595-сон 30.07.2018. Оилавий нодавлат мактабгача таълим ташкилотлари ҳамда Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомларни тасдиқлаш ҳақида

Ўзбекистон Республикаси Вазирлар Маҳкамасининг қарори, 30.07.2018 йилдаги 595-сон

Кучга кириш санаси

01.08.2018

Рус

Ўзб

O’zb

Ўзб|Рус

Ҳужжат 21.05.2021 санаси ҳолатига

Жорий версия

Ўзбекистон Республикаси Вазирлар Маҳкамасининг

қарори

Оилавий нодавлат мактабгача таълим ташкилотлари ҳамда Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомларни тасдиқлаш ҳақида

Ўзбекистон Республикаси Президентининг «Мактабгача таълим тизимини янада рағбатлантириш ва ривожлантириш чора-тадбирлари тўғрисида» 2018 йил 5 апрелдаги ПҚ-3651-сон қарорининг ижросини таъминлаш мақсадида Вазирлар Маҳкамаси қарор қилади:

1. Маълумот учун қабул қилинсинки, Ўзбекистон Республикаси Президентининг 2018 йил 5 апрелдаги ПҚ-3651-сон қарори билан тасдиқланган Мактабгача таълим соҳасида давлат-хусусий шериклик тўғрисидаги низомга мувофиқ:

давлат-хусусий шерикчиликнинг оилавий нодавлат мактабгача таълим муассасаларини моддий-техник ва услубий жиҳатдан таъминлаш шакли асосида ташкил этилган оилавий нодавлат мактабгача таълим муассасалари фаолияти учун лицензия олиш талаб этилмайди;

25 нафаргача болани тарбиялашни назарда тутувчи оилавий нодавлат мактабгача таълим муассасаларини моддий-техник ва методик жиҳатдан таъминлаш шаклидаги давлат-хусусий шериклик лойиҳаси хусусий шерикнинг ташаббуси билан, танлов ўтказилмай ва тақдим этилган ҳужжатларни ўрганиш асосида, улар билан тўғридан-тўғри музокаралар ўтказиш орқали амалга оширилади;

давлат-хусусий шерикчилик тўғрисида битим туман (шаҳар) ҳокимлиги томонидан таклиф этиладиган рухсат хусусий шерик томонидан қабул қилинган кундан бошлаб қонун ҳужжатларида белгиланган тартибда кучга киради.

2. Қуйидагилар:

Оилавий нодавлат мактабгача таълим ташкилотлари тўғрисида низом 1-иловага мувофиқ;

Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низом 2-иловага мувофиқ тасдиқлансин.

50 нафаргача болани тарбиялашни назарда тутувчи оилавий нодавлат мактабгача таълим муассасаларини моддий-техник ва методик жиҳатдан таъминлаш шаклидаги давлат-хусусий шериклик лойиҳаси хусусий шерикнинг ташаббуси билан, танлов ўтказилмай ва тақдим этилган ҳужжатларни ўрганиш асосида, улар билан тўғридан-тўғри музокаралар ўтказиш орқали амалга оширилади;

2. Оилавий нодавлат мактабгача таълим ташкилотлари тўғрисида низом 1-иловага мувофиқ тасдиқлансин.

3. Вазирлар Маҳкамасининг 2011 йил 7 январдаги 6-сон қарори (Ўзбекистон Республикаси ҚТ, 2011 й., 1-сон, 3-модда) билан тасдиқланган Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатига 3-иловага мувофиқ қўшимча киритилсин.

4. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.А. Абдуҳакимов ва Ўзбекистон Республикаси мактабгача таълим вазири А.В. Шин зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2018 йил 30 июль,

595-сон

Вазирлар Маҳкамасининг 2018 йил 30 июлдаги 595-сон қарорига
1-ИЛОВА

Оилавий нодавлат мактабгача таълим ташкилотлари тўғрисида

НИЗОМ

1-боб. Умумий қоидалар

1. Мазкур Низом оилавий нодавлат мактабгача таълим ташкилотларининг мақсади ва вазифаларини, уларнинг фаолиятини ташкил этиш, моддий-техник ва услубий жиҳатдан таъминлаш, молиялаштириш, уларни бошқариш тартибини белгилайди.

2. Оилавий нодавлат мактабгача таълим муассасалари ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, Ўзбекистон Республикаси Мактабгача таълим вазирлиги имзолаган давлат-хусусий шериклик тўғрисида битимга, бошқа қонун ҳужжатларига, шунингдек, ушбу Низомга амал қилади.

3. Оилавий нодавлат мактабгача таълим ташкилоти фақат давлат-хусусий шерикликнинг оилавий нодавлат мактабгача таълим ташкилотларини моддий-техник ва методик жиҳатдан таъминлаш шакли асосида ташкил этилади.

4. Оилавий нодавлат мактабгача таълим ташкилоти якка тартибдаги тадбиркор шаклида фаолият юритади ва банк ҳисоб рақамига, ўз номи кўрсатилган муҳрга эга бўлади.

2-боб. Оилавий нодавлат мактабгача таълим ташкилотларининг мақсади ва вазифалари

5. Қуйидагилар оилавий нодавлат мактабгача таълим ташкилотларининг мақсади ҳисобланади:

6. Қуйидагилар оилавий нодавлат мактабгача таълим ташкилотларининг вазифалари ҳисобланади:

таълим-тарбия жараёнига замонавий таълим дастурлари ва технологияларини жорий этиш;

болаларнинг ҳаётини муҳофаза қилиш ва соғлиғини мустаҳкамлаш;

бола шахсини соғлом ва етук, мактабда ўқишга тайёрланган тарзда шакллантириш;

болаларнинг интеллектуал, ахлоқий, эстетик ва жисмоний ривожланишини таъминлаш;

болаларда халқимизнинг юксак маънавияти ва инсонпарварлик анъаналарига садоқат туйғуларини шакллантириш.

