1-статья. 1993-жыл 9-апрельде қабыл етилген «Мәмлекетлик санитариялық бақлаў ҳаққында»ғы Қарақалпақстан Республикасының Нызамына төмендеги өзгерислер киргизилсин:

1) 14-статья төмендеги мазмундағы екинши бөлим менен толықтырылсын:

«Жаңа химиялық затларды, биологиялық қуралларды, материалларын, полимер ҳәм пластик массаларды, әтир-упа ҳәм пардозлаў өнимлерин қолланыўға олар зәҳәрлилиги ҳәм гигиенасы жағынан баҳаланғанынан, гигиена нормативлери белгиленгенинен кейин ғана Қарақалпақстан Республикасы бас мәмлекетлик санитариялық шыпакериниң рухсатнамасы менен жол қойылады»;

2) 17-статьясының екинши бөлими төмендеги редакцияда баян етилсин:

«Жаңа азықлық қосымшаларды, арнаўлы қосылатуғын биологиялық актив затларды алып кириў ҳәмде ислеп шығарыўға олар зәҳәрлилиги ҳәм гигиенасы жағынан баҳаланғаннан кейин ғана Қарақалпақстан Республикасы бас мәмлекетлик санитариялық шыпакериниң рухсаты (жуўмағы) менен жол қойылады»;

3) 27-статьяның алтыншы абзацы төмендеги редакцияда баян етилсин:

«-санитариялық-эпидемиологиялық қәўипсизлиги мәселелери бойынша Өзбекистан Республикасы ҳәм Қарақалпақстан Республикасы нызамлары, Өзбекистан Республикасы Президенти пәрманлары, қарарлары ҳәм бийликлери, Өзбекистан Республикасы Министрлер Кабинетиниң қарарлары, Қарақалпақстан Республикасы Жоқарғы Кеңесиниң қарарлары, Қарақалпақстан Республикасы Жоқарғы Кеңеси Баслығының бийликлери, Қарақалпақстан Республикасы Министрлер Кеңесиниң қарарлары, Қарақалпақстан Республикасы Министрлер Кеңеси Баслығының бийликлери тийкарында ҳәм оларды орынлаў бойынша актлер шығарады»;

4) 31-статьяның:

4-бәнтиндеги «кәрханаларды, жайларды, қурылысларды, транспорт қуралларын» деген сөзлер «жайларды ҳәм қурылысларды» деген сөзлер менен алмастырылсын;

9-бәнтиндеги «аўыл хожалық өсимликлерин ҳәм ҳайўанлар өсириўши стимуляторды, өсимликлерди биологиялық қорғаў қуралларын» деген сөзлер алып таслансын.

2-статья. 2006-жыл 3-мартта жаңа редакцияда қабыл етилген «Тәбиятты қорғаў ҳаққында»ғы Қарақалпақстан Республикасы Нызамына төмендеги қосымша ҳәм өзгерислер киргизилсин:

1) 2-статьяның екинши бөлими «резерватлары» деген сөзден кейин «миллий бағлар» деген сөзлер менен толықтырылсын;

2) 10-статья:

биринши бөлиминиң бесинши абзацындағы «ҳәм бийкарлаў» деген сөзлер алып таслансын;

3) 29-статья төмендеги редакцияда баян етилсин:

Экологиялық қадағалаўдың тийкарғы ўазыйпалары төмендегилерден ибарат:

қоршаған орталықты қорғаў ҳәм тәбийий ресурслардан ақылға уғрас пайдаланыў саласындағы нызам ҳүжжетлериниң талаплары бузылыўының алдын алыў, оны анықлаў ҳәм оған шек қойыў;

қоршаған орталықтың жағдайын бақлап барыў, қоршаған орталықтың патасланыўына, тәбийий ресурслардан ысырап етип пайдаланыўға алып келиўи, пуқаралардың денсаўлығы ҳәм өмирине қәўип салыўы мүмкин болған жағдайларды анықлаў;

мөлшерленип атырған ямаса әмелге асырылып атырған хожалық жумысының ҳәм басқа да жумыстың экологиялық талапларға муўапықлығын анықлаў;

юридикалық шахслар ҳәм пуқаралардың қоршаған орталықты қорғаў ҳәм тәбийий ресурслардан ақылға уғрас пайдаланыў саласындағы ҳуқықлары ҳәм нызамлы мәплерине бойсынылыўы, олар тәрепинен миннетлердиң орынланыўын тәмийинлеў;

қоршаған орталықтағы өзгерислер, оның болжаўлық жағдайы, тәбийий ресурслардан пайдаланылыўы ҳәм көрилип атырған тийисли илажлар ҳаққында мәмлекетлик шөлкемлерди ҳәм басқа да шөлкемлерди хабардар етиў;

