Қарақалпақстан Республикасы Жоқарғы Кеңеси қарар етеди:

Қарақалпақстан Республикасы Жоқарғы Кеңеси тәрепинен қабыл етилген төмендеги нызамларға өзгерислер ҳәм қосымшалар киргизилсин:

І. 2005-жылы 28-декабрьде қабыл етилген, 2007-жыл 29-августта өзгерислер ҳәм қосымшалар киргизилген «Стандартластырыў ҳаққында»ғы Қарақалпақстан Республикасы Нызамының 2-статьяның екинши бөлими төмендеги редакцияда баян етилсин:

«Стандартластырыў жумысларын шөлкемлестириў, муўапықластырыў ҳәм тәмийинлеўди:

халық хожалығы тараўларында Өзбекстан стандартластырыў, метрология ҳәм сертификацияластырыў агентлигиниң («Өзстандарт» агентлиги) Қарақалпақстан стандартластырыў ҳәм метрология басқармасы;

қурылыс, қурылыс индустриясы саласында, соның ишинде жойбарлаў ҳәм конструкциялаўда Қарақалпақстан Республикасы Мәмлекетлик архитектура ҳәм қурылыс комитети;

тәбийғый ресурслардан пайдаланыўды ретлестириў ҳәм қоршап турған орталықты патасланыўдан ҳәм басқа да зыянлы тәсирлерден қорғаў саласында Қарақалпақстан Республикасы Тәбиятты қорғаў бойынша мәмлекетлик комитети;

медицинаға арналған өнимлер, медициналық техника буйымлары, дәри-дәрмақ саласында, сондай-ақ республика санааты ислеп шығарып атырған, соның ишинде импорт бойынша жеткерип берилип атырған өнимлердеги адам ушын зыянлы нәрселер муғдарын анықлаў мәселелеринде Өзбекстан Республикасы Денсаўлықты сақлаў министрлиги әмелге асырады»;

ІІ. 2006-жыл 29-августте қабыл етилген, 2009-жыл 25-апрельде өзгерислер киргизилген «Жер ҳаққында»ғы Қарақалпақстан Республикасы Нызамының 35-статьясының үшинши бөлими төмендеги мазмундағы төртинши бәнт пенен толықтырылсын:

«4) Орынлаў ҳүжжетлери бойынша өндириў жер участкасына қаратылғанда».

ІІІ. 1998-жыл 28-ноябрьде қабыл етилген, 2001-жыл 28-декабрь, 2004-жыл 29-май, 2007-жыл 5-октябрь, ҳәм 2009-жыл 25-апрельде өзгерислер ҳәм қосымшалар киргизилген «Дийқан хожалығы ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 6-статьясының төртинши бөлими төмендеги редакцияда баян етилсин:

«дийқан хожалықларын мәмлекетлик дизимнен өткериў ушын мәмлекетлик бажы өндирилмейди»;

2) 30-статьясы төмендеги мазмундағы екинши бөлим менен толықтырылсын:

«Дийқан хожалығы ағзалары дийқан хожалығы мүлки жетерли болмаса, нызам ҳүжжетлерине муўапық дийқан хожалығының миннетлемелери бойынша өзлерине тийисли мүлк пенен солидар рәўиште субсидиар жуўапкер болады»;

екинши бөлими үшинши бөлим деп есаплансын.

IV. 2005-жыл 14-майда қабыл етилген, 2006-жыл 29-август ҳәм 2009-жыл 25-апрельде өзгерислер ҳәм қосымшалар киргизилген «Фермер хожалығы ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 17-статьясы биринши бөлиминиң он екинши абзацындағы «салықлар, жыйымлар» деген сөзлер «салықлар» деген сөз бенен алмастырылсын;

2) 27-статьясындағы «салықлар, жыйымлар» деген сөзлер «салықлар» деген сөз бенен алмастырылсын.