7. Оилавий нодавлат мактабгача таълим ташкилотлари:

ота-оналар билан келишув бўйича қўшимча хизматлар кўрсатиш (шу жумладан ўқитувчилар, мураббийлар, тиббиёт ходимларини таклиф қилиш);

тарбияланувчилар сонидан келиб чиқиб 4 нафаргача тарбиячи ва ёрдамчиларни ёллаш;

давлат мактабгача таълим ташкилотлари учун белгиланган тартибда ташкилотнинг раҳбари ва ходимларининг малакасини ошириш;

хизматлар кўрсатишдан тушган маблағлар ҳисобига тарбиячи ва унинг ёрдамчиси ишини қўшимча равишда рағбатлантириш;

фойда олиш ҳуқуқига эга.

3-боб. Оилавий нодавлат мактабгача таълим ташкилотлари фаолиятини ташкил этиш

8. Оилавий нодавлат мактабгача таълим ташкилотлари туман (шаҳар) ҳокимликлари томонидан бериладиган белгиланган шаклдаги рухсатномани қабул қилиб олган вақтдан бошлаб таълим фаолиятини амалга ошириш ҳуқуқига эга бўлади.

8. Оилавий нодавлат мактабгача таълим ташкилотлари таълим фаолиятини ўзига тегишли уйда (турар жой), битим муддати давомида амал қилиш шарти билан нотариал тасдиқланган ишончнома ёки давлат органларидан рўйхатдан ўтган ижара шартномаси асосида ёхуд қонунчиликда белгиланган бошқа асосларга кўра фойдаланиш мумкин бўлган турар ва нотурар жойларда амалга ошириш ҳуқуқига эга.

Оилавий нодавлат мактабгача таълим ташкилотлари фаолиятини амалга ошириш учун лицензия талаб этилмайди.

9. Оилавий нодавлат мактабгача таълим ташкилотининг муассислари якка тартибдаги тадбиркор бўлади.

10. Оилавий нодавлат мактабгача таълим ташкилотларига кириш жойида фуқароларни оилавий нодавлат мактабгача таълим ташкилоти ҳақида маълумотлардан хабардор қилиш мақсадида ахборот пешлавҳаси ўрнатилади.

Унда туман (шаҳар) ҳокимликлари томонидан берилган белгиланган шаклдаги рухсатнома нусхаси, давлат-хусусий шериклик тўғрисидаги битим нусхаси, педагог ва тиббиёт ходимларининг дипломлари нусхалари, Оилавий нодавлат мактабгача таълим ташкилотларининг иш тартиби ва бошқа ҳужжатларнинг нусхалари жойлаштирилади.

11. Оилавий нодавлат мактабгача таълим ташкилотида 3 ёшдан 7 ёшгача бўлган 7 — 12 нафар болаларга тарбия берилишига йўл қўйилади.

12. Оилавий нодавлат мактабгача таълим ташкилоти ташкил этилиши режалаштирилаётган уйда болаларнинг соғлом ўсиши ва тарбия олишлари учун зарур шарт-шароитлар бўлиши, бино ва иншоотлар ёнғин хавфсизлиги ҳамда санитария-эпидемиология назоратининг санитария қоидалари, нормалари ва гигиена нормативларига мос бўлиши лозим.

13. Оилавий нодавлат мактабгача таълим ташкилоти шаклидаги давлат-хусусий шериклик лойиҳасини амалга ошириш учун хусусий шерик (якка тартибдаги тадбиркор шаклида) давлат шеригига ариза билан мурожаат қилади.

Аризага якка тартибдаги тадбиркор давлат рўйхатидан ўтказилганлиги тўғрисидаги гувоҳнома илова қилинади.

Хусусий шерикнинг лойиҳани амалга ошириш тўғрисидаги аризаси давлат шериги томонидан ариза тушган кундан бошлаб 15 кун ичида кўриб чиқилади.

Лойиҳани амалга ошириш мақсадга мувофиқлиги тўғрисида қарор қабул қилинган тақдирда, давлат шериги ва хусусий шерик ўртасида етти кун ичида битим тузилади.

Давлат-хусусий шериклик тўғрисида тузилган битимларнинг ягона реестри Мактабгача таълим вазирлиги томонидан юритилади.

Унда туман (шаҳар) мактабгача таълим бўлимларига Ягона интерактив давлат хизматлари порталидан фойдаланган ҳолда берилган хабарнома ва унинг қабул қилинганлиги тўғрисида тасдиқнома нусхалари давлат-хусусий шериклик тўғрисидаги битим нусхаси, педагог ва тиббиёт ходимларининг дипломлари нусхалари, Оилавий нодавлат мактабгача таълим ташкилотларининг иш тартиби ва бошқа ҳужжатларнинг нусхалари жойлаштирилади.

11. Оилавий нодавлат мактабгача таълим ташкилотида 3 ёшдан 7 ёшгача бўлган 7 — 50 нафар болаларга тарбия берилишига йўл қўйилади.

12. Оилавий нодавлат мактабгача таълим ташкилоти ташкил этилиши режалаштирилаётган уйда болаларнинг соғлом ўсиши ва тарбия олишлари учун зарур шарт-шароитлар бўлиши, бино ва иншоотлар ёнғин хавфсизлиги ҳамда санитария-эпидемиология хизматининг санитария қоидалари, нормалари ва гигиена нормативларига мос бўлиши лозим.

Оилавий нодавлат мактабгача таълим ташкилоти туман (шаҳар) мактабгача таълим бўлимларига Ягона интерактив давлат хизматлари порталидан фойдаланган ҳолда берилган хабарномани қабул қилинганлиги ҳақида тасдиқномани олган кундан бошлаб таълим фаолиятини амалга ошириш ҳуқуқига эга бўлади. Бунда, оилавий нодавлат мактабгача таълим ташкилоти хабарномага қуйидаги ҳужжатлар нусхасини илова қилади:

давлат-хусусий шериклик битими;

ёнғин назорати органларининг мавжуд бинолар ва хоналарнинг ёнғин хавфсизлиги талабларига мослиги ҳақидаги хулосаси;

санитария-эпидемиология назоратининг мавжуд бинолар ва хоналарнинг гигиена қоидалари, нормалари ва нормативларига мослиги ҳақидаги хулосаси;

соғлиқни сақлаш органлари билан тузилган шартнома.

