LexUZ шарҳи
Мазкур қарор Ўзбекистон Республикаси Вазирлар Маҳкамасининг 2019 йил 21 августдаги 705-сонли «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида»ги қарорига асосан ўз кучини йўқотган.
Қимматли қоғозлар бозорини фаоллаштириш, пул муомаласини мустаҳкамлаш, хўжалик юритувчи субъектлар ва аҳолининг банд бўлмаган пул маблағларидан самарали фойдаланиш мақсадида Вазирлар Маҳкамаси қарор қилади:
1. Ўзбекистон Республикаси Молия вазирлигига 1996 йилда жорий йилнинг апрель ойидан бошлаб 4 млрд. сўм миқдорида Ўзбекистон Республикасининг қисқа муддатли давлат облигацияларини чиқаришга рухсат этилсин.
қисқа муддатли давлат облигацияларининг ликвидлиги Ўзбекистон Республикаси Ҳукумати ихтиёрида бўлган барча активлар билан таъминланади;
Ўзбекистон Республикаси Молия вазирлиги облигацияларнинг эмитенти ҳисобланади. Облигацияларни навбатдаги чиқариш тўғрисидаги қарор Ўзбекистон Республикасининг Марказий банки билан биргаликда Молия вазирлиги томонидан қабул қилинади, улар облигация чиқаришнинг чекланган ҳажмини, тарқатиш санасини ва потенциал эгалик қилувчилар учун чеклашларни белгилайдилар;
1996 йилда қисқа муддатли давлат облигациялари эмиссияси уч ой муддатга ҳар ойда чиқариш шаклида амалга оширилади;
чиқарилган облигацияларни тарқатиш ва уларнинг пулини қайтариш Ўзбекистон Республика валюта бозори орқали Ўзбекистон Республикаси Молия вазирлиги номидан ва унинг маблағлари ҳисобига Ўзбекистон Республикаси Марказий банки томонидан амалга оширилади;
Ўзбекистон Республикаси Молия вазирлиги ва Марказий банки томонидан белгиланадиган тартибда юридик шахслар облигация эгалари бўлишлари мумкин;
облигация эгалари учун қисқа муддатли давлат облигацияларининг даромадлилиги улар томонидан облигацияларни сотиб олиш нархи билан облигациялар пули қайтариладиган номинал нарх ўртасидаги фарқ ҳисобига таъминланади;
3. Ўзбекистон Республикаси Молия вазирлиги Марказий банк билан биргаликда қисқа муддатли давлат облигацияларини чиқаришнинг асосий шартларини ва тегишли норматив-методик ҳужжатларни бир ҳафта муддатда тасдиқласин.
4. Адлия вазирлиги бир ҳафта муддатда Вазирлар Маҳкамасига мазкур қарордан келиб чиқадиган ўзгаришларни амалдаги қонунчиликка киритиш юзасидан таклифлар киритсин.