V. 1998-жыл 10-сентябрьде қабыл етилген, 2004-жыл 29-майда өзгерислер ҳәм қосымшалар киргизилген «Аўыл-хожалығы кооперативи (ширкет хожалығы) ҳаққында»ғы Қарақалпақстан Республикасы Нызамының 24-статьясындағы «бюджетке салықлар, жыйымлар ҳәм басқа да төлемлер» деген сөзлер «салықлар ҳәм басқа да мәжбүрий төлемлерди» деген сөзлер менен алмастырылсын.

VI. 1991-жыл 29-июньда қабыл етилген, 1995-жыл 15-август, 1997-жыл 26-июнь 2004-жыл 9-октябрь ҳәм 2005-жыл 29-августта өзгерислер ҳәм қосымшалар киргизилген «Жәмийетлик бирлеспелер ҳаққында»ғы Қарақалпақстан Республикасының Нызамы 11-статьясының сегизинши бөлими төмендеги редакцияда баян етилсин:

«Жәмийетлик бирлеспениң уставын, оған киргизилген кейинги өзгерислер ҳәм қосымшаларды дизимнен өткериў ушын Қарақалпақстан Республикасы Министрлер Кеңеси тәрепинен белгиленетуғын муғдарда мәмлекетлик бажы өндириледи».

VII. 1998-жыл 28-ноябрьде қабыл етилген «Ҳүждан еркинлиги ҳәм диний шөлкемлер ҳаққында»ғы Қарақалпақстан Республикасының Нызамы 11-статьясы екинши бөлиминиң алтыншы абзацындағы ҳәм үшинши бөлиминиң жетинши абзацындағы «дизимге алыў жыйымының» деген сөзлер «мәмлекетлик бажы» деген сөзлер менен алмастырылсын.

VIII. 1992-жыл 14-декабрьде қабыл етилген «Қарақалпақстан Республикасында Мәмлекетлик жаслар сиясатының тийкарлары ҳаққында»ғы Қарақалпақстан Республикасының Нызамының 16-статьясының:

екинши бөлими алып таслансын;

үшинши бөлими екинши бөлими деп есаплансын.

ІХ. 1998-жыл 29-январьда қабыл етилген, 1999-жыл 28-август, 2005-жыл 29-август, 2006-жыл 29-август, 2006-жыл 27-декабрь ҳәм 2008-жыл 12-ноябрде өзгерислер ҳәм қосымшалар киргизилген «Орынлардағы мәмлекетлик ҳәкимият ҳаққында»ғы Қарақалпақстан Республикасы Нызамының 21-статьясының биринши бөлиминиң алтыншы абзацы төмендеги редакцияда баян етилсин:

«нызамларға муўапық жергиликли салықлар ҳәм басқа да мәжбүрий төлемлер муғдарын белгилеў, жергиликли салықлар бойынша жеңилликлер бериў».

Х. 1999-жыл 28-августта қабыл етилген, 2003-жыл 12-ноябрь, 2005-жыл 29-август ҳәм 2008-жыл 12-ноябрде өзгерислер ҳәм қосымшалар киргизилген «Пуқаралардың өзин-өзи басқарыў уйымлары ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 12-статьясы екинши бөлиминиң жигирма төртинши абзацы төмендеги редакцияда баян етилсин:

«халықтан салықлар ҳәм басқа да мәжбүрий төлемлер өз ўақтында түсиўине көмеклеседи»;

2) 13-статьясының он биринши абзацы төмендеги редакцияда баян етилсин:

«Ержетпегенлердиң ҳуқықларын қорғаў бойынша жәмийетлик жумысларды шөлкемлестиреди, ата-ана қарамағынан айрылған балалар ҳаққындағы мағлыўматларды қәўендерлик ҳәм қайырқомлық уйымларына усынады, сондай-ақ бундай балаларды тийисли мәмлекетлик мәкемелерге жайластырыўға көмеклеседи».