тәбиятты қорғаў бойынша жумыстың нәтийжелилигин асырыў ҳәмде мәмлекетлик экологиялық бағдарламалар ҳәм басқа да экологиялық бағдарламалардың әмелге асырылыўында пуқаралардың өзин-өзи басқарыў уйымлары, мәмлекетлик емес коммерциялық емес шөлкемлер ҳәм пуқаралардың қатнасыўын тәмийинлеў»;

4) 31-статья төмендеги редакцияда баян етилсин:

Экологиялық қадағалаўды әмелге асырыў, экологиялық қадағалаў субъектлериниң ўәкилликлерин орынлаўына байланыслы жүзеге келетуғын ҳуқықый қатнасықлар нызам актлери менен тәртипке салынады»;

5) 32-статья алып таслансын;

6) 44-статьяның екинши бөлиминдеги «мәмлекетлик санитариялық қадағалаўдың» деген сөзлер «мәмлекетлик санитариялық қадағалаў уйымларының» деген сөзлер менен алмастырылсын.

3-статья. 2010-жыл 14-октябрьде жаңа редакцияда қабыл етилген «Суў ҳәм суўдан пайдаланыў ҳаққында»ғы Қарақалпақстан Республикасы Нызамының 36-статьясына төмендеги өзгерислер киргизилсин:

биринши бөлиминиң екинши абзацындағы «рухсатнаманы бийкар етиў» деген сөзлер «рухсатнаманың ҳәрекет етиўин тоқтатыў ҳәм оны бийкар етиў» деген сөзлер менен алмастырылсын;

екинши бөлими төмендеги редакцияда баян етилсин:

«Суўдан арнаўлы пайдаланыў ямаса суўды арнаўлы тутыныў ушын оған берилген рухсатнаманың ҳәрекет етиўин тоқтатыў ҳәм усы рухсатнаманы бийкар етиў нызамшылықта белгиленген тәртипте әмелге асырылады».

4-статья. 1996-жыл 28-июньда қабыл етилген «Өсимликлер карантини ҳаққында»ғы Қарақалпақстан Республикасы Нызамының 11-статьясы биринши бөлиминиң екинши абзацындағы ҳәм екинши бөлиминдеги «импорт» деген сөз алып таслансын.

5-статья. 1998-жыл 10-сентябрьде қабыл етилген «Өсимликлер дүньясын қорғаў ҳәм оннан пайдаланыў ҳаққында»ғы Қарақалпақстан Республикасы Нызамының 27-статьясының биринши бөлиминдеги «орынлардағы мәмлекетлик ҳәкимият уйымлары, сондай-ақ Қарақалпақстан Республикасы Тәбиятты қорғаў бойынша мәмлекетлик комитети тәрепинен нызам актлери менен белгиленген тәртипте» деген сөзлер «нызам актлери менен белгиленген тәртипте жергиликли мәмлекетлик ҳәкимият уйымлары, Қарақалпақстан Республикасы Тәбиятты қорғаў бойынша мәмлекетлик комитети, Қарақалпақстан Республикасы Аўыл ҳәм суў хожалығы министрлиги тәрепинен» деген сөзлер менен алмастырылсын.

6-статья. 1998-жыл 9-июньда қабыл етилген «Ҳайўанатлар дүньясын қорғаў ҳәм пайдаланыў ҳаққында»ғы Қарақалпақстан Республикасы Нызамы 10-статьясының биринши бөлиминдеги «орынлардағы мәмлекетлик ҳәкимият уйымлары, Қарақалпақстан Республикасы Тәбиятты қорғаў бойынша мәмлекетлик комитети тәрепинен нызам актлери менен белгиленген тәртипте» деген сөзлер «нызам актлери менен белгиленген тәртипте жергиликли мәмлекетлик ҳәкимият уйымлары, Қарақалпақстан Республикасы Тәбиятты қорғаў бойынша мәмлекетлик комитети, Қарақалпақстан Республикасы Аўыл ҳәм суў хожалығы министрлиги тәрепинен» деген сөзлер менен алмастырылсын.

