Қарақалпақстан Республикасы Жоқарғы Кеңеси қарар етеди:

1. «Қарақалпақстан Республикасының айырым нызамларына өзгерислер ҳәм қосымшалар киргизиў ҳаққында»ғы Қарақалпақстан Республикасы Нызамы қабыл етилсин.

2. «Қарақалпақстан Республикасының айырым нызамларына өзгерислер ҳәм қосымшалар киргизиў ҳаққында»ғы Қарақалпақстан Республикасының Нызамы қабыл етилген күннен баслап ҳәрекетке енгизилсин.

3. Қарақалпақстан Республикасы Министрлер Кеңеси бир ай мүддет ишинде ҳүкимет қарарларын «Қарақалпақстан Республикасының айырым нызамларына өзгерислер ҳәм қосымшалар киргизиў ҳаққында»ғы Қарақалпақстан Республикасының Нызамына муўапықластырсын, министрликлер ҳәм уйымлардың усы Нызамға қайшы келетуғын нормативлик актлериниң қайта қарап шығылыўын ҳәм бийкар етилиўин тәмийинлесин.

1-статья. 1993-жыл 6-августта қабыл етилген «Майыпларды социаллық қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 9-статьяның:

екинши бөлими алып таслансын;

үшинши бөлими екинши бөлим деп есаплансын;

2) 11-статья төмендеги редакцияда баян етилсин:

Майыплардың социаллық инфраструктура объектлерине (турақ жайларға, жәмийетлик ҳәм өндирислик имаратларға, жайлар ҳәм қурылмаларға, денсаўлықты сақлаў ҳәм спорт объектлерине, мәдений-тамашалаў мәкемелерине ҳәм басқа да мәкемелерге) тосқынлықсыз кириўи ушын, сондай-ақ, темир жол, ҳаўа, суў, қалалар аралық автомобиль транспортынан, қалалық ҳәм қалалар әтирапына қатнайтуғын жолаўшылар транспортының барлық түрлеринен, транспорт коммуникацияларынан, улыўма пайдаланыўдағы байланыс ҳәм мәлимлеме қуралларынан тосқынлықсыз пайдаланыўы ушын шараятлар жаратыў бойынша усы Нызамда нәзерде тутылған талапларды орынламағаны ушын шөлкемлердиң лаўазымлы шахслары ҳәкимшилик жуўапкершиликке тартылады.

Ҳәкимшилик жаза шарасы қолланылғанлығы шөлкемлерди усы Нызамның майыплар социаллық инфраструктура объектлерине тосқынлықсыз кириўи, транспорттан, транспорт коммуникацияларынан, улыўма пайдаланыўдағы байланыс ҳәм мәлимлеме қуралларынан тосқынлықсыз пайдаланыўы ушын шараятлар жаратыўға байланыслы талапларын орынлаў миннетинен азат етпейди»;

3) 25-статьяның екинши — жетинши бөлимлери төмендеги мазмундағы екинши — бесинши бөлимлер менен алмастырылсын:

«Майыпларды жумысқа жайластырыў ушын жумыс орынларының ең кем санын жаратыўға байланыслы орынлардағы мәмлекетлик ҳәкимият уйымларының қарарларын орынламағанлығы ушын шөлкемлердиң лаўазымлы шахслары ҳәкимшилик жуўапкершиликке тартылады.

Ҳәкимшилик жаза шарасы қолланылғанлығы шөлкемлерди усы Нызамның майыпларды жумыс пенен тәмийинлеўге байланыслы талапларын орынлаў миннетинен азат етпейди.

Майыплардың мийнетинен пайдаланыў ушын майыплардың мүтәжликлерин ҳәм жергиликли өзгешеликлерди есапқа алған ҳалда қәнийгелестирилген кәрханалар, цехлар ҳәм участкалар шөлкемлестириледи. Көзи әззи майыплар шараятлары өз имканиятларына сәйкес келетуғын өндиристе қатнасыўда жеңилликли ҳуқыққа ийе.

Жергиликли мәмлекетлик ҳәкимият уйымлары, шөлкемлер үйде ислеўши майыпларға, сондай-ақ, исбилерменлик жумысын әмелге асырыўшы майыпларға усы жумыс ушын жасаўға арналмаған жайлар берилиўинде, шийки зат алыўы ҳәм өним сатыўында зәрүрли жәрдем көрсетеди».

2-статья. 1993-жыл 9-апрельде қабыл етилген «Мәмлекетлик санитариялық бақлаў ҳаққында»ғы Қарақалпақстан Республикасы Нызамының 31-статьясының 6-бәнти алып таслансын.

3-статья. 1993-жыл 10-апрельде қабыл етилген «Аудиторлық жумыс ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 1-статьяның екинши бөлиминдеги «Банклерди» деген сөзден кейин «ҳәм басқа кредит шөлкемлерди» деген сөзлер менен толықтырылсын;

2) 2-статья:

биринши бөлими төмендеги редакцияда баян етилсин:

«Аудиторлық жумыс дегенде аудиторлық шөлкемлердиң аудиторлық хызметлерди көрсетиў бойынша исбилерменлик жумысы түсиниледи»;

төмендеги мазмундағы екинши бөлим менен толықтырылсын:

«Аудиторлық хызметлери аудиторлық тексериўлерин ҳәм усы Нызамның 17-статьясында белгиленген профессионал хызметлерди өз ишине алады»;

екинши бөлим үшинши бөлим деп есаплансын;

3) төмендеги мазмундағы 2²-статья менен толықтырылсын:

Аудиторлық жумыс стандартлары аудиторлық тексериўди өткериў, профессионал хызмет көрсетиў ҳәм аудиторлар жумысының сапасын қадағалаў системасын шөлкемлестириў тәртибин белгилейди.

