Қарақалпақстан Республикасы Жоқарғы Кеңеси қарар етеди:

Қарақалпақстан Республикасы Жоқарғы Кеңеси тәрепинен қабыл етилген төмендеги нызамларға өзгерислер ҳәм қосымшалар киргизилсин:

I. 1998-жылы 29-январьда жаңа редакцияда қабыл етилген, 1999-жыл 28-август ҳәм 2005-жыл 29-августта өзгерислер ҳәм қосымшалар киргизилген «Орынлардағы мәмлекетлик ҳәкимият ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 1-статьясы 2-бөлиминдеги «район бағыныўындағы қала ҳәкими, сондай-ақ район ҳәкимине ҳәм тийисли халық депутатлары Кеңесине есап береди» деген сөзлер алып таслансын;

2) 2-статьясының 3-бөлими алып таслансын;

төртинши бөлими тийислисинше үшинши бөлим деп есаплансын.

II. 1996-жылы 14-декабрьде қабыл етилген, 2002-жыл 7-август ҳәм 2003-жыл 12-ноябрьде өзгерислер ҳәм қосымшалар киргизилген «Тутыныўшылардың ҳуқықларын қорғаў ҳаққында»ғы Қарақалпақстан Республикасы Нызамына төмендеги өзгерислер киргизилсин:

1) 23-статьясы 3-бөлиминиң 1-бәнтиндеги «Қарақалпақстан Республикасы Монополияны сапластырыў ҳәм бәсекишиликти раўажландырыў бойынша мәмлекетлик комитети» деген сөзлер «Қарақалпақстан Республикасы Монополиядан шығарыў, бәсекилик исбилерменликти қоллап-қуўатлаў комитети» деген сөзлер менен алмастырылсын;

2) 25-статьяның атамасы «Қарақалпақстан Республикасы Монополиядан шығарыў, бәсекилик исбилерменликти қоллап-қуўатлаў комитети ҳәм оның жергиликли уйымларының ўәкилликлери» деп өзгертирилсин;

1-бөлиминдеги «Қарақалпақстан Республикасы Монополияны сапластырыў ҳәм бәсекишиликти раўажландырыў бойынша мәмлекетлик комитети» деген сөзлер «Қарақалпақстан Республикасы Монополиядан шығарыў, бәсекилик исбилерменликти қоллап-қуўатлаў комитети» деген сөзлер менен алмастырылсын;

3) 27-статьясының 2-бөлиминдеги «Қарақалпақстан Республикасы Монополияны сапластырыў ҳәм бәсекишиликти раўажландырыў бойынша мәмлекетлик комитети» деген сөзлер «Қарақалпақстан Республикасы Монополиядан шығарыў, бәсекилик исбилерменликти қоллап-қуўатлаў комитети» деген сөзлер менен алмастырылсын;

3-бөлиминдеги ««Өзмәмлекетстандарт»тың» деген сөзлер ««Өзстандарт» агентлигиниң» деген сөзлер менен алмастырылсын.