7-статья. 1998-жылы 28-ноябрьде қабыл етилген «Мәдений байлықларды алып шығыў ҳәм алып кириў ҳаққында»ғы Қарақалпақстан Республикасының Нызамына төмендеги өзгерислер киргизилсин:

1) 5-статья екинши бөлиминиң алтыншы абзацындағы «гүўалық» деген сөз «сертификатлар» деген сөз бенен алмастырылсын;

2) 7-статьяның биринши бөлиминдеги «гүўалық» деген сөз «сертификат» деген сөз бенен алмастырылсын;

3) 10-статьяның:

биринши бөлиминдеги «Мәденият ҳәм спорт ислери бойынша министрлиги беретуғын гүўалық» деген сөзлер «Мәденият ҳәм спорт ислери министрлиги тәрепинен берилетуғын сертификат» деген сөзлер менен алмастырылсын;

екинши бөлиминдеги «алып шығыў ҳуқықын бериўши гүўалықты» деген сөзлер «ўақтынша алып шығыў ҳуқықын бериўши сертификатты» деген сөзлер менен алмастырылсын;

4) 11-статьяның биринши бөлими биринши абзацындағы, екинши ҳәм үшинши бөлимлериндеги «гүўалықты» деген сөз «сертификатты» деген сөз бенен алмастырылсын;

5) 12-статьяның:

атамасындағы «гүўалық» деген сөз «сертификат» деген сөз бенен алмастырылсын;

биринши бөлиминдеги «гүўалық» деген сөз «сертификат» деген сөз бенен алмастырылсын;

екинши бөлими төмендеги редакцияда баян етилсин:

«Мәдений байлықлардың ўақтынша алып шығылыўы ҳаққында сертификат бериў туўралы арзаны қайта көрип шығыўда усы сертификатты бериўден бас тартыў ҳаққындағы билдириўде алдын көрсетилмеген жаңа тийкарлар бойынша оны бериўден бас тартыўға жол қойылмайды».

8-статья. 2005-жылы 29-августта қабыл етилген «Қорғалатуғын тәбийғый аймақлар ҳаққында»ғы Қарақалпақстан Республикасының Нызамына төмендеги өзгерислер ҳәм қосымша киргизилсин:

1) 5-статья төмендеги мазмундағы екинши бөлим менен толықтырылсын:

«Нызам актлеринде мәмлекетлик биосфера резерватлары, миллий бағлар, мәмлекетлер аралық қорғалатуғын тәбийғый аймақлар ҳәм басқа да қорғалатуғын тәбийғый аймақларды дүзиў нәзерде тутылыўы мүмкин»;

2) 7-статьяның алтыншы ҳәм жетинши бөлимлери төмендеги редакцияда баян етилсин:

«Мәмлекетлик қорықханалардың, комплексли (ландшафт) буйыртпа қорықханалардың, тәбият бағларының, мәмлекетлик тәбият естеликлериниң, буйыртпа қорықханалардың (аңшылық хожалықларында шөлкемлестирилген буйыртпа қорықханалар буннан тысқары), тәбийғый питомниклердиң, мәмлекетлик биосфера резерватларының, миллий бағлардың жер участкаларына жер салығы салынбайды. Қорғалатуғын тәбийғый аймақларда хожалық жумысы алып барылып атырған болса, жер салығы өндириледи.

Қорғалатуғын тәбийғый аймақлардың жер участкаларын (миллий бағлардың жер участкаларынан тысқары) мәмлекет ҳәм жәмийет мүтәжликлери ушын алып қойылыўына жол қойылмайды»;

3) 17-статья төмендеги редакцияда баян етилсин:

Мәмлекетлик қорықханалар, комплексли (ландшафт) буйыртпа қорықханалар, тәбият бағлары ҳәм мәмлекетлик биосфера резерватларын қорықлаў қорықлаў хызметкерлери тәрепинен әмелге асырылады ҳәмде усы қорғалатуғын тәбийғый аймақлар ҳаққындағы режелер менен ретлестириледи. Қорықлаў хызметкерлери мәмлекетлик қорықханалар, комплексли (ландшафт) буйыртпа қорықханалар, тәбият бағлары, мәмлекетлик биосфера резерватлары штатында турады ҳәмде тәбиятты қорғаў мәмлекетлик инспекторларының барлық ҳуқықлары ҳәм жеңилликлеринен пайдаланады.

Миллий бағларды қорықлаў бундай бағлар ҳаққындағы Өзбекистан Республикасы Министрлер Кабинети тәрепинен тастыйықланатуғын режелерде белгиленген тәртипте тәмийинленеди.

Мәмлекетлик буйыртпа қорықханалар ҳәм тәбийғый питомниклерди қорықлаў бундай қорықхана ҳәм питомниклер қайсы юридикалық шахслардың жер участкаларында жайласқан болса, усы юридикалық шахслар тәрепинен әмелге асырылады.

Мәмлекетлик тәбият естеликлерин қорықлаў бундай естеликлер қайсы юридикалық ҳәм физикалық шахслардың жер участкаларында жайласқан болса, усы юридикалық ҳәм физикалық шахслар тәрепинен әмелге асырылады.

Егер мәмлекетлик буйыртпа қорықханалары ҳәм мәмлекетлик тәбият естеликлери юридикалық ҳәмде физикалық шахсларға берилмеген жер участкаларында жайласқан болса, олардың қорықланыўын тәмийинлеў жергиликли мәмлекетлик ҳәкимият уйымлары ҳәм арнаўлы ўәкилликли мәмлекетлик уйымларға жүкленеди.