Аудиторлық жумыстың миллий стандартлары аудиторлық жумысты әмелге асырыў бойынша бирден-бир талапларды белгилейди.

Аудиторлық шөлкемлер аудиторлық тексериўди өткериўде аудиторлық хызметлер көрсетиў ҳаққындағы шәртнамаға муўапық аудиттиң халықаралық стандартларын қолланыўы мүмкин»;

4) төмендеги мазмундағы 3¹-статья менен толықтырылсын:

Аудитордың квалификациялық сертификаты аудитордың квалификациясын тастыйықлаўшы ҳәм аудиторлық шөлкемниң атынан аудиторлық хызметлер көрсетиў ҳуқықын бериўши ҳүжжет.

Аудитордың квалификациялық сертификатын бериў, қайта рәсмийлестириў, бийкарлаў, оның ҳәрекет етиўин узайтыў ҳәм тоқтатыў тәртиби арнаўлы ўәкилликли мәмлекетлик уйым тәрепинен белгиленеди».

5) 4-статьяның төртинши бөлими төмендеги редакцияда баян етилсин:

«Аудитордың жәрдемшиси сыпатында исленген ўақыт аудитордың квалификациялық сертификатын алыў ушын зәрүр болатуғын жумыс стажына нызамшылықта белгиленген тәртипте қосылады»;

6) 5-статья:

бесинши бөлими:

екинши абзацының екинши гәпи төмендеги редакцияда баян етилсин:

«Аудитор тек өзи ислейтуғын бир аудиторлық шөлкеминиң шөлкемлестириўшиси (қатнасыўшысы, акционери) болыўы мүмкин»;

төртинши абзацы төмендеги редакцияда баян етилсин:

«аудиторлық шөлкемге тек ғана усы аудиторлық шөлкем тийкарғы жумыс орны болған аудитор басшы болыўы керек»;

жетинши бөлими төмендеги редакцияда баян етилсин:

«Аудиторлық шөлкемлер аудиторлық жумысын аудиторлық хызмет көрсетиў ҳаққында дүзилген шәртнама тийкарында әмелге асырады. Аудиторлық хызметлер көрсетиў ҳаққындағы шәртнама тек ғана аудиторлық шөлкемниң жуўапкершилигиниң қамсызландырыў полиси бар болған жағдайда дүзиледи»;

төмендеги мазмундағы сегизинши ҳәм тоғызыншы бөлимлер менен толықтырылсын:

«Аудиторлық шөлкем басқа аудиторлық шөлкемниң шөлкемлестириўшиси (қатнасыўшысы, акционери) болыўы мүмкин емес.

Аудиторлық шөлкемниң фирмалық атамасында «аудиторлық шөлкем» сөз бирикпеси болыўы ҳәм усы атама басқа аудиторлық шөлкемлердиң фирмалық атамалары менен алжастырып жибериў дәрежесинде бир қыйлы ямаса оларға уқсас болған белгилер менен көрсетилмеўи керек. Усы статьяның талапларына жуўап бермейтуғын юридикалық шахс өз атамасында «аудиторлық шөлкем» сөз бирикпесинен пайдаланыўға ҳақылы емес»;

7) 7-статьяның биринши бөлими:

жетинши абзацы төмендеги редакцияда баян етилсин:

«аудиторлық жуўмақлар ҳәм есабатларының нусқалары аудиторлық шөлкемде кеминде бес жыл сақланыўын тәмийинлеўи»;

оныншы абзацының екинши гәпиндеги «шәрт» деген сөз алып таслансын;

төмендеги мазмундағы он биринши абзац пенен толықтырылсын:

«аудиторлар жумысының сапасы қадағаланыўын тәмийинлеўи шәрт»;

8) 9-статья:

биринши бөлими төмендеги редакцияда баян етилсин:

«Аудиторлық тексериў финанслық есабат ҳәм басқа финанслық мағлыўматтың дурыслығы ҳәм бухгалтерия есабы ҳаққындағы нызамшылыққа сәйкеслигин анықлаў мақсетинде хожалық жүргизиўши субъекттиң финанслық есабатын ҳәмде оның менен байланыслы финанслық мағлыўматты аудиторлық шөлкемлер тәрепинен тексериў болып табылады»;

төмендеги мазмундағы үшинши бөлим менен толықтырылсын:

«Аудиттиң халықаралық стандартлары тийкарында әмелге асырылатуғын аудиторлық тексериўи усы Нызамның 16-статьясында нәзерде тутылған шеклеўлерге бойсыныў шәрти менен өткериледи»;

9) 10-статьяның биринши бөлими:

сегизинши абзацы «ҳәм мәмлекетлик унитар кәрханалары» деген сөзлер менен толықтырылсын;

төмендеги мазмундағы тоғызыншы абзац пенен толықтырылсын:

«фонд ҳәм товар биржалары»;

10) 13-статьяның төртинши бөлими төмендеги редакцияда баян етилсин:

«Аудиторлық тексериўдиң буйыртпашысы аудиторлық хызметлер көрсетиў ҳаққындағы шәртнамаға муўапық аудиторлық шөлкеми хызмет ҳақысын өз ўақтында төлеўи шәрт»;

11) 16-статьяның биринши бөлими:

