Қарақалпақстан Республикасы Жоқарғы Кеңеси қарар етеди:

Қарақалпақстан Республикасы Жоқарғы Кеңеси тәрепинен қабыл етилген төмендеги нызамларға өзгерислер ҳәм қосымшалар киргизилсин:

І. 2007-жыл 26-декабрьде қабыл етилген «Аудиторлық жумыс ҳаққында»ғы Қарақалпақстан Республикасы Нызамының 10-статьясы биринши бөлиминиң бесинши абзацындағы «басқарыўшы компаниялары» деген сөзлер «инвестиция активлерин исенимли басқарыўшылар» деген сөзлер менен алмастырылсын.

ІІ. 1996-жыл 14-декабрьде қабыл етилген, 1997-жыл 15-декабрь, 1998-жыл 10-сентябрь, 2004-жыл 9-октябрь, 2007-жыл 29-август, 2007-жыл 26-декабрь, 2009-жыл 25-апрель, 2009-жыл 8-октябрьде өзгерислер ҳәм қосымшалар киргизилген «Акционерлик жәмийетлер ҳәм акционерлердиң ҳуқықларын қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 27-статьясы биринши бөлиминиң оныншы абзацындағы «инвестициялық институтлардың» деген сөзлер «баҳалы қағазлар базарының профессионал қатнасыўшылары» деген сөзлер менен алмастырылсын;

2) 41-статьясының он биринши бөлиминдеги «инвестиция институтлары» деген сөзлер «баҳалы қағазлар базарының профессионал қатнасыўшылары» деген сөзлер менен алмастырылсын;

3) 61-статьясының екинши бөлиминдеги «инвестициялық институт» деген сөзлер «баҳалы қағазлар базарының профессионал қатнасыўшысы» деген сөзлер менен алмастырылсын;

4) 114-статьясы биринши бөлиминиң үшинши абзацындағы «инвестициялық институтлар» деген сөзлер «баҳалы қағазлар базарының профессионал қатнасыўшылары» деген сөзлер менен алмастырылсын;

5) 117-статьясының атамасындағы ҳәм текстиндеги «Инвестициялық институтларының» ҳәм «Инвестициялық институтлардың» деген сөзлер тийислисинше «Баҳалы қағазлар базарының профессионал қатнасыўшыларының» ҳәм «Баҳалы қағазлар базарының профессионал қатнасыўшылардың» деген сөзлер менен алмастырылсын.

ІІІ. 2005-жыл 14-майда қабыл етилген, 2007-жыл 29-август ҳәм 2007-жыл 5-октябрьде өзгерислер ҳәм қосымшалар киргизилген «Биржалар ҳәм биржалық жумыс ҳаққында»ғы Қарақалпақстан Республикасы Нызамының 23-статьясы төмендеги мазмундағы төртинши бөлим менен толықтырылсын:

«Биржа келисиминиң мазмуны ҳаққындағы жынаят жолы менен арттырған дәраматларды легалластырыўға ҳәм терроризмди қаржыландырыўға қарсы гүресиўге байланыслы болған мәлимлеме нызам ҳүжжетлеринде нәзерде тутылған жағдайларда ҳәм тәртипте арнаўлы ўәкилликли мәмлекетлик уйымға усынылады».

IV. 1999-жыл 28-августта қабыл етилген ҳәм 2007-жыл 26-декабрьде өзгерислер ҳәм қосымшалар киргизилген «Тоғай ҳаққында»ғы Қарақалпақстан Республикасы Нызамының 32-статьясындағы «Өзбекстан Республикасы Мәмлекетлик шегараны қорғаў бойынша комитет пенен» деген сөзлер «Өзбекстан Республикасы Миллий қәўипсизлик хызмети менен» деген сөзлер менен алмастырылсын.

V. 2009-жыл 25-декабрьде қабыл етилген «Халықты туберкулёз кеселлигинен қорғаў ҳаққында»ғы Қарақалпақстан Республикасының Нызамы 6-статьясының биринши бөлиминдеги «Мәмлекетлик шегараларды қорғаў комитетиниң» деген сөзлер алып таслансын.

VI. 1997-жыл 25-июньда қабыл етилген, 2001-жыл 28-декабрь ҳәм 2008-жыл 12-ноябрьде өзгерислер ҳәм қосымшалар киргизилген «Пуқаралардың ден саўлығын сақлаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 10-статьясының биринши бөлими төмендеги редакцияда баян етилсин:

«Денсаўлықты сақлаўдың жеке ҳәм басқа да түрдеги системалары қатарына өз қаржылары, тартылған қаржылар ҳәм нызам ҳүжжетлерине муўапық басқа да дереклер есабынан қаржыландырылатуғын емлеў-профилактика, дәрихана мәкемелери, медицина ҳәм фармацевтика өнимлерин ислеп шығаратуғын кәрханалар, сондай-ақ жеке фармацевтика жумысы менен шуғылланыўшы физикалық шахслар киреди»;

2) 11-статьясының биринши бөлими төмендеги редакцияда баян етилсин:

«Медициналық жумыс тийисли лицензияға ийе болған юридикалық ҳәм физикалық шахслар тәрепинен әмелге асырылыўы мүмкин».

VII. 1998-жыл 28-ноябрьде қабыл етилген, 2001-жыл 28-декабрь, 2004-жыл 29-май, 2007-жыл 5-октябрь, 2009-жыл 25-апрель, 2010-жыл 22-майда өзгерислер ҳәм қосымшалар киргизилген «Дийқан хожалығы ҳаққында»ғы Қарақалпақстан Республикасы Нызамының 20-статьясы төртинши бөлиминдеги «районлық (қалалық) социаллық тәмийнат бөлиминде» деген сөзлер «Өзбекстан Республикасы Қаржы министрлиги жанындағы бюджеттен тысқары пенсия қорының районлық (қалалық) бөлиминде» деген сөзлер менен алмастырылсын.

VIII. 1996-жыл 18-сентябрьде қабыл етилген «Мәмлекетлик тил ҳаққында»ғы Қарақалпақстан Республикасы Нызамының 12-статьясының текстиндеги «мәмлекетлик нотариус» деген сөзлер «нотариус» деген сөз бенен алмастырылсын.