Ўзбекистон Республикаси ва Россия Федерацияси ўртасида дўстлик, стратегик шериклик ва иттифоқчилик муносабатларини янада мустаҳкамлаш, сиёсий, савдо-иқтисодий, инвестициявий, молиявий, ҳарбий-техникавий ва маданий-гуманитар соҳаларда эришилган келишувлар ва имзоланган битимларни ўз вақтида ва тўлиқ ҳажмда амалга ошириш, ҳудудлараро муносабатлар ва хориждаги ватандошлар билан алоқаларни ривожлантиришга ҳар томонлама кўмаклашиш, Россия Федерациясида Ўзбекистон Республикаси фуқароларига самарали консуллик-ҳуқуқий ёрдам кўрсатиш мақсадида:

2. Ўзбекистон Республикаси Ташқи ишлар вазирлиги мазкур хорижий муассасанинг ташкилий-штат тузилмаси янгиланишини ҳисобга олган ҳолда Ўзбекистон Республикасининг Россия Федерациясидаги Элчихонасининг 2018 йил учун тасдиқланган харажатлар сметасига ўзгартиришлар киритсин.

3. Ўзбекистон Республикаси Молия вазирлиги Ўзбекистон Республикасининг Россия Федерациясидаги Элчихонаси харажатларини штат жадвалидаги ўзгаришларни инобатга олган ҳолда 2018 йилга мўлжалланган бюджетда хориждаги муассасаларни молиялаштириш бўйича тасдиқланган миқдорлар доирасида молиялаштирсин.

4. Ўзбекистон Республикаси Ташқи ишлар вазирлиги Ўзбекистон Республикасининг Россия Федерациясидаги Элчихонасининг 2019 йилга мўлжалланган харажатлар сметасини Элчихона тузилмасига киритилаётган ўзгартиришларни инобатга олган ҳолда тасдиқласин.

5. Ўзбекистон Республикаси Президентининг «Ўзбекистон Республикасининг хорижий давлатлардаги дипломатик ваколатхоналари штатлар жадвалларига ўзгартиришлар киритиш тўғрисида» 2007 йил 29 декабрдаги ПҚ-765-сон қарорининг 4-иловаси ўз кучини йўқотган деб ҳисоблансин.

6. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик Кенгаши котиби В.В. Махмудов ва Ўзбекистон Республикаси ташқи ишлар вазири А.Х. Камилов зиммасига юклансин.