«в» киши бәнтиндеги «екинши ҳәм үшинши» деген сөзлер «екинши, үшинши ҳәм сегизинши» деген сөзлер менен алмастырылсын;

төмендеги мазмундағы «г» киши бәнти менен толықтырылсын:

«г) хызметкери бир ўақыттың өзинде усы аудиторлық шөлкемниң хызметкери болған хожалық жүргизиўши субъектке қатнаслы»;

12) 17-статьяның биринши бөлими төмендеги мазмундағы сегизинши абзац пенен толықтырылсын:

«хожалық жүргизиўши субъект тексериў комиссиясының (ревизордың) ўазыйпаларын әмелге асырыў»;

13) 18-статьяның:

төртинши бөлими төмендеги редакцияда баян етилсин:

«Аудиторлық есабаттың ҳәр бир бети аудиторлық тексериўди өткерген аудитор (аудиторлар) ҳәм аудиторлық шөлкемниң басшысы тәрепинен қол қойылған болыўы керек»;

бесинши бөлиминдеги «миллий» деген сөз алып таслансын;

14) 19-статьяның төртинши бөлиминдеги «миллий» деген сөз алып таслансын;

15) 21-статья екинши бөлиминиң сегизинши ҳәм тоғызыншы абзацлары төмендеги редакцияда баян етилсин:

«нызамшылықта белгиленген тәртипте аудиторлық жумысты әмелге асырыўға байланыслы лицензияны қайта рәсмийлестиреди, аудиторлық жумысты әмелге асырыўға байланыслы лицензияның ҳәрекет етиўин он жумыс күнинен көп болмаған мүддетке тоқтатып турады, аудиторлық жумысты әмелге асырыўға байланыслы лицензияның ҳәрекет етиўин он жумыс күнинен көп болған мүддетке тоқтатып турыў ямаса оның ҳәрекет етиўин тоқтатыў ҳәм лицензияны бийкарлаў ҳаққында судқа мүрәжат етеди, сондай-ақ, лицензияның ҳәрекет етиўин тоқтатып турыў, тоқтатыў ҳәм лицензияны бийкарлаў ҳаққындағы мағлыўматларды ғалаба хабар қуралларында жәриялайды;

аудитордың квалификациялық сертификатын береди, қайта рәсмийлестиреди, бийкарлайды, оның ҳәрекет етиўин узайттырады ҳәм тоқтатады»;

16) 27-статьяның үшинши бөлими:

төртинши абзацында «қатнасады» деген сөз алып таслансын;

төмендеги мазмундағы бесинши абзац пенен толықтырылсын:

«аудиторлық бирлеспелери жумысын мәжбүрий рейтинг баҳалаўды шөлкемлестириўде қатнасады».

4-статья. 2006-жыл 3-мартта жаңа редакцияда қабыл етилген «Тәбиятты қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 10-статья биринши бөлиминиң бесинши абзацы төмендеги редакцияда баян етилсин:

«тәбийғый ресурслардан пайдаланыў ҳуқықын бериўши рухсатнамаларды белгиленген тәртипте бериў ҳәм бийкарлаў»;

2) 42-статьяның екинши бөлими төмендеги редакцияда баян етилсин:

«Радиоактив шығындыларды ҳәм химиялық затларды көмиўге мәмлекетлик экологиялық экспертизасының унамлы жуўмағы болғанда, жергиликли мәмлекетлик ҳәкимият уйымлары ҳәмде мәмлекетлик санитариялық ҳәм кәншилик бақлаўы уйымлары менен келисилгенде жол қойылады»;

3) 45-статья төмендеги мазмундағы үшинши бөлим менен толықтырылсын:

«Шығындыларды қайта ислеў, оларды полигонларда көмип таслаў ҳәм сақлаў мәмлекетлик экологиялық экспертизасының унамлы жуўмағы болғанда әмелге асырылады».

5-статья. 1993-жыл 24-декабрьде қабыл етилген «Суў ҳәм суўдан пайдаланыў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 16-статьяның биринши бөлиминдеги «жергиликли мәмлекетлик ҳәкимият уйымлары, тәбиятты қорғаў, аўыл ҳәм суў хожалығы, геология ҳәм минерал ресурслар уйымлары ҳәм басқа уйымлар менен келисилген ҳалда» деген сөзлер алып таслансын;

2) 26-статьяның екинши бөлими төмендеги редакцияда баян етилсин:

«Тәбийий суў объектлериниң суўынан арнаўлы пайдаланыў яки олардың суўын арнаўлы тутыныў ушын рухсатнама жер үсти суўлары бойынша — аўыл ҳәм суў хожалығы уйымлары, жер асты суўлары бойынша геология ҳәм минерал ресурслар уйымлары, минерал ҳәм термал суўлар бойынша жер қатламларын геологик үйрениў, санаатта, кәншиликте ҳәм коммунал-турмыс секторында жумыслардың қәўипсиз алып барылыўын қадағалаў уйымлары менен келисилген ҳалда тәбиятты қорғаў уйымлары тәрепинен бериледи»;

3) 72-статья алып таслансын;

4) 96-статьяның алтыншы абзацындағы «72» саны алып таслансын.

6-статья. 1994-жылы 17-июньда қабыл етилген «Ветеринария ҳаққында»ғы Қарақалпақстан Республикасы Нызамының 8-статьясына төмендеги өзгерислер киргизилсин:

төртинши ҳәм бесинши абзацлар алып таслансын;

алтыншы — он екинши абзацлар тийислисинше төртинши — оныншы абзацлар деп есаплансын.