ХІ. 1997-жыл 15-декабрьде қабыл етилген, 2007-жыл 29-августта өзгерис киргизилген «Қалалық жолаўшылар транспорты ҳаққында»ғы Қарақалпақстан Республикасы Нызамының 17-статьясы алып таслансын.

ХІІ. 1999-жыл 18-мартта қабыл етилген, 2004-жыл 9-октябрьде өзгерис киргизилген «Инвестициялық жумыс ҳаққында»ғы Қарақалпақстан Республикасының Нызамының:

1) 9-статьясы биринши бөлиминиң төртинши абзацындағы «салықлар, жыйымлар» деген сөзлер «салықлар» деген сөз бенен алмастырылсын;

2) 22-статьясының биринши бөлиминдеги «салықлар, жыйымлар» деген сөзлер «салықлар» деген сөз бенен алмастырылсын.

ХІІІ. 2000-жыл 27-сентябрьде қабыл етилген 2001-жыл 28-декабрь, 2004-жыл 29-май, 2004-жыл 09-октябрь, 2005-жыл 29-август, 2006-жыл 29-август, 2007-жыл 5-октябрь ҳәм 2009-жыл 25-апрельде өзгерислер ҳәм қосымшалар киргизилген «Исбилерменлик жумысы еркинлигиниң кепилликлери ҳаққында»ғы Қарақалпақстан Республикасы Нызамының:

1) 20-статьясының екинши бөлиминдеги «салықлар, жыйымлар» деген сөзлер «салықлар» деген сөз бенен алмастырылсын;

2) 40¹-статьясы биринши бөлиминиң бесинши абзацындағы «жыйымларды» деген сөз «басқа мәжбүрий төлемлерди» деген сөзлер менен алмастырылсын;

3) 42-статьясының төртинши абзацы төмендеги редакцияда баян етилсин:

«нызам ҳүжжетлерине муўапық жергиликли салықлар бойынша жеңилликлерди белгилейди»;

4) 43-статьясы биринши бөлиминиң жетинши абзацындағы «жыйымлар» деген сөз «басқа мәжбүрий төлемлер» деген сөзлер менен алмастырылсын.

ХIV. 2004-жыл 29-майда қабыл етилген, 2004-жыл 9-октябрьде өзгерис киргизилген «Мәмлекетлик емес коммерциялық емес шөлкемлер ҳаққында»ғы Қарақалпақстан Республикасы Нызамы 22-статьясы биринши бөлиминиң бесинши абзацындағы ҳәм бесинши бөлиминиң сегизинши абзацындағы «дизимге алынғанлығы ушын жыйым» деген сөзлер «мәмлекетлик бажы» деген сөзлер менен алмастырылсын.

XV. 2004-жыл 29-майда қабыл етилген, 2009-жыл 25-апрельде қосымша киргизилген «Жәмийетлик қорлар ҳаққында»ғы Қарақалпақстан Республикасы Нызамы 14-статьясы биринши бөлиминиң алтыншы абзацындағы ҳәм үшинши бөлиминиң алтыншы абзацындағы «дизимге алыў жыйымы» деген сөзлер «мәмлекетлик бажы» деген сөзлер менен алмастырылсын.

XVI. 1999-жылы 28-августта қабыл етилген, 2003-жыл 12-ноябрь, 2007-жыл 5-октябрь ҳәм 2007-жыл 26-декабрьде өзгерислер ҳәм қосымшалар киргизилген «Реклама ҳаққында»ғы Қарақалпақстан Республикасы Нызамы 16-статьясының үшинши бөлими төмендеги редакцияда баян етилсин:

«Реклама тарқатыўшылар реклама ушын ажыратылған эфир ўақты, басылым ямаса реклама майданының улыўма жыллық көлеминиң 5 процентинен кем болмаған көлемде социаллық рекламалы мәлимлемени жайластырыў шәрт. Бунда жумысы Қарақалпақстан Республикасы мәмлекетлик бюджети есабынан толық ямаса бир бөлегинде қаржыландырылатуғын реклама тарқатыўшылар социаллық рекламалы мәлимлемени бийпул жайластырады».