Қуйидаги ҳужжатлар давлат шериги томонидан тегишли давлат органлари ва ташкилотлардан мустақил равишда, шу жумладан «Электрон ҳукумат» тизими идоралараро интеграциялашув платформаси орқали сўраб олинади:

гувоҳнома нусхаси;

оилавий нодавлат мактабгача таълим ташкилотида тарбиявий-таълим фаолиятини олиб бораётган педагогика ходими олий ёки ўрта махсус педагогик маълумотига эга эканлигини тасдиқловчи ҳужжат.

14. Оилавий нодавлат мактабгача таълим ташкилотида таълим мазмуни мактабгача таълимга қўйиладиган давлат талабларига асосан ишлаб чиқилиб, Ўзбекистон Республикаси Мактабгача таълим вазирлиги томонидан тасдиқланган ёки тавсия қилинган дастурлар билан белгиланади.

Оилавий нодавлат мактабгача таълим ташкилоти ўз (муаллифлик) дастурларидан фойдаланишга ҳақлидир. Ушбу дастурларни тасдиқлаш тартиби Ўзбекистон Республикаси Мактабгача таълими вазирлиги томонидан белгиланади.

Оилавий нодавлат мактабгача таълим ташкилотларининг ўз (муаллифлик) дастурларида миллий, этник ва диний адоватни тарғиб этишга қаратилган бузғунчилик ғояларини акс эттирилишига йўл қўйилмайди.

15. Оилавий нодавлат мактабгача таълим ташкилотининг иш тартиби ва болаларнинг ташкилотда бўлиш вақти ота-оналарнинг истак ва талабларидан келиб чиқиб муассис томонидан белгиланади.

9 соатли;

4 соатли.

Оилавий нодавлат мактабгача таълим ташкилоти жойлашган ҳудудда яшайдиган аҳоли талабларидан келиб чиқиб, нодавлат мактабгача таълим ташкилотида 6 кунлик иш ҳафтаси ҳам жорий этилиши мумкин.

16. Оилавий нодавлат мактабгача таълим ташкилотида болаларнинг овқатланиши Ўзбекистон Республикаси Соғлиқни сақлаш вазирлиги томонидан тасдиқланган санитария қоидалари, нормалари ва гигиена нормативлари асосида амалга оширилади.

17. Оилавий нодавлат мактабгача таълим ташкилоти тарбияланувчиларига тиббий ёрдам кўрсатиш соғлиқни сақлаш органларининг шартнома асосида махсус бириктирилган тиббиёт ходимлари томонидан амалга оширилади.

Тиббиёт ходимлари оилавий нодавлат мактабгача таълим ташкилоти ходимлари билан биргаликда болаларнинг ҳаёти, соғлиғи ва жисмоний ривожланиши, даволаш-профилактика тадбирлари ўтказилиши, санитария қоидалари, нормалари ва гигиена нормативларига, овқатланиш режими ва сифатига риоя қилиниши учун жавоб берадилар. Оилавий нодавлат мактабгача таълим ташкилоти ходимларини тиббий кўрикдан ўтказиш шартнома асосида амалга оширилади.

4-боб. Оилавий нодавлат мактабгача таълим ташкилотига болаларни қабул қилиш

18. Оилавий нодавлат мактабгача таълим ташкилотига болаларни қабул қилиш жинси, ирқи, миллати, тили, дини, ижтимоий келиб чиқиши, эътиқоди, шахсий ва ижтимоий мавқеидан қатъи назар, тегишли тиббий хулоса асосида амалга оширилади.

Оилавий нодавлат мактабгача таълим ташкилотига болаларни қабул қилиш ва муассасадан чиқариш тартиби оилавий нодавлат мактабгача таълим ташкилотининг қарори билан амалга оширилади.

Оилавий нодавлат мактабгача таълим ташкилотидаги болалар сони 7 нафардан кам бўлмаслиги ва 25 нафардан ошмаслиги лозим.

Оилавий нодавлат мактабгача таълим ташкилотидаги болалар сони 7 нафардан кам бўлмаслиги ва 50 нафардан ошмаслиги лозим.

19. Оилавий нодавлат мактабгача таълим ташкилотида ўқув йили жорий йилнинг 2 сентябридан бошланади ва кейинги йилнинг 1 июнига қадар давом этади. 1 июндан 1 сентябргача бўлган давр ташкилотда соғломлаштириш даври ҳисобланади.

5-боб. Таълим-тарбия жараёни қатнашчилари

20. Оилавий нодавлат мактабгача таълим ташкилотида болалар, ота-оналар ёки уларнинг ўрнини босувчи шахслар (кейинги ўринларда ота-оналар деб аталади), педагог ходимлар таълим-тарбия жараёнининг қатнашчилари ҳисобланади.

21. Оилавий нодавлат мактабгача таълим ташкилоти болаларни қабул қилишда ота-оналарни ўз устави, кун тартиби, таълим-тарбия дастурлари ва бошқа ҳужжатлар билан таништириши шарт.

22. Оилавий нодавлат мактабгача таълим ташкилоти билан ота-оналар ўртасидаги ўзаро муносабатлар ушбу ташкилотнинг устави ҳамда шартнома билан тартибга солинади. Ота-оналар билан тузилган шартнома болаларнинг ушбу ташкилотда бўлиш вақтини, таълим-тарбия жараёнини ташкил этишда томонларнинг ҳуқуқлари, мажбуриятлари ҳамда жавобгарлигини ўз ичига олади.