7-статья. 2005-жылы 28-декабрьде жаңа редакцияда қабыл етилген «Стандартластырыў ҳаққында»ғы Қарақалпақстан Республикасының Нызамына төмендеги өзгерислер ҳәм қосымшалар киргизилсин:

1) 2-статьяның:

атамасындағы ҳәм биринши бөлиминдеги тийислисинше «Мәмлекетлик» ҳәм «мәмлекетлик» деген сөзлер алып таслансын;

екинши бөлими бесинши абзацы төмендеги редакцияда баян етилсин:

«медицина ушын арналған өнимлер, соның ишинде, медицина ушын арналған буйымлар, медициналық техника буйымлары, дәри-дәрмақ қураллары саласында, сондай-ақ республикамызда ислеп шығарылып атырған, соның ишинде, импорт бойынша жеткерип берилип атырған өнимлерде инсан ушын зыянлы затлардың бар екенлигин анықлаў мәселелеринде Өзбекистан Республикасы Денсаўлықты сақлаў министрлиги»;

үшинши бөлими төмендеги редакцияда баян етилсин:

«Усы Нызамға муўапық мәмлекетлик басқарыў уйымлары өз ўәкилликлери шеңберинде стандартларды ислеп шығады, тастыйықлайды ҳәм басып шығарады»;

2) 6-статьяның:

биринши бөлиминиң төртинши — сегизинши абзацлары төмендеги мазмундағы төртинши ҳәм бесинши абзацлар менен алмастырылсын:

«кәрхананың стандартлары;

сырт ел мәмлекетлериниң миллий стандартлары»;

сегизинши ҳәм тоғызыншы бөлимлери төмендеги редакцияда баян етилсин:

«Тутыныўшыларға жеткерип берилетуғын өнимлерге байланыслы стандартлар ҳәмде оларға киргизилген өзгерислер «Өзстандарт» агентлиги уйымларында ҳақы төленбестен мәмлекетлик дизимге алыныўы тийис.

«Өзстандарт» агентлиги уйымларында дизимге алынған стандартластырыўға байланыслы норматив актлер техникалық жақтан тәртипке салыў тараўындағы норматив актлердиң мәмлекетлик фондына киреди.

Өним, қоршап турған орталық, халықтың өмири, денсаўлығы ҳәм мүлки қәўипсизлигин, техникалық ҳәм мәлимлемелик жақтан өнимниң бир-бирине сәйкес келиўи ҳәм өз-ара алмасыўшаңлығы, оларды қадағалаў усылларының бирлиги ҳәм тамғалаў бирлигин тәмийинлеў ушын стандартларда белгиленетуғын талаплар мәмлекетлик басқарыў уйымлары, хожалық жүргизиўши субъектлер бойсыныўы ушын мәжбүрий болып табылады»;

он биринши бөлиминдеги «стандартлардың» деген сөз «техникалық регламентлердиң яки стандартлардың» деген сөзлер менен алмастырылсын;

3) 9-статьяның:

үшинши бөлимниң екинши — бесинши абзацлары төмендеги мазмундағы екинши, үшинши ҳәм төртинши абзацлар менен алмастырылсын:

«стандартларды бузғанлықта айыпкер болған хожалық жумысы субъектлериниң лаўазымлы шахсларына ҳәм жеке тәртиптеги исбилерменлерге ҳәкимшилик жаза шарасын қолланыўда;

тексерилген Өним стандартлардың мәжбүрий талапларына муўапық болмаған жағдайларда оны ислеп шығарыўды қадаған етиў ямаса реализация етиўди (жеткерип бериўди, сатыўды), оннан пайдаланыўды (оны ислетиўди) тоқтатып қойыў ҳаққында көрсетпелер бериўде;

стандартлардың мәжбүрий талапларына муўапық болмаған ҳәм мәмлекетлик дизимнен өткерилмеген импорт өнимди реализация етиўди қадаған етиўде толық ҳуқыққа ийе»;

төртинши бөлим төмендеги редакцияда баян етилсин:

«Мәмлекетлик инспекторлардың тексерилген Өним стандартлардың мәжбүрий талапларына муўапық болмаған жағдайларда оны ислеп шығарыўды қадаған етиў яки реализация етиўди (жеткерип бериўди, сатыўды), оннан пайдаланыўды (оны ислетиўди) тоқтатып қойыў ҳаққындағы көрсетпелерин орынламағаны ушын хожалық жумысы субъектлериниң лаўазымлы шахслары ҳәм жеке тәртиптеги исбилерменлер ҳәкимшилик жуўапкершиликке тартылады»;

бесинши ҳәм алтыншы бөлимлер алып таслансын;

жетинши бөлим бесинши бөлим деп есаплансын.

8-статья. 2003-жылы 12-ноябрьде жаңа редакцияда қабыл етилген «Жер асты байлықлары ҳаққында»ғы Қарақалпақстан Республикасының Нызамының 44-статьясына төмендеги өзгерислер киргизилсин:

бесинши бөлим алып таслансын;

алтыншы бөлим бесинши бөлим деп есаплансын.

9-статья. 2003-жыл 12-ноябрьде қабыл етилген «Баспа жумысы ҳаққында»ғы Қарақалпақстан Республикасының Нызамының 7-статьясына төмендеги өзгерислер киргизилсин:

атамасындағы «ҳәм олардан пайдаланыў мүддетин созыўда» деген сөзлер алып таслансын;

текстиндеги «және де лицензиядан пайдаланыў мүддетин созғаны» деген сөзлер алып таслансын.