Суў қорғаў зоналары, жаға бойы аймақлары ҳәм жер үсти ҳәмде жер асты суўларының пайда болыўы зоналарын қорықлаў олар қайсы аўыл ҳәм суў хожалығы уйымлары, юридикалық ҳәм физикалық шахслардың жер участкаларында дүзилген болса, усы аўыл ҳәм суў хожалығы уйымлары, юридикалық ҳәм физикалық шахслар тәрепинен әмелге асырылады.

Суў объектлериниң санитариялық қорғаў зоналары ишки ислер уйымлары тәрепинен қорықланады.

Курортлық тәбийғый аймақларды ҳәм рекреация зоналарын қорықлаў жергиликли мәмлекетлик ҳәкимият уйымлары тәрепинен тәмийинленеди.

Айырым тәбийғый ресурсларды басқарыў ушын арналған аймақлар тоғай қорықшылары ҳәм аңшылық хожалықларының егерлик хызмети тәрепинен қорықланады.

Балық хожалығы зоналарын қорықлаў балықшылық пенен шуғылланыўшы юридикалық ҳәм физикалық шахслар ҳәмде тәбиятты қорғаў уйымлары тәрепинен тәмийинленеди.

Жеке буйыртпа қорықханалары ҳәм тәбийғый питомниклерди қорықлаў олар қайсы юридикалық ҳәм физикалық шахслардың бийлигинде болса,
усы юридикалық ҳәм физикалық шахслар тәрепинен тәмийинленеди.

Қорықлаў зоналары мәмлекетлик қорықханалар, буйыртпа қорықханалар ҳәм мәмлекетлик тәбият естеликлерин қорғаў қайсы мәмлекетлик уйымлар, юридикалық ҳәм физикалық шахсларға жүкленген болса, усы мәмлекетлик уйымлар, юридикалық ҳәм физикалық шахслар тәрепинен қорықланады»;

4) Х-бөлим төмендеги редакциядағы Х ҳәм ХІ-бөлимлер менен алмастырылсын:

Аймақларды турақлы экономикалық ҳәм социаллық раўажландырыў мақсетинде мәмлекетлик биосфера резерватлары-биологиялық рәң-бәреңликти сақлаў, тәбийғый объектлер ҳәм комплекслерден ақылға уғрас пайдаланыў ушын мөлшерленген, қорғалатуғын тәбийғый аймақлар дүзилиўи мүмкин.

Мәмлекетлик биосфера резерватлары халық аралық биосфера резерватлары тармағына қосылыўы ҳәм қоршаған тәбийғый орталықтың
глобал мониторингинде қатнасыўы мүмкин.

Мәмлекетлик биосфера резерватлары Өзбекистан Республикасы Министрлер Кабинетиниң қарары менен шөлкемлестириледи.

Мәмлекетлик биосфера резерватларының аймақлары мәмлекетлик биосфера резерватларына пайдаланыўға берилетуғын жер участкаларында, сондай-ақ, басқада юридикалық ҳәм физикалық шахслардың мәмлекетлик биосфера резерватлары шегаралары шеңберинде жер участкаларында жайласады.

Мәмлекетлик биосфера резерватлары аймағында төмендегилер ажыратып қойылады:

тәбийғый объектлер ҳәм комплекслерди өзиниң негизги жағдайында сақлап қалыў ушын арналған, мәмлекетлик қорықханалар ушын нәзерде тутылған режимли қорықханаға айландырылған зона;

тәбийғый объектлер ҳәм комплекслерди сақлап қалыў, тәкирарлап көбейтиў ҳәм тиклеў ушын арналған, қорықханаға айландырылған зонаға унамсыз тәсир етиўи мүмкин болған ҳәр қандай жумыс қадаған етилетуғын аралық зона;

мәмлекетлик биосфера резерватларының тәбийғый объектлери
ҳәм комплекслерине зыян келтирмейтуғын хожалық мақсетиндеги ҳәм басқа да тәриздеги жумысты әмелге асырыў ушын мөлшерленген зона.

Мәмлекетлик биосфера резерватларының режими бундай резерватлар ҳаққындағы, Өзбекистан Республикасы Министрлер Кабинети тәрепинен тастыйықланатуғын режелер менен белгиленеди.