23. Оилавий нодавлат мактабгача таълим ташкилоти Ўзбекистон Республикаси Мактабгача таълим вазирлиги билан тузилган битимга асосан тарбияланувчилар умумий сонининг 70 фоизи миқдорида ижтимоий кўмакка муҳтож оилаларнинг ва махсус контингент фарзандларини ўқитиш, улар учун камида 3 йил давомида ота-оналар тўловининг имтиёзли ҳажмларини (шу жойдаги давлат мактабгача таълим муассасалари учун белгиланган ҳажмлардан ошмайдиган миқдорларда) белгилайди.

Бунда ижтимоий кўмакка муҳтож оилалар — кам таъминланган оилалар, аъзолари ногиронлиги бўлган шахслардан иборат бўлган оилалар, боқувчисини йўқотган оилалар, боланинг ота-онаси квоталар бўйича минтақаларга тақсимланган ижтимоий соҳа ходимлари бўлган оилалар, тўрт нафар ёки ундан кўп болалари бўлган оилалар.

Махсус контингент — ҳарбий хизматчиларнинг ва ҳуқуқни муҳофаза қилувчи органлар ходимларининг болалари, мактабгача таълим тизими ходимлари ва давлат умумтаълим мактаблари педагог ходимларининг болалари»;

23. Оилавий нодавлат мактабгача таълим ташкилоти Ўзбекистон Республикаси Мактабгача таълим вазирлиги билан тузилган битимга асосан тарбияланувчилар умумий сонининг 70 фоизи миқдорида ижтимоий кўмакка муҳтож оилаларнинг фарзандларини ва махсус контингентларни ўқитиш, улар учун камида 3 йил давомида ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган ҳажмлардан ошмайдиган миқдорларда) белгилайди. Бунда, боқувчисини йўқотган аёллар фарзандларини ўқитиш бепул амалга оширилади.

24. Ота-оналар қуйидаги ҳуқуқларга эга:

ўз болалари учун таълим-тарбия шаклларини, оилавий нодавлат мактабгача таълим ташкилотида таълим бериш тилини танлаш;

оилавий нодавлат мактабгача таълим ташкилотида болаларга таълим-тарбия бериш учун зарур шарт-шароитлар яратилишини ҳамда боланинг шахсига нисбатан ҳурмат билан муносабатда бўлишни талаб қилиш;

оилавий нодавлат мактабгача таълим ташкилоти билан тузилган шартнома шартларида белгиланган тартибда кун давомида ўзига қулай бўлган вақтда болаларни мактабгача таълим ташкилотидан олиб кетиш;

ота-оналар қонун ҳужжатларига ва шартномага мувофиқ бошқа ҳуқуқларга ҳам эга бўлишлари мумкин.

25. Қуйидагилар ота-оналарнинг мажбуриятлари ҳисобланади:

оилавий нодавлат таълим ташкилоти билан тузилган шартномага мувофиқ ота-оналар бадалини ўз вақтида тўлаш;

оилавий нодавлат таълим ташкилотида болага берилган таълим-тарбияни мустаҳкамлаш учун зарур шарт-шароитлар яратиш.

Ота-оналар қонун ҳужжатларига ва шартномага мувофиқ бошқа мажбуриятлар ҳам олишлари мумкин.

26. Оилавий нодавлат мактабгача таълим ташкилоти тарбияланувчиси ва ходимлари ўртасидаги муносабатлар ўзаро ҳамкорлик, боланинг шахсини ҳурмат қилиш ва унга шахсий хусусиятларига мувофиқ ривожланиши учун эркинлик бериш асосида олиб борилади.

27. Оилавий нодавлат мактабгача таълим ташкилотида тегишли олий ёки ўрта махсус педагогик маълумотли шахслар педагогик фаолият билан шуғулланиш ҳуқуқига эга.

Олий ёки ўрта махсус педагогик маълумотга эга бўлмаган (тегишли ҳудудларда олий ёки ўрта махсус педагогик маълумотли талабгорлар мавжуд бўлмаган ҳолатларда) Ўзбекистон Республикаси Мактабгача таълим вазирлиги томонидан оилавий нодавлат мактабгача таълим йўналиши бўйича қайта тайёрловдан ўтказилган шахслар ҳам педагогик фаолият билан шуғулланиш ҳуқуқига эга.

Суд томонидан ёки тиббий хулосага мувофиқ бундай фаолият билан шуғулланиши тақиқланган шахсларнинг педагогик фаолият билан шуғулланишига йўл қўйилмайди.

28. Оилавий нодавлат мактабгача таълим ташкилотининг педагоглари ва бошқа ходимлари билан меҳнат шартномалари тузиш ва уларни бекор қилиш қонун ҳужжатларига мувофиқ амалга оширилади.

29. Оилавий нодавлат мактабгача таълим ташкилоти раҳбари белгиланган тартибда педагог кадрлар шаъни ва қадр-қимматини ҳимоя қилади, илғор педагогик ва ахборот технологиялари, муаллифлик дастурлари, методик қўлланмалар ва дидактик материаллар жорий этилиши учун шарт-шароитлар яратади.

30. Оилавий нодавлат мактабгача таълим ташкилоти ходимларининг ҳуқуқ ва имтиёзлари қонун ҳужжатларида, ушбу ташкилотнинг уставида, шунингдек, меҳнат шартномасида белгиланади.

31. Оилавий нодавлат мактабгача таълим ташкилотининг педагог ходимлари қуйидаги ҳуқуқларга эга:

Оилавий нодавлат мактабгача таълим ташкилотини бошқаришда ушбу ташкилот уставида белгиланган тартибда қатнашиш;

ўз касбий шаъни ва қадр-қимматини ҳимоя қилиш;

қонун ҳужжатларига мувофиқ бошқа ҳуқуқларга ҳам эга бўлишлари мумкин.