10-статья. 1997-жыл 15-декабрьде қабыл етилген «Атмосфера ҳаўасын қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 11-статья төмендеги редакцияда баян етилсин:

Атмосфера ҳаўасын турақлы патасландырыўшы дереклерден атмосфераға патасландырыўшы затларды шығарыўға мәмлекетлик экологиялық экспертизасының нәтийжелерине муўапық белгиленетуғын нормативлерге муўапық жол қойылады»;

2) 12-статьяның екинши бөлими алып таслансын;

3) 13-статьяның биринши гәпи төмендеги редакцияда баян етилсин:

«Атмосфера ҳаўасын турақлы патасландырыўшы дереклерден атмосфераға патасландырыўшы затларды шығарыўға мәмлекетлик экологиялық экспертизасының жуўмағында белгиленген шәртлер ҳәм талапларды бузыў менен байланыслы ҳәрекетлер жергиликли мәмлекетлик ҳәкимият уйымлары, Қарақалпақстан Республикасы Тәбиятты қорғаў бойынша мәмлекетлик комитети, Қарақалпақстан Республикасы Денсаўлықты сақлаў министрлигиниң ўәкилликлерине муўапық олардың қарары менен шеклениўи, тоқтатып қойылыўы, зыянлы тәсир көрсетиў себеплерин сапластырыў мүмкин болмаған жағдайда, тоқтатылыўы мүмкин»;

4) 18-статьяның екинши бөлими төмендеги редакцияда баян етилсин:

«Пайдаланыў қадаған етилген ҳәм пайдаланыўға жарамсыз болып қалған химиялық затларды зыянсызландырыў мәмлекетлик экологиялық экспертизасының унамлы жуўмағы бар болғанда, Қарақалпақстан Республикасы Денсаўлықты сақлаў министрлиги менен келисилген ҳалда әмелге асырылады»;

5) 21-статьяның екинши бөлиминдеги «Қарақалпақстан Республикасы Тәбиятты қорғаў бойынша мәмлекетлик комитети ҳәм Қарақалпақстан Республикасы Денсаўлықты сақлаў министрлигиниң рухсаты менен» деген сөзлер «мәмлекетлик экологиялық экспертизасының унамлы жуўмағы бар болғанда, Қарақалпақстан Республикасы Денсаўлықты сақлаў министрлиги менен келисилген ҳалда» деген сөзлер менен алмастырылсын.

11-статья. 1997-жылы 15-декабрьде қабыл етилген «Энергияны рационал пайдаланыў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 11-статьясының:

алтыншы абзацы алып таслансын;

жетинши — оныншы абзацлар тийислисинше алтыншы — тоғызыншы абзацлар деп есаплансын;

2) 18-статья екинши бөлиминиң:

бесинши абзацы алып таслансын;

алтыншы абзацы бесинши абзац деп есаплансын;

3) 21-статьяның биринши ҳәм екинши бөлимлери төмендеги редакцияда баян етилсин:

«Энергияны пайда етиў ҳәм оны сарплаў саласында шуғылланып атырған юридикалық ҳәм физикалық шахслар тиккелей энергияның ысырап болыўына ҳәм энергетикалық жақтан нәтийжесиз өним ислеп шығарылыўына жол қоймайтуғын өним ислеп шығарыў, жумысларды орынлаў ҳәм хызметлер көрсетиўдиң белгиленген энергиялық жақтан нәтийжелилигин тәмийинлеўи шәрт. Бул талаплар бузылғанда лаўазымлы шахслар:

энергияның сапа көрсеткишлери бузылған;

энергияның тиккелей ысырапгершилиги әсбаплар жәрдеминде яки норматив усыл менен анықланған;

энергиялық жақтан нәтийжелилик көрсеткишлери нормативлик ҳүжжетлердиң талапларына сәйкес келмейтуғын өним ислеп шығарылған;

энергияның сарпланыўын әсбап жәрдеминде есапқа алыў бузылған;

сертификатластырылмаған энергетика әсбап-үскенелеринен, энергия тәмийнаты тармақлары ҳәм системаларының элементлеринен пайдаланылған;

бар болған екилемши энергия ресурсларынан пайдаланыўдың белгиленген үлеси тәмийинленбеген жағдайда ҳәкимшилик жуўапкершиликке тартылады.

Ҳәкимшилик жаза шарасы қолланылғанлығы энергия пайда етиў ҳәм оны сарплаў саласында шуғылланып атырған юридикалық шахсларды өзлери келтирген зыянның орнын қаплаў миннетинен азат етпейди».

12-статья. 1997-жылы 15-декабрьде қабыл етилген «Қалалық жолаўшылар транспорты ҳаққында»ғы Қарақалпақстан Республикасы Нызамының 19-статьясы төртинши бөлиминдеги «орынлардағы мәмлекетлик ҳәкимият уйымларының рухсаты менен» деген сөзлер алып таслансын.

13-статья. 1998-жыл 10-сентябрьде қабыл етилген «Өсимликлер дүньясын қорғаў ҳәм оннан пайдаланыў ҳаққында»ғы Қарақалпақстан Республикасы Нызамының 24-статьясы екинши бөлими төмендеги редакцияда баян етилсин:

«Өсимликлер дүньясы объектлери өсиў орталығына унамсыз тәсир етиўи мүмкин болған өндирис объектлерин жайластырыў ҳәм олардан пайдаланыўға, жаңа технологияларды енгизиў, геология-қыдырыў жумысларын жүргизиў, пайдалы қазылмаларды қазып алыўға, шарўа маллары отлайтуғын ҳәмде аўыл хожалығы ҳайўанлары айдап өтилетуғын орынларды белгилеўге мәмлекетлик экологиялық экспертизасының унамлы жуўмағы бар болғанда, Қарақалпақстан Республикасы Аўыл ҳәм суў хожалығы министрлиги жанындағы Тоғай хожалығы басқармасы менен келисилген ҳалда жол қойылады».

