Ўзбекистон Республикаси Президентининг «Хусусий тадбиркорликда ташаббус кўрсатиш ва уни рағбатлантириш тўғрисида» 1995 йил 5 январдаги Фармони билан Адлия вазирлиги зиммасига тадбиркорлар ва хусусий мулк эгаларининг ҳуқуқларига риоя этиш юзасидан қабул қилинган қонунлар ва фармонларнинг сўзсиз бажарилишини назорат қилиш вазифаси юклатилганлиги муносабати билан Вазирлар Маҳкамаси қарор қилади:

1. Ўзбекистон Республикаси Адлия вазирлигининг Иқтисодий ислоҳот бўйича қонунчилик ва норматив ҳужжатлар лойиҳаларини тайёрлаш ва ҳуқуқий экспертиза қилиш бошқармаси таркибида Тадбиркорлар ва хусусий мулк эгалари ҳуқуқларига риоя этиш бўйича қонунчиликнинг бажарилишини назорат қилиш бўлими ташкил этилсин.

2. Ўзбекистон Республикаси Молия вазирлиги Ўзбекистон Республикаси Адлия вазирлиги Марказий аппарати тузилмасида ташкил этилаётган бўлимнинг 3 та штат бирлиги (бўлим бошлиғи ва 2 нафар бош консультантлар) учун зарур маблағлар ажратсин.

3. Вазирлар Маҳкамасининг 1992 йил 12 ноябрдаги 523-сон қарори (Ўзбекистон Республикаси ҚТ 1992 й., 11-сон, 32-модда) билан тасдиқланган Ўзбекистон Республикаси Адлия вазирлиги ҳақидаги Низомга қуйидаги ўзгартиришлар киритилсин:

а) 6-банднинг «б» кичик банди қуйидаги мазмундаги иккинчи хатбоши билан тўлдирилсин:

«тадбиркорлар ва хусусий мулк эгаларининг ҳуқуқларига риоя этиш бўйича Ўзбекистон Республикаси қонунчилигининг сўзсиз бажарилишини назорат қилиш»;

б) 7-банд қуйидаги мазмундаги «е» кичик банд билан тўлдирилсин:

«тадбиркорлар ва хусусий мулк эгаларининг ҳуқуқларига риоя этиш бўйича Ўзбекистон Республикаси амалдаги қонунчилигининг сўзсиз бажарилиши устидан назоратни амалга оширади;

Ўзбекистон Республикаси қонунчилигининг бажарилишини таъминлаш ва бузилишининг олдини олишга доир шошилинч чора-тадбирлар кўради»;

7-банднинг «е» — «ц» кичик бандлари тегишли равишда «ж» — «ч» кичик бандлари деб ҳисоблансин;

в) 8-банд қуйидаги мазмундаги «е» кичик банд билан тўлдирилсин:

«тадбиркорлар ва хусусий мулк эгалари ҳуқуқларига риоя этиш бўйича Ўзбекистон Республикаси қонунчилигининг барча вазирликлар, давлат қўмиталари, идоралар, ижро этувчи хокимият маҳаллий органлари, мулкчиликнинг барча шаклларидаги муассасалар, корхоналар ва ташкилотлар, мансабдор шахслар ҳамда фуқаролар томонидан сўзсиз бажарилишини текшириш. Улардан тегишли ҳужжатлар ва маълумотларни тақдим этишни талаб қилиш, кўрсатиб ўтилган органлар ва корхоналарнинг раҳбарларига аниқланган қонунчилик бузилишларини, қонун бузилишларининг сабабларини ва уларга йўл очиб берадиган шарт-шароитларни бартараф этиш тўғрисида ўн беш кун муддатда бажарилиши мажбурий бўлган тақдимномалар киритиш, тадбиркорлар ва хусусий мулк эгалари ҳуқуқларига риоя этиш бўйича Ўзбекистон Республикасининг амалдаги қонунчилигини бузаётган шахсларни белгиланган жавобгарликка тортиш учун юқори ёки суд органларига мурожаат қилиш»;

«е» — «з» кичик бандлари тегишли равишда «ж» — «и» кичик бандлари деб ҳисоблансин.