32. Оилавий нодавлат мактабгача таълим ташкилотининг педагог ходимлари қуйидагиларга мажбур:

таълим-тарбия жараёнига замонавий таълим дастурларини татбиқ этиш;

илғор хорижий тажрибани ҳисобга олган ҳолда болаларни ҳар томонлама интеллектуал, ахлоқий, эстетик ва жисмоний ривожлантириш бўйича ўзига юкланган вазифалар доирасида шарт-шароитлар яратиш;

болаларга юқори профессионал даражада таълим-тарбия бериш орқали мактабгача таълим сифатини ошириш;

педагог ахлоқ-одобига риоя қилиш, боланинг қадр-қимматини ҳурмат қилиш, болаларни тазйиқдан ҳимоя қилиш, уларни меҳнатга, ота-онага ҳурмат, атроф-муҳитга эҳтиёткорлик билан муносабатда бўлиш руҳида тарбиялаш;

ўзининг касбий кўникмаларини ва педагогик маҳоратини доимий равишда такомиллаштириш.

Педагог ходимлар қонун ҳужжатларига мувофиқ бошқа мажбуриятлар ҳам олиши мумкин.

6-боб. Оилавий нодавлат мактабгача таълим ташкилотини бошқариш ва унинг фаолиятини назорат қилиш

33. Оилавий нодавлат мактабгача таълим ташкилотини бошқариш муассис томонидан амалга оширилади.

Оилавий нодавлат мактабгача таълим ташкилоти раҳбари ҳар чоракда камида бир марта ўз фаолияти тўғрисидаги ҳисоботни туман мактабгача таълим бўлимига тақдим этади.

34. Оилавий нодавлат мактабгача таълим ташкилоти фаолиятини назорат қилиш муассис томонидан, шунингдек, қонун ҳужжатларида белгиланган тартибда ваколатли давлат органлари томонидан амалга оширилади.

35. Оилавий нодавлат мактабгача таълим ташкилотлари томонидан мактабгача таълимга қўйиладиган давлат талабларининг ва таълим-тарбия дастурларининг бажарилишини назорат қилиш ушбу соҳадаги ваколатли орган — Ўзбекистон Республикаси Мактабгача таълим вазирлиги томонидан амалга оширилади.

36. Оилавий нодавлат мактабгача таълим ташкилотларини аттестациядан ўтказиш, уларнинг фаолиятини вақтинча тўхтатиб туриш ва тўхтатиш қонун ҳужжатларида белгиланган тартибда амалга оширилади.

7-боб. Нодавлат мактабгача таълим ташкилотини молиялаштириш ва моддий-техник таъминлаш

37. Оилавий нодавлат мактабгача таълим ташкилотига мол-мулк қонун ҳужжатларида белгиланган тартибда бириктирилади.

Оилавий нодавлат мактабгача таълим ташкилоти ўзига бириктирилган мол-мулкни ва ўзига ажратилган маблағлар ҳисобига сотиб олинган мол-мулкни қонун ҳужжатларига мувофиқ тасарруф этади.

38. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, туман (шаҳар) ҳокимликлари билан биргаликда ҳар йилги маҳаллий бюджет маблағларидан иқтисод қилиб қолинган маблағлар доирасида ташкил этиладиган янги оилавий нодавлат мактабгача таълим муассасалари фаолияти учун мўлжалланган мебель, ашё ва анжомлар билан жиҳозлашга кўмаклашадилар.

Мактабгача таълим вазирлигининг ҳудудий органлари томонидан оилавий нодавлат мактабгача таълим ташкилоти фаолияти учун зарур бўлган ўқув материаллари берилади. Мазкур жиҳозлар ва ўқув материалларидан эҳтиёткорлик билан фойдаланиш ва уларнинг сақланишига оилавий нодавлат мактабгача таълим ташкилоти жавоб беради.

Мактабгача таълим вазирлиги мактабгача таълим бошқармалари орқали оилавий нодавлат мактабгача таълим ташкилоти фаолияти учун зарур бўлган ўқув материаллари билан давлат бюджетидан ушбу харажатлар учун ажратилган мақсадли маблағлар доирасида бепул таъминлайди. Мазкур жиҳозлар ва ўқув материалларидан эҳтиёткорлик билан фойдаланиш ва уларнинг сақланишига оилавий нодавлат мактабгача таълим ташкилоти жавоб беради.

39. Оилавий нодавлат мактабгача таълим ташкилоти фаолияти қонун ҳужжатларига мувофиқ муассиснинг маблағлари ҳамда Ўзбекистон Республикаси Давлат бюджети ҳисобидан ажратиладиган субсидиялар ҳисобидан молиялаштирилади.

40. Оилавий нодавлат мактабгача таълим ташкилотларига қуйидаги мақсадлар учун Ўзбекистон Республикаси Давлат бюджетидан субсидиялар ажратилади:

тарбиячи ва ёрдамчи хизматларга тегишли тоифа бўйича қисқа муддатли ёки 9 соатлик давлат мактабгача таълим ташкилотлари учун белгиланган меҳнатга тўланадиган ҳаққа тенг шартларда ва ҳажмларда иш ҳақи тўлаш;

ёлланган (Тошкент шаҳри, Нукус шаҳри ва вилоятлар марказларида — 2 нафаргача, бошқа ҳудудларда — 4 нафаргача) тарбиячи ва ёрдамчи хизматларга тегишли тоифа бўйича қисқа муддатли ёки 9 соатлик давлат мактабгача таълим ташкилотлари учун белгиланган меҳнатга тўланадиган ҳаққа тенг шартларда ва ҳажмларда иш ҳақи тўлаш;

давлат мактабгача таълим ташкилотлари учун белгиланган нормативлар бўйича овқатланиш, юмшоқ инвентарь ва дори-дармонларга ажратилаётган миқдорларда харажатларни қоплаш;

боқувчисини йўқотган аёллар фарзандларининг ота-оналар бадали тўловларини тегишли ҳудуддаги 9 соатлик давлат мактабгача таълим ташкилотлари учун белгиланган миқдорларда қоплаш.