14-статья. 1998-жыл 28-ноябрьде қабыл етилген «Мәдений байлықларды алып шығыў ҳәм алып кириў ҳаққында»ғы Қарақалпақстан Республикасы Нызамына төмендеги қосымшалар ҳәм өзгерислер киргизилсин:

1) 12-статья төмендеги мазмундағы екинши бөлим менен толықтырылсын:

«Мәдений байлықлардың ўақтынша алып шығылыўы ҳаққындағы гүўалықты бериў туўралы арзаны қайта көрип шығыўда усы гүўалықты бериўден бас тартыў ҳаққындағы билдириўде алдын көрсетилмеген жаңа тийкарлар бойынша оны бериўден бас тартыўға жол қойылмайды»;

2) 17-статья екинши бөлиминиң екинши гәпи алып таслансын.

15-статья. 1999-жыл 28-августта қабыл етилген «Реклама ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 22-статьясы:

атамасындағы «медициналық буйымлар» деген сөзлер алып таслансын;

үшинши бөлими төмендеги редакцияда баян етилсин:

«Қарақалпақстан Республикасы Денсаўлықты сақлаў министрлигинин рухсатысыз жас өспиримлер ушын арналған дәри-дәрмақларды реклама қылыўға жол қойылмайды»;

алтыншы бөлиминдеги «ўәзирлиги» деген сөз «министрлиги» деген сөз менен алмастырылсын;

2) 29-статьяның тексти төмендеги редакцияда баян етилсин:

«Реклама ҳаққындағы нызам ҳүжжетлерин бузғанлықта айыпкер шахслар белгиленген тәртипте жуўапкер болады.

Реклама бериўши реклама ҳаққындағы нызам ҳүжжетлериниң реклама таярлаў ушын усынылатуғын мағлыўматтың мазмунына байланыслы бөлими бузылғанлығы ушын, егер усы нызам бузыўшылық реклама таярлаўшының ямаса реклама тарқатыўшының айыбы менен жүз бергенлиги дәлийлленбесе, жуўапкер болады.

Реклама таярлаўшы реклама ҳаққындағы нызам ҳүжжетлериниң реклама таярлаўға байланыслы бөлими бузылғанлығы ушын жуўапкер болады.

Реклама тарқатыўшы реклама ҳаққындағы нызам ҳүжжетлериниң рекламаны тарқатыў ўақты, орны ҳәм қуралларына байланыслы бөлими бузылғанлығы ушын жуўапкер болады.

Реклама бериўши, реклама таярлаўшы ҳәм тарқатыўшы — юридикалық шахслардың лаўазымлы шахслары, реклама бериўши, реклама таярлаўшы ҳәм тарқатыўшы — физикалық шахслар надурыс реклама бергенлиги, антиреклама бериўден бас тартқанлығы, реклама етилиўи нызам ҳүжжетлери менен қадаған етилген өнимди реклама қылғанлығы, реклама ҳаққындағы нызам ҳүжжетлериниң бузылыўын сапластырыў ҳаққындағы көрсетпени өз ўақтында орынламағанлығы, сыртқы рекламаны жайластырыў тәртибине бойсынбағанлығы, реклама мағлыўматына байланыслы ҳүжжетлер ҳәм материалларды ўәкилликли мәмлекетлик уйымға белгиленген мүддетте усынбағанлығы ямаса билқастан надурыс мағлыўматлар усынғанлығы ушын ҳәкимшилик жуўапкершиликке тартылады.

Ҳәкимшилик жаза шарасы қолланылғанлығы реклама бериўшилер, реклама таярлаўшылар ҳәм тарқатыўшыларды ўәкилликли мәмлекетлик уйымның шешимин ямаса көрсетпесин орынлаў яки реклама ҳаққындағы нызам ҳүжжетлеринде нәзерде тутылған басқада ҳәрекетлерди ислеў миннетинен азат етпейди».

16-статья. 1999-жыл 28-августта қабыл етилген «Тоғай ҳаққында»ғы Қарақалпақстан Республикасы Нызамының 40-статьясындағы «ҳәм жергиликли мәмлекетлик ҳәкимият уйымлары» деген сөзлер алып таслансын.

17-статья. 2010-жыл 22-февральда қабыл етилген «Телекоммуникациялар ҳаққында»ғы Қарақалпақстан Республикасы Нызамының 9-статьясы екинши бөлими төмендеги редакцияда баян етилсин:

«Төмендегилер лицензияланыўы шәрт:

телекоммуникациялар тармақларын жойбарластырыў;

телекоммуникациялар тармақларын қурыў;

телекоммуникациялар тармақларынан пайдаланыў;

телекоммуникациялар тармақларына хызмет көрсетиў».

