

Бундай жағдайларда инсап пенен ийелик етиўшиге белгиленген тәртипте компенсация төленеди».

7-статья. Қарақалпақстан Республикасының 2005-жыл 28-декабрь күни қабыл етилген «Жуўапкершилиги шекленген ҳәм қосымша жуўапкершиликли жәмийетлер ҳаққында»ғы 62/III-санлы Нызамына (Қарақалпақстан Республикасы Жоқарғы Кеңеси Хабарнамасы, 2007-жыл, №5; 2009-жыл, №8) төмендеги өзгерислер киргизилсин:

1) 14-статьясының екинши бөлиминдеги «елиў» деген сөз «қырқ» деген сөз бенен алмастырылсын;

2) 34-статьясының оныншы бөлиминдеги «үшинши ҳәм он үшинши абзацларында көрсетилген мәселелер» деген сөзлер «он екинши абзацында көрсетилген мәселелер» деген сөзлер менен алмастырылсын.