41. Оилавий нодавлат мактабгача таълим ташкилоти қонун ҳужжатларида тақиқланмаган бошқа маблағлар ҳисобидан ҳам молиялаштирилиши мумкин.

8-боб. Якунловчи қоидалар

42. Оилавий нодавлат мактабгача таълим ташкилотида мактабгача таълим ташкилотининг асосий фаолияти билан боғлиқ бўлмаган ташкилотларнинг, шу жумладан, сиёсий партиялар ва ҳаракатларнинг ташкил этилишига ва фаолият кўрсатишига йўл қўйилмайди.

Оилавий нодавлат мактабгача таълим ташкилотидаги таълим ва тарбия дунёвий хусусиятга эга бўлади.

43. Оилавий нодавлат мактабгача таълим ташкилоти қонун ҳужжатларида белгиланган тартибда ташкил этилиши, қайта ташкил этилиши, тугатилиши мумкин.

44. Оилавий нодавлат мактабгача таълим ташкилотининг халқаро ҳамкорлиги, педагог кадрларнинг амалиёт ўташи ва уларнинг малакасини ошириш қонун ҳужжатларига мувофиқ амалга оширилади.

Вазирлар Маҳкамасининг 2018 йил 30 июлдаги 595-сон қарорига
2-ИЛОВА

Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида

НИЗОМ

1-боб. Умумий қоидалар

1. Ушбу Низом оилавий нодавлат мактабгача таълим ташкилотлари фаолияти бўйича рухсатнома бериш тартибини белгилайди.

Оилавий нодавлат мактабгача таълим ташкилотлари давлат-хусусий шерикчилик шартлари асосида ташкил этилади.

2. Оилавий нодавлат мактабгача таълим ташкилотлари фаолияти бўйича рухсатнома бериш туман (шаҳар) ҳокимликлари томонидан амалга оширилади.

3. Ушбу Низомда қуйидаги асосий тушунчалар қўлланилади:

рухсатнома — ваколатли орган томонидан якка тартибдаги тадбиркорга бериладиган, тадбиркорлик фаолияти соҳасида ҳаракатларни бажариш ва (ёки) муайян фаолиятни амалга ошириш ҳуқуқини берадиган ҳужжат;

талабгор — якка тартибдаги тадбиркор ёхуд уларнинг рухсатнома олиш учун тегишли ариза билан белгиланган тартибда орқали мурожаат қиладиган ваколатли шахси.

4. Оилавий нодавлат мактабгача таълим ташкилотлари фаолияти бўйича мазкур низомга иловадаги шаклга мувофиқ рухсатнома (кейинги ўринларда рухсатнома деб аталади) чекланмаган муддатга берилади.

Талабгор аризасига кўра, рухсатнома муайян муддатга берилиши мумкин.

5. Рухсатнома якка тартибдаги тадбиркорга оилавий нодавлат мактабгача таълим ташкилотларини ташкил этиш ва уларнинг фаолиятини юритиш ҳуқуқини беради.

2-боб. Оилавий нодавлат мактабгача таълим ташкилотига рухсатнома бериш талаблари ва шартлари

6. Қуйидагилар рухсат беришга доир қоидаларга мувофиқ оилавий нодавлат мактабгача таълим ташкилотларини ташкил этиш ва уларнинг фаолиятини амалга ошириш бўйича талаблар ва шартлар ҳисобланади:

нодавлат мактабгача таълим ташкилотлари тўғрисидаги қонун ҳужжатларига қатъий риоя қилиш;

нодавлат мактабгача таълим ташкилотларида мулкка эгалик қилиш ҳуқуқи ёки бошқа мол-мулк ҳуқуқи асосида тегишли бўлган бинолар, иншоотлар ва шароитларнинг мавжудлиги;

ўқув ва тарбия жараёнини давлат талабларига, ўқув режаларига ва таълим дастурларига мувофиқ ташкил этиш.

оилавий нодавлат мактабгача таълим ташкилоти, унинг тарбияланувчилари, педагоглари ва таълим-тарбия жараёни тўғрисидаги ишончли ахборотни ёзма шаклда туман (шаҳар) мактабгача таълим бўлимига тақдим этиш ёки Мактабгача таълимни бошқаришнинг ахборот тизимига киритиш.

7. Рухсатнома бериш учун мазкур Низомнинг 6-бандида назарда тутилмаган бошқа талаб ва шартлар белгиланиши мумкин эмас.

3-боб. Оилавий нодавлат мактабгача таълим ташкилоти фаолияти бўйича рухсатнома олиш учун зарур бўлган ҳужжатлар

8. Рухсатномани бериш ушбу Низомга 1-иловага мувофиқ схема бўйича амалга оширилади

9. Оилавий нодавлат мактабгача таълим ташкилоти фаолияти бўйича рухсатнома олиш учун талабгор томонидан туман (шаҳар) мактабгача таълим бўлимига ариза билан мурожаат қилинади ва аризада якка тартибдаги тадбиркорнинг исми, фамилияси, отасининг исми кўрсатилади ва унга қуйидагилар илова қилинади:

паспортининг кўчирма нусхаси;

оилавий нодавлат таълим фаолиятини амалга ошириш жойининг манзили;

банк муассасасининг номи ва банкдаги ҳисоб рақами;

оилавий нодавлат мактабгача таълим ташкилотини ташкил этиш тўғрисидаги Ўзбекистон Республикаси Мактабгача таълим вазирлиги билан талабгор ўртасида белгиланган тартибда имзоланган давлат-хусусий шерикчилик тўғрисида битим нусхаси;

ёнғин ва санитария-эпидемиология назорати органларининг мавжуд бинолар ва хоналарнинг ёнғин хавфсизлиги талабларига ва санитария нормалари, қоидалари ва гигиена нормативларига мувофиқлиги тўғрисидаги хулосалари нусхалари;

олий ёки ўрта махсус педагогик маълумотига эга эканлигини тасдиқловчи ҳужжат (тегишли ҳудудларда олий ёки ўрта махсус педагогик маълумотли талабгорлар мавжуд бўлмаган ҳолларда Ўзбекистон Республикаси Мактабгача таълим вазирлиги томонидан оилавий нодавлат мактабгача таълим йўналиши бўйича қайта тайёрловдан ўтказилганлигини тасдиқловчи ҳужжат) нусхаси.

10. Оилавий нодавлат мактабгача таълим ташкилоти фаолияти бўйича рухсатнома олиш учун талабгор томонидан ҳужжатлар туман (шаҳар) мактабгача таълим бўлимига бевосита ёхуд уларнинг олинганлиги тўғрисидаги билдиришнома билан почта алоқа воситаси орқали етказиб берилади.

11. Оилавий нодавлат мактабгача таълим ташкилоти фаолияти бўйича рухсатнома олиш учун ҳужжатлар туман (шаҳар) мактабгача таълим бўлимининг масъул шахси томонидан рўйхат бўйича қабул қилинади, рўйхатнинг нусхаси ҳужжатлар қабул қилиб олинган сана тўғрисида белги қўйилган ҳолда аризачига юборилади (тақдим этилади).

12. Ишончсиз ёки нотўғри маълумотлар тақдим этилганлиги учун рухсатнома талабгори қонун ҳужжатларига мувофиқ жавоб беради.

4-боб. Аризаларни кўриб чиқиш ва рухсатнома бериш ёки рухсатнома беришни рад этиш тўғрисида қарор қабул қилиш

13. Рухсатнома талабгорининг аризаси кўриб чиқилгани учун йиғим ундирилмайди.

14. Оилавий нодавлат мактабгача таълим ташкилоти фаолияти бўйича рухсатнома бериш бўйича туман (шаҳар) ҳокимлиги ҳузурида комиссия тузилади ва у туман (шаҳар) молия бўлими, иқтисодиёт бўлими, адлия бўлими, қурилиш бўлими ҳамда мактабгача таълим бўлими бошлиқларидан иборат таркибда шакллантирилади.

15. Комиссия тоқ сонли аъзолардан ва камида етти кишидан иборат бўлиши керак. Туман (шаҳар) мактабгача таълим бўлими бошлиғи комиссия котиби ҳисобланади.

Комиссиянинг ишчи органи туман (шаҳар) мактабгача таълим бўлими ҳисобланади. Туман (шаҳар) мактабгача таълим бўлими қабул қилинган ҳужжатларни ҳаққонийлигини ўрганиб чиқиб, Комиссия йиғилиши муҳокамасига киритади.

16. Комиссия йиғилишида талабгор томонидан оилавий нодавлат мактабгача таълим ташкилоти фаолияти бўйича рухсатнома олиш юзасидан тақдим этилган ҳужжатлар муҳокама қилинади ва йиғилиш натижасида талабгорга рухсатнома бериш ёки рухсатнома беришни рад этиш масаласи баённома билан уч иш куни мобайнида расмийлаштирилади.

17. Оилавий нодавлат мактабгача таълим ташкилоти фаолияти бўйича рухсатнома бериш тўғрисидаги туман (шаҳар) ҳокимининг қарори талабгорнинг аризаси олинган кундан бошлаб уч иш куни мобайнида қабул қилинади.

Оилавий нодавлат мактабгача таълим ташкилоти фаолияти бўйича рухсатнома беришни рад этиш комиссия баённомасида асосланган ҳолда талабгорга комиссия йиғилиши бўлиб ўтган кундан бошлаб уч иш куни мобайнида ушбу баённоманинг нусхаси тақдим этилади.

18. Туман (шаҳар) ҳокимлиги рухсатнома бериш бўйича қарор қабул қилганда талабгорга мазкур Низомнинг 2-иловасига мувофиқ шаклдаги таълим фаолиятини амалга ошириш учун рухсатнома расмийлаштирилади.

Рухсатнома икки нусхада — талабгор ва туман (шаҳар) ҳокимлиги учун бир нусхадан тузилади.

19. Рухсатнома бериш қуйидаги асосларга кўра рад этилиши мумкин:

мурожаат этувчи томонидан мазкур Низомнинг 9-бандида назарда тутилган ҳужжатларнинг тўлиқ бўлмаган ҳажмда тақдим этилиши;

талабгор томонидан тақдим этилган ҳужжатларда нотўғри маълумотлар мавжудлиги.

Рухсатнома беришни бошқа асослар бўйича рад этиш қатъиян тақиқланади.

20. Рухсатнома беришни рад этиш тўғрисида қарор қабул қилинган ҳолатларда мурожаат этувчига ёзма шаклда, шу жумладан, ахборот тизими орқали электрон шаклда рад этиш сабаблари, қонун ҳужжатларининг аниқ нормалари ва мурожаат этувчи кўрсатилган камчиликларни бартараф этиб, такроран мурожаат қилиши мумкин бўлган муддат кўрсатилган рад этиш ҳақидаги хабарнома юборилади (тақдим этилади).

21. Рухсатнома беришда рад учун асос бўлган сабаблар мурожаат этувчи томонидан бир ой муддатда бартараф этилган тақдирда, ҳужжатларни такроран кўриб чиқиш, рухсатнома бериш ёки унинг берилишини рад этиш туман (шаҳар) ҳокимлиги томонидан мурожаат этувчининг рад этиш сабабларини бартараф этганлиги тўғрисидаги аризаси ва рад этиш сабаблари бартараф этилганлигини тасдиқловчи тегишли ҳужжатлар олинган кундан эътиборан 10 кундан ортиқ бўлмаган муддатда амалга оширилади.

5-боб. Якунловчи қоида

22. Мазкур Низомнинг қоидалари бузилишида айбдор бўлган шахслар қонун ҳужжатларига мувофиқ жавоб беришади.

Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомга
1-ИЛОВА

Оилавий нодавлат мактабгача таълим ташкилотлари фаолияти бўйича рухсатнома бериш

СХЕМАСИ

Босқичлар

Субъект

Тадбирлар

Бажариш муддатлари

1-босқич

Талабгор

Оилавий нодавлат мактабгача таълим ташкилоти фаолияти бўйича рухсатнома олиш учун туман (шаҳар) мактабгача таълим бўлимига ариза ва белгиланган ҳужжатлар билан мурожаат қилади.

Талабгор хоҳишига кўра

2-босқич

Туман (шаҳар) мактабгача таълим бўлими

Талабгордан ҳужжатларни рўйхат бўйича қабул қилади, рўйхатнинг нусхасини ҳужжатлар қабул қилиб олинган сана тўғрисида белги қўйилган ҳолда аризачига юборади (тақдим этади).

Ҳужжат қабул қилинган куни

Қабул қилинган ҳужжатлар туман (шаҳар) ҳокимлиги ҳузуридаги комиссия йиғилиши муҳокамасига киритади.

Ҳужжат қабул қилинган кундан бошлаб

3 иш куни мобайнида

3-босқич

Комиссия

Талабгор томонидан оилавий нодавлат мактабгача таълим ташкилоти фаолияти бўйича рухсатнома олиш юзасидан тақдим этилган ҳужжатларни муҳокама қилади ва йиғилиш натижасида талабгорга рухсатнома бериш ёки рухсатнома беришни рад этиш масаласини баённома билан расмийлаштиради.

Комиссия йиғилиши бўлиб ўтган кундан бошлаб

3 иш куни мобайнида

4-босқич

Туман (шаҳар) ҳокимлиги

Оилавий нодавлат мактабгача таълим ташкилоти фаолияти бўйича рухсатномани бериш тўғрисида туман (шаҳар) ҳокими қарорини қабул қилади.

Комиссия баённомаси тақдим этилган кундан бошлаб 3 иш куни мобайнида

Комиссия

Оилавий нодавлат мактабгача таълим ташкилоти фаолияти бўйича рухсатнома беришнинг рад этилишини комиссия баённомасида асосланган ҳолда йиғилиш баённомаси нусхасини талабгорга тақдим этади.

Комиссия баённомаси тасдиқланган кундан бошлаб 3 иш куни мобайнида

5-босқич

Талабгор

Рухсатнома беришда рад жавоби учун асос бўлган сабаблар 1 ой муддатда бартараф этилган тақдирда рухсатнома берилиши учун ҳужжатларни такроран тақдим этиш ҳуқуқига эга.

Рухсатнома бериш рад этилганлиги тўғрисидаги билдиришномада кўрсатилган муддатда (камида

10 иш куни)

6-босқич

Комиссия

Рухсатнома беришда рад учун асос бўлган сабаблар мурожаат этувчи томонидан 1 ой муддатда бартараф этилган тақдирда, рухсатнома бериш ёки унинг берилишини рад этиш учун ҳужжатларни такроран кўриб чиқади.

Рад этиш сабаблари бартараф этилганлигини тасдиқловчи ҳужжатлар олинган кундан бошлаб

10 иш куни мобайнида

7-босқич

Туман (шаҳар) ҳокимлиги

Туман (шаҳар) ҳокимлиги рухсатнома бериш бўйича қарор қабул қилганда талабгорга таълим фаолиятини амалга ошириш учун белгиланган шаклдаги рухсатнома расмийлаштирилади. Рухсатнома икки нусхада тузилади.

Рухсатномани бериш тўғрисида туман (шаҳар) ҳокими қарори қабул қилинган кундан бошлаб

3 иш куни мобайнида

Оилавий нодавлат мактабгача таълим ташкилотлари фаолияти бўйича рухсатнома бериш тартиби тўғрисида низомга
2-ИЛОВА

‎	‎	‎	‎			‎	‎	‎	‎
‎	‎	_____________ туман/шаҳар ҳокимлиги томонидан берилган Оилавий нодавлат мактабгача таълим ташкилотини ташкил этиш ва таълим фаолиятини амалга ошириш учун ‎РУХСАТНОМА ‎ (намунавий шакл) ‎‎						‎	‎
201___ йил «______» «______»			‎	‎	‎	‎	‎‎ ____________тумани (шаҳри)
‎	‎	‎	‎	‎	‎	‎	‎	‎	‎
‎Мазкур рухсатнома ____________________манзилида жойлашган _______________туман/шаҳар ҳокимлигидан ________-сон билан рўйхатдан ўтган якка тартибдаги тадбиркор _____________________________________га Оилавий нодавлат мактабгача таълим ташкилотини ташкил этиш ва оилавий нодавлат таълим фаолиятини амалга ошириш учун берилди.
‎‎Оилавий нодавлат таълим фаолиятини амалга ошириш манзили (почта манзили, телефон рақами):______________________________________________
‎Оилавий нодавлат мактабгача таълим ташкилоти ташкил этиш тўғрисида Ўзбекистон Республикаси Мактабгача таълим вазирлиги билан якка тартибдаги тадбиркор ўртасида имзоланган давлат-хусусий шерикчилик тўғрисидаги битимнинг санаси ва рақами:____________________________________________
‎‎Солиқ тўловчининг идентификация рақами:_________________________________
Банк муассасасининг номи ва банкдаги ҳисоб рақами:_________________________‎‎
‎	‎	‎	‎	‎	‎	‎	‎	‎	‎
‎‎Ваколатли шахс имзоси			‎	‎	‎	‎	‎	Муҳр ўрни
‎	‎	‎	‎	‎	‎	‎	‎	‎	‎
‎	‎	‎	‎	‎	‎	‎	‎	