18-статья. 2000-жыл 27-сентябрьде қабыл етилген «Исбилерменлик жумысы еркинлигиниң кепилликлери ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 9-статьяның:

биринши бөлими төртинши абзацындағы «нызамшылықта белгиленген ең кем муғдардан» деген сөзлер «нызамшылықта Мийнетке ҳақы төлеўдиң бирден-бир тариф сеткасының биринши разряды бойынша белгиленген муғдардан» деген сөзлер менен алмастырылсын;

2) 39-статьяның төртинши бөлими төмендеги редакцияда баян етилсин:

«Жеке банк ҳәм басқада жеке финанс институтларының финанс-хожалық жумысын жобалы тексериўлер бес жылда көби менен бир мәрте, киши исбилерменлик субъектлери ҳәм фермер хожалықларының финанс-хожалық жумысын жобалы тексериўлер төрт жылда көби менен бир мәрте, басқа исбилерменлик субъектлериниң финанс-хожалық жумысын жобалы тексериўлер үш жылда көби менен бир мәрте әмелге асырылады».

19-статья. 2009-жыл 25-декабрьде қабыл етилген «Халықты туберкулёз кеселлигинен қорғаў ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 11-статья:

төмендеги мазмундағы екинши бөлим менен толықтырылсын:

«Туберкулёз кеселлигиниң жуқпалы формасына шалынған, туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте емленип атырған шахслар усы статьяда нәзерде тутылған барлық ҳуқықлардан пайдаланады, соның ишинде, қандай болмасын шеклеўлерсиз хатлар жазыў ҳәм алыўға, посылкалар, бандероллар ҳәм пул жөнелтпелерин алыўға, телефоннан пайдаланыўға, ең зәрүр нәрселерге ийе болыў ҳәм оларды алыўға, өз кийимлеринен пайдаланыўға ҳақылы»;

екинши — жетинши бөлимлери тийислисинше үшинши — сегизинши бөлимлер деп есаплансын;

2) 12¹, 12², 12³-статьялар менен толықтырылсын:

Туберкулёз кеселлигиниң жуқпалы формасына шалынған, диспансерлик есапта турған ҳәмде медициналық тексериўден ҳәм (яки) емлениўден бас тартып атырған шахс туберкулёз кеселлигине қарсы гүресиў емлеўханасының қәнигелестирилген бөлимине судтың шешиўши қарары тийкарында мәжбүрий тәртипте жатқарылыўы керек.

Туберкулёз кеселлигиниң жуқпалы формасына шалынған шахсты туберкулёз кеселлигине қарсы гүресиў емлеўханасының қәнигелестирилген бөлимине мәжбүрий тәртипте жатқарыў ҳаққындағы арза усы емлеўхананың медициналық комиссиясының медициналық тексериўинен ҳәм (яки) емлениўден бас тартып атырған усы шахсты мәжбүрий тәртипте жатқарыў зәрүрлиги ҳаққындағы жуўмақ қабыл етилген күннен баслап бир сутка ишинде бериледи. Арза судқа шахс диспансерлик есабында турған яки емленип атырған ямаса оның жасап атырған (турған) орнындағы туберкулёз кеселлигине қарсы гүресиў емлеўханасы тәрепинен бериледи.

Туберкулёз кеселлигиниң жуқпалы формасына шалынған шахстың туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте емлениўде болыўының даўамлылық мүддети алты айға шекем етип белгиленеди.

Туберкулёз кеселлигиниң жуқпалы формасына шалынған, туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте турған шахс өзиниң усы емлеўханадан шығарылыўы яки усы емлеўханада жатыў мүддети узайтырылыўы мәселеси шешилиўи ушын өзинен туберкулёз микобактериялары ажыралып шығыўы бойынша ҳәр айда кеминде бир мәрте белгиленген тәртипте медициналық тексериўден өткерилиўи керек.

Туберкулёз кеселлигиниң жуқпалы формасына шалынған шахстың туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте жатыўы мүддетин узайтыў ҳаққындағы арза усы мәкемениң медициналық комиссиясының шахс емлениўде болған емлеўханада жатыўы мүддетин узайтыў зәрүрлиги ҳаққындағы жуўмағы тийкарында судқа бериледи.

Туберкулёз кеселлигиниң жуқпалы формасына шалынған шахстың туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте емлениўде болыўы мүддети усы мәкемениң медициналық комиссиясының жуўмағы тийкарында суд тәрепинен алты айға шекем узайтырылыўы мүмкин.

Туберкулёз кеселлигиниң жуқпалы формасына шалынған, туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте емлениўде болған шахс усы емлеўханадан төмендегилер тийкарында шығарылыўы керек:

өзинен туберкулёз микобактериялары ажыралып шығыўы турақлы рәўиште тоқтаған жағдайда туберкулёз кеселлигине қарсы гүресиў емлеўханасының медициналық комиссиясының жуўмағы;

судтың туберкулёз кеселлигиниң жуқпалы формасына шалынған шахсты туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте жатқарыў мүддетин узайтыўды бийкар етиў ҳаққындағы шешиўши қарары.

Туберкулёз кеселлигиниң жуқпалы формасына шалынған, туберкулёз кеселлигине қарсы гүресиў емлеўханасының қәнигелестирилген бөлиминде мәжбүрий тәртипте емлениўде болған шахс усы емлеўханадан шығарылғаннан кейин жасаў орнында диспансерлик бақлаўда болыўы ҳәм емлениўди даўам еттириў ушын жибериледи.

Судтың туберкулёз кеселлигиниң жуқпалы формасына шалынған шахсты туберкулёз кеселлигине қарсы гүресиў емлеўханасының қәнигелестирилген бөлимине мәжбүрий тәртипте жатқызыў ҳаққындағы шешиўши қарарын орынлаў нызамшылықта белгиленген тәртипте ишки ислер уйымлары тәрепинен әмелге асырылады».