Айрықша экологиялық, илимий, мәдений ҳәм эстетикалық әҳмийетке ийе болған, өсимликлердиң сийрек ушырасатуғын ҳәм баҳалы, соның ишинде декоратив түрлерин сақлап қалыў, тәкирарлап көбейтиў ҳәм тәбиятты қорғаў, рекреация, илимий ҳәм мәдений мақсетлерде ақылға уғрас пайдаланыўға арналған қорғалатуғын тәбийғый аймақлар миллий бағлар болып табылады. Миллий бағлар жер участкаларында өсимлик дүньясын қайта тиклеў ҳәм тәкирарлап көбейтиў, соның ишинде комплексли агротехникалық илажлар өткериў жолы менен дүзилиўи мүмкин. Миллий бағ аймағында қоныс тапқан ҳайўанат дүньясы усы аймақтың экологиялық системасының қурамалы бөлеги болып табылады.

Миллий бағлар Өзбекистан Республикасы Министрлер Кабинетиниң қарары менен шөлкемлестириледи.

Миллий бағларды басқарыў Өзбекистан Республикасы Министрлер Кабинети тәрепинен шөлкемлестирилетуғын дирекция тәрепинен әмелге асырылады.

Миллий бағлар бундай бағлар ҳаққындағы, Өзбекистан Республикасы Министрлер Кабинети тәрепинен тастыйықланатуғын режелер тийкарында жумыс алып барады.

Жер участкалары нызам ҳүжжетлеринде белгиленетуғын тәртипте барлық тәбийғый ресурслары менен бирге хожалық пайдаланыўынан алып қойылады ҳәм миллий бағларға турақлы пайдаланыў ушын бериледи.

Миллий бағдың өсимлик ҳәм ҳайўанат дүньясы сақлап қалыныўын тәмийинлеў ушын оған тутас аймақларда миллий бағ ҳаққындағы режеге муўапық қорықланатуғын зоналар дүзилиўи мүмкин.

Миллий бағлар ҳаққындағы режеге муўапық, миллий бағлар аймағында олардан мақсетли пайдаланыўға қайшы болатуғын ҳәм өсимлик объектлериниң сақланыўы, көбейтилиўи ҳәм тиклениўине қәўип салыўшы ҳәр қандай жумыс қадаған етиледи.

Миллий бағлар аймақлары функционал зоналарға ажыратылыўы мүмкин.

Еки ҳәм оннан артық мәмлекет аймағында жайласқан қорғалатуғын тәбийғый аймақлар мәмлекетлер аралық қорғалатуғын тәбийғый аймақлар болып есапланады.

Мәмлекетлер аралық қорғалатуғын тәбийғый аймақлар Өзбекистан Республикасының халық аралық шәртнамалары тийкарында шөлкемлестирилиўи мүмкин.

Мәмлекетлер аралық қорғалатуғын тәбийғый аймақлар режими Өзбекистан Республикасының нызам актлерине ҳәм халық аралық шәртнамаларға муўапық белгиленеди.

Мәмлекетлик қорықханалар, комплексли (ландшафт) буйыртпа қорықханалар, буйыртпа қорықханалар ҳәм мәмлекетлик тәбият естеликлери, миллий бағлар менен шегаралас аймақлар қорықланатуғын зоналар болып табылады. Қорықланатуғын зоналарда усы қорғалатуғын тәбийғый аймақларға унамсыз тәсирдиң алдын алыў мақсетинде хожалық жумысы ҳәм басқа да жумыс шекленеди ямаса қадаған етиледи.

Қорықланатуғын зоналардың өлшемлери ҳәм режими, сондай-ақ, жер участкаларын сақлаў ўазыйпасы қорғалатуғын тәбийғый аймақларды шөлкемлестириў менен бир ўақытта белгиленеди.

Мәмлекетлик қорықхананың қорықланатуғын зонасының бир бөлеги экологиялық туризмди шөлкемлестириў, усы аймақ ушын тән болған сийрек ушырасатуғын ҳәм жоғалып кетиў қәўпи астында турған өсимликлер ҳәм ҳайўанатлардың түрлерин көбейтиў мақсетинде тәбийғый питомниклер жаратыў ушын ҳәмде қорықхананың басқа да мүтәжликлери ушын усы қорықхананың өзине тапсырылыўы мүмкин.

Мәмлекетлик қорықханалар, комплексли (ландшафт) буйыртпа қорықханалар, тәбият бағлары ҳәмде мәмлекетлик биосфера резерватлары төмендегилер есабынан қаржыландырылады:

Өзбекистан Республикасы мәмлекетлик бюджети қаржылары;

тәбиятты қорғаў фондлары қаржылары;

илимий-изертлеў, тәбиятты қорғаў, реклама-баспа ҳәм ағартыўшылық жумысынан алынған дәраматлар;

қорғалатуғын тәбийғый аймақларға келтирилген зыянның орнын қаплаўға қаратылған түсимлер;

қорғалатуғын тәбийғый аймақлардың режимин бузғанлығы ушын өндирилетуғын жәрийма пуллары;

конфискация етилген аңшылық қураллары ҳәм балықшылық әсбапларын реализация етиўден, нызамсыз рәўиште қолға киргизилген олжа өнимлерин сатыўдан түскен пуллар;

юридикалық ҳәм физикалық шахслардың қайырқомлық жәрдемлери;

нызам ҳүжжетлеринде қадаған етилмеген басқа да түсимлер.