XVII. 1996-жылы 14-декабрьде қабыл етилген, 2002-жыл 7-август, 2003-жыл 12-ноябрь, 2006-жыл 27-декабрь ҳәм 2007-жыл 29-августта өзгерислер ҳәм қосымшалар киргизилген «Тутыныўшылардың ҳуқықларын қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 11-статьяның алтыншы бөлими төмендеги редакцияда баян етилсин:

«Дәри-дәрмақ, азық-аўқат ҳәм турмыслық химия товарларында олардың ислеп шығарылған сәнеси, жарамлылық мүддети ҳәмде оларды сақлаў шәртлери көрсетилген болыўы тийис. Сатыўшыларға ислеп шығарылған сәнеси ҳәм жарамлылық мүддети көрсетилмеген ямаса жарамлылық мүддети өткен товарларды қабыл етиў ҳәм реализация етиў қадаған етиледи»;

жетинши бөлими алып таслансын;

2) 21-статьясы екинши бөлиминдеги «пайдаланыўға мәжбүр етиўге» деген сөзлер «пайдаланыўға мәжбүрлеўге сондай-ақ көрсетилмеген хызметлер ушын ҳақы алыўға» деген сөзлер менен алмастырылсын;

3) 27-статья екинши бөлими төмендеги редакцияда баян етилсин:

«Қарақалпақстан Республикасы Монополиядан шығарыў, бәсекилик ҳәм исбилерменликти қоллап-қуўатлаў мәмлекетлик комитети ҳәм оның аймақлық уйымлары ислеп шығарыўшыға (орынлаўшыға, сатыўшыға):

ислеп шығарылған сәнеси ҳәм жарамлылық мүддети көрсетилиўи шәрт екенлиги нызам ҳүжжетлеринде белгиленгенлигине қарамай ислеп шығарылған сәнеси ҳәм жарамлылық мүддети көрсетилмеген товарларды реализация етиўге ҳәм сатыўға қабыл еткенлиги ушын товарлардың (жумыслардың, хызметлердиң) қәўипсиз болыўы ҳәм сапасы үстинен қадағалаўды әмелге асырыўшы тийисли мәмлекетлик басқарыў уйымларының усы товарлардың тутыныў (пайдаланыў) ушын жарамлылығы ҳаққында жуўмағы алынған жағдайда, реализация етиў ушын қабыл етилген товарлар көлеминиң бес проценти муғдарында ҳәм усы товарлардың тутыныў (пайдаланыў) ушын жарамсызлығы ҳаққындағы жуўмағы алынған жағдайда, реализация етиў ушын қабыл етилген товарлар көлеминиң жүз проценти муғдарында, бирақ ең кем ис ҳақының еки жүз есесинен көп болмаған муғдарда;

жарамлылық мүддети өткен товарларды реализация етиўге ҳәм сатыўға қабыл еткенлиги ушын реализация етиў ушын қабыл етилген товарлар көлеминиң жүз проценти муғдарында бирақ ең кем ис ҳақының үш жүз есесинен көп болмаған муғдарда;

тутыныўшылар ҳуқықларының бузылыўын сапластырыў ҳаққындағы көрсетпелерди орынлаўдан мойын таўлағанлығы ямаса өз ўақтында орынламағанлығы, сондай-ақ оларға товарлар (жумыслар, хызметлер) ҳаққында мәлимлеме бермегенлиги ямаса биле тура надурыс мағлыўматлар бергенлиги ушын:

юридикалық шахсларға ең кем ис ҳақының он есесинен жигирма есесине шекемги муғдарда;

физикалық шахсларға ең кем ис ҳақының үш есесинен бес есесине шекемги муғдарда жәрийма салыў ҳуқықына ийе».