20-статья. 2001-жыл 28-декабрьде қабыл етилген «Мәдений мийрас объектлерин қорғаў ҳәм олардан пайдаланыў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 10-статья екинши бөлиминиң алтыншы абзацы төмендеги редакцияда баян етилсин:

«материаллық мәдений мийрас объектлерин сақлаў бойынша жумысларды әмелге асырыў, сондай-ақ материаллық мәдений мийрас объектлеринде илимий ҳәм илимий-техникалық изертлеўлер өткериў ушын рухсатнамалар бериў»;

2) 24-статьяның:

үшинши абзацы алып таслансын;

төртинши ҳәм бесинши абзацлары тийислисинше үшинши ҳәм төртинши абзацлар деп есаплансын.

21-статья. 2009-жыл 8-октябрьде қабыл етилген «Музейлер ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 5-статьяның:

бесинши абзацы алып таслансын;

алтыншы — тоғызыншы абзацлары тийислисинше бесинши — сегизинши абзацлар деп есаплансын;

2) 15-статьяның екинши бөлими алып таслансын.

22-статья. 1998-жыл 29-январьда қабыл етилген «Қарақалпақстан Республикасы Жоқарғы Кеңеси ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 1-статьяның екинши бөлиминдеги «сексен алты» деген сөз «алпыс бес» деген сөз бенен алмастырылсын;

2) 13-статьяның биринши ҳәм екинши абзацлары төмендеги редакцияда баян етилсин:

«Қарақалпақстан Республикасы Жоқарғы Кеңесиниң Баслығы Қарақалпақстан Республикасы Басшысы ҳәм ең жоқары лаўазымлы шахс болып табылады.

Қарақалпақстан Республикасы Жоқарғы Кеңесиниң Баслығы Қарақалпақстан Республикасы Жоқарғы Кеңеси тәрепинен Өзбекстан Республикасы Президентиниң келисими менен Қарақалпақстан Республикасы Жоқарғы Кеңесиниң депутатлары арасынан жасырын даўыс бериў жолы менен Қарақалпақстан Республикасы Жоқарғы Кеңесиниң ўәкиллиги мүддетине сайланады»;

3) 14-статьяның алтыншы бәнти төмендеги редакцияда баян етилсин:

«6) Район, қала ҳәкимлерин ҳәм олардың орынбасарларын, кейин ала тийисли халық депутатлары Кеңеслериниң тастыйықлаўы менен тайынлайды ҳәм лаўазымынан босатады».

23-статья. 2006-жыл 27-декабрьде қабыл етилген «Қарақалпақстан Республикасы Жоқарғы Кеңесиниң Регламенти ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) 54-статьясы төмендеги редакцияда баян етилсин:

«Қарақалпақстан Республикасы Конституциясының 80-статьясына муўапық, Жоқарғы Кеңестиң Баслығы Жоқарғы Кеңес тәрепинен Өзбекстан Республикасы Президентиниң келисими менен Жоқарғы Кеңестиң депутатлары арасынан жасырын түрде көпшилик даўыс бериў жолы менен Жоқарғы Кеңестиң ўәкиллиги мүддетине сайланады».

24-статья. 2004-жыл 29-майда қабыл етилген «Қарақалпақстан Республикасы Жоқарғы Кеңесине сайлаў ҳаққында»ғы Қарақалпақстан Республикасы Нызамы 1-статьясының биринши бөлиминдеги, 7-статьясының биринши бөлиминдеги ҳәм 22-статьясының үшинши бөлиминдеги «сексен алты» деген сөзлер тийислисинше «алпыс бес» деген сөзлер менен алмастырылсын.

25-статья. 1998-жыл 29-январьда қабыл етилген «Қарақалпақстан Республикасы Министрлер Кеңеси ҳаққында»ғы Қарақалпақстан Республикасы Нызамының 15-статьясы үшинши бөлиминиң бесинши бәнти төмендеги редакцияда баян етилсин:

«5) Қарақалпақстан Республикасы Жоқарғы Кеңесиниң Баслығына районлар, қалалар ҳәкимлерин ҳәм олардың орынбасарларын тайынлаў ҳәм лаўазымынан босатыў ҳаққында усыныслар береди».

26-статья. 1998-жыл 29-январьда қабыл етилген «Орынлардағы мәмлекетлик ҳәкимият ҳаққында»ғы Қарақалпақстан Республикасы Нызамына төмендеги өзгерислер ҳәм қосымшалар киргизилсин:

1) атамасындағы «ОРЫНЛАРДАҒЫ» деген сөз «ЖЕРГИЛИКЛИ» деген сөз бенен алмастырылсын;

2) 1-статьяның төртинши ҳәм бесинши бөлиминдеги «Орынлардағы» деген сөзлер тийислисинше «Жергиликли» деген сөзлер менен алмастырылсын;

3) 2-статьяның биринши бөлими төмендеги редакцияда баян етилсин:

«Районның, қаланың ҳәкими ҳәм олардың орынбасарлары Қарақалпақстан Республикасы Министрлер Кеңеси Баслығының усынысы менен Қарақалпақстан Республикасы Жоқарғы Кеңесиниң Баслығы тәрепинен тайынланады, лаўазымынан босатылады ҳәм халық депутатларының тийисли Кеңеси тәрепинен тастыйықланады».

4) ІІ, ІІІ ҳәм V-бапларының атамаларындағы «ОРЫНЛАРДАҒЫ» деген сөзлер тийислисинше «ЖЕРГИЛИКЛИ» деген сөзлер менен алмастырылсын;

5) 19-статьясындағы «Орынлардағы» деген сөз «Жергиликли» деген сөз бенен алмастырылсын.