Комплексли (ландшафт) буйыртпа қорықханалары, тәбият бағлары ҳәм мәмлекетлик биосфера резерватлары ықтиярына усы статьяның биринши бөлиминде көрсетилген қаржылардан тысқары, пуқаралардың қорғалатуғын тәбийғый аймақларға кирип шығыўы ҳәм тәбийғый ресурслардан пайдаланыў ушын рухсатнамалар бериўден, рекреация, туристлик-экскурсия бағдарындағы ҳәм нызам ҳүжжетлеринде жол қойылатуғын басқа да жумыстан келген дәраматлар да бериледи.

Миллий бағлар Өзбекистан Республикасы мәмлекетлик бюджети қаржылары, юридикалық ҳәм физикалық шахслардың қайырқомлық жәрдемлери ҳәмде нызам ҳүжжетлеринде қадаған етилмеген басқа да түсимлер есабынан қаржыландырылады.

Мәмлекетлик буйыртпа қорықханаларын, мәмлекетлик тәбият естеликлерин шөлкемлестириў, қорғаў ҳәм олардан пайдаланыў ушын қаржылар усы қорғалатуғын тәбийғый аймақлар қайсы жергиликли мәмлекетлик ҳәкимият уйымлары, мәмлекетлик уйымлар бийлигинде болса, усы мәмлекетлик ҳәкимият уйымлары, мәмлекетлик уйымлар тәрепинен ажыратылады.

Жеке буйыртпа қорықханалары ҳәм тәбийғый питомниклер қайсы юридикалық ҳәм физикалық шахслардың бийлигинде болса, усы юридикалық ҳәм физикалық шахслардың қаржылары есабынан қаржыландырылады.

Қорғалатуғын тәбийғый аймақларға келтирилген зыянның орнын қаплаўға қаратылған түсимлерден, қорғалатуғын тәбийғый аймақлардың режимин бузғанлығы ушын өндирилген жәрийма пулларынан, пуқаралардың қорғалатуғын тәбийғый аймақларға кирип шығыўы ҳәм тәбийғый ресурслардан пайдаланыў ушын рухсатнамалар бериўден түскен қаржылардан, рекреация, туристлик-экскурсия бағдарындағы ҳәм басқада жумыстан түскен дәраматлардан, юридикалық ҳәм физикалық шахслардың қайырқомлық жәрдемлеринен тәбийғый объектлер ҳәм комплекслерди сақлап қалыў, тәкирарлап көбейтиў ҳәм тиклеў ушын пайдаланылады.

Қорғалатуғын тәбийғый аймақларды шөлкемлестириў, қорғаў ҳәм олардан пайдаланыў саласындағы тартыслар нызамшылықта белгиленген тәртипте шешиледи.

Қорғалатуғын тәбийғый аймақлар ҳаққындағы нызамшылықты бузғанлықта айыплы шахслар белгиленген тәртипте жуўапкер болады».

9-статья. 1991-жылы 26-июньда қабыл етилген «Жәмийетлик бирлеспелер ҳаққында»ғы Қарақалпақстан Республикасы Нызамы 11-статьясының үшинши бөлиминдеги «еки айлық мүддет» деген сөзлер «бир айлық мүддет» деген сөзлер менен алмастырылсын.

10-статья. 2006-жыл 27-декабрьде жаңа редакцияда қабыл етилген «Өнимлерди ҳәм хызметлерди сертификатластырыў ҳаққында»ғы Қарақалпақстан Республикасының Нызамына төмендеги қосымша ҳәм өзгерислер киргизилсин:

1) алғы сөзинде «басқа объектлерди» деген сөзлерден кейин «соның ишинде ислеп шығарыў процесслерин, менеджмент системаларын, хызметкерлер сыпатында муўапықлықты баҳалаў саласында қатнасыўға талапкер қәнигелерди» деген сөзлер менен толықтырылсын;

2) 1-статьяның:

алтыншы абзацындағы «бир түрдеги» деген сөзлер алып таслансын;

жетинши – оныншы абзацлары төмендеги мазмундағы жетинши, сегизинши ҳәм тоғызыншы абзацлар менен алмастырылсын:

«сапа бойынша эксперт аудитор» нызамшылықта белгиленген тәртипте аттестациядан өткерилген, муўапықлықты баҳалаў саласындағы жумысларды алып барыў ушын тийисли маманлыққа ийе болған қәниге;

«сертификатластырыў бойынша инспекция уйымы» белгиленген тәртипте аккредитацияланған, сертификатластырылған өнимлер үстинен сертификатластырыў уйымларының тапсырмасына муўапық инспекциялық қадағалаўды әмелге асырыўшы юридикалық шахс;

«сертификатластырылған өнимлер үстинен инспекциялық қадағалаў» сертификатластырылған өнимниң сертификатластырыў пайтында белгиленген талапларға муўапықлығын тастыйықлаў мақсетинде әмелге асырылатуғын сертификатластырылған өнимди дәўирли қайта баҳалаў тәртиби»;

3) 5-статья:

екинши бөлимниң төртинши — алтыншы абзацлары төмендеги редакцияда баян етилсин:

«сертификатластырылған өнимлердиң, аттестациядан өткерилген сапа бойынша эксперт аудиторлардың мәмлекетлик реестрлерин жүргизеди;

мәжбүрий сертификатластырыў талапларына бойсынылыўы үстинен мәмлекетлик қадағалаўды әмелге асырады;

сертификатластырыў ҳаққындағы нызам ҳүжжетлери нормалары бузылғанлығы ушын муўапықлық сертификатларының ҳәм муўапықлық белгилериниң ҳәрекет етиўин тоқтатып турады ҳәм оларды бийкарлайды»;

үшинши бөлиминдеги «мәмлекетлик бюджет» деген сөзлер «Қарақалпақстан Республикасының Бюджети» деген сөзлер менен алмастырылсын;

төртинши бөлимниң биринши абзацындағы «Бир түрдеги» деген сөзлер алып таслансын;

бесинши бөлими алып таслансын;

алтыншы ҳәм жетинши бөлимлери тийислисинше бесинши ҳәм алтыншы бөлимлер деп есаплансын;

алтыншы бөлиминдеги «бир түрдеги» деген сөзлер алып таслансын;

4) 6-статьяның биринши ҳәм екинши бөлимлери төмендеги редакцияда баян етилсин:

«Өним, соның ишинде дәстүрий ҳәм басқада илимий техникалық өним сертификатластырыў объекти болып табылады.

Қарақалпақстан сынаў ҳәм сертификатластырыў орайы, аккредитацияланған сертификатластырыў уйымлары, сынаў лабораториялары (орайлары), сертификатластырыў бойынша инспекция уйымлары, сапа бойынша эксперт аудиторлар, муўапықлықты баҳалаў жумысында қатнасатуғын хызметкерлер, сондай-ақ, өнимлери сертификатластырылыўы тийис болған юридикалық ҳәм физикалық шахслар сертификатластырыў субъекти болып табылады»;

5) 7-статьяның:

екинши бөлиминдеги «аккредитацияланғанлығы ҳаққында гүўалықлардың» деген сөзлер алып таслансын;

бесинши бөлиминдеги «ҳәм сертификатластырыў уйымлары ҳәм сынаў лабораторияларының (орайларының) аккредитацияланғанлығы ҳаққындағы гүўалықларды» деген сөзлер алып таслансын;

6) 11-статьяның биринши бөлиминдеги «инспекциялық қадағалаў ҳәм сертификатланған өним үстинен бақлаўды» деген сөзлер «сертификатластырыў бойынша инспекциялық қадағалаўды» деген сөзлер менен алмастырылсын;

7) 15-статьяның жетинши абзацы төмендеги редакцияда баян етилсин:

«мәжбүрий сертификатластырыў талапларына бойсынылыўы үстинен мәмлекетлик қадағалаўды әмелге асырыў жумыслары мәмлекет тәрепинен қаржы менен тәмийинленеди»;

8) 16-статья төмендеги редакцияда баян етилсин:

Мәжбүрий сертификатластырыў талапларына таярлаўшылар (исбилерменлер, сатыўшылар, орынлаўшылар) тәрепинен бойсынылыўы үстинен мәмлекетлик қадағалаўды Қарақалпақстан сынаў
ҳәм сертификатластырыў орайы мәмлекетлик инспекторлары нызам ҳүжжетлеринде белгиленген тәртипте әмелге асырады»;

9) 16¹-статьяның тексти төмендеги редакцияда баян етилсин:

«Сертификатластырылған өним үстинен инспекциялық қадағалаў муўапықлық сертификатын берген сертификатластырыў уйымлары ямаса сертификатластырыў бойынша инспекция уйымлары тәрепинен әмелге асырылады».

11-статья. 2004-жыл 29-майда қабыл етилген «Мәмлекетлик емес коммерциялық емес шөлкемлер ҳаққында»ғы Қарақалпақстан Республикасының Нызамына төмендеги қосымша ҳәм өзгерислер киргизилсин:

1) 22-статьяның төртинши бөлиминдеги «нотариал тәртипте тастыйықланған» деген сөзлер алып таслансын;

2) 23-статьяның текстиндеги «еки ай мүддет» деген сөзлер «бир ай мүддет» деген сөзлер менен алмастырылсын.

12-статья. 2012-жыл 28-декабрьде жаңа редакцияда қабыл етилген «Исбилерменлик жумысы еркинлигиниң кепилликлери ҳаққында»ғы Қарақалпақстан Республикасының Нызамына төмендеги қосымша ҳәм өзгерислер киргизилсин:

1) 5-статья биринши бөлиминиң:

бесинши абзацы төмендеги мазмундағы бесинши ҳәм алтыншы абзацлар менен алмастырылсын:

«нызамшылықта нәзерде тутылған жеңил, азық-аўқат санаатындағы ҳәм қурылыс материаллары санаатындағы, бәнт болған хызметкерлердиң орташа жыллық саны көби менен еки жүз адам;

металлға ислеў бериў ҳәм әсбапсазлық, ағашсазлық, мебель санаатындағы, сондай-ақ нызам ҳүжжетлеринде нәзерде тутылған басқа да өндирислик-санаат салаларындағы, бәнт болған хызметкерлердиң орташа жыллық саны көби менен жүз адам»;

алтыншы ҳәм жетинши абзацлары тийислисинше жетинши ҳәм сегизинши абзацлар деп есаплансын;

2) төмендеги мазмундағы 18¹-статья менен толықтырылсын:

Исбилерменлик жумысын әмелге асырыў тәртибиниң қыйынласыўын ҳәм исбилерменлик жумысы субъектлерине жаңа миннетлер жүклениўин нәзерде тутатуғын, сондай-ақ исбилерменлик жумысы субъектлериниң жуўапкершилигине тийисли жаңа шараларды белгилейтуғын нызам ҳүжжетлери рәсмий жәрияланған күннен баслап кеминде үш айдан кейин күшке киреди.

Усы статьяның биринши бөлиминде нәзерде тутылған нызам ҳүжжетлеринде олардың (ямаса олардың бөлимлериниң) күшке кириў мүддети көрсетилиўи керек»;

3) 30-статья:

төмендеги мазмундағы екинши бөлим менен толықтырылсын:

«Министрликлер, комитетлер ҳәм мәкемелер, жергиликли мәмлекетлик ҳәкимият уйымлары тәрепинен қабыл етилген исбилерменлик жумысы субъектлери менен өз-ара қатнасықлар мәселелерин ретлестиретуғын, олардың рәсмий веб-сайтларында Интернет жәҳән мәлимлеме тармағы арқалы жәрияланбаған нормативлик-ҳуқықый ҳүжжетлер ҳәм басқа да ҳүжжетлердиң талапларын бузғанлығы ушын исбилерменлик жумысы субъектлерине жуўапкершилик шаралары қолланылмайды»;

екинши, үшинши ҳәм төртинши бөлимлери тийислисинше үшинши, төртинши ҳәм бесинши бөлимлер деп есаплансын.

13-статья. 2013-жыл 5-июльда жаңа редакцияда қабыл етилген «Норматив-ҳуқықый ҳүжжетлер ҳаққында»ғы Қарақалпақстан Республикасы Нызамының 24-статьясы төмендеги мазмундағы он екинши бөлим менен толықтырылсын:

«Нызамда нәзерде тутылған жағдайларда, норматив-ҳуқықый ҳүжжетте оның (ямаса оның бөлимлериниң) күшке кириў мүддети көрсетилиўи керек».

14-статья. 2008-жыл 12-ноябрьде жаңа редакцияда қабыл етилген «Автомобиль жоллары ҳаққында»ғы Қарақалпақстан Республикасы Нызамының 13-статьясының үшинши бөлими төмендеги редакцияда баян етилсин:

«Егер улыўма пайдаланыўдағы автомобиль жолы менен тутасқан яки кесискен автомобиль жолы қала қурыў нормалары ҳәм қағыйдалары бузылған ҳалда қурылған болса, арнаўлы ўәкилликли уйым ямаса оның тийисли аймақлық бөлими оны қайта қурыў ҳаққында ямаса аймақты дәслепки жағдайына келтириў ҳаққында шешим қабыл етиўге ҳақылы».

15-статья. 2008-жыл 29-январьда жаңа редакцияда қабыл етилген «Қарақалпақстан Республикасы Министрлер Кеңеси ҳаққында»ғы Қарақалпақстан Республикасы Нызамының 21-статьясының екинши бөлими төмендеги редакцияда баян етилсин:

«Министрлер Кеңесиниң аппаратына Ислер басқарыўшысы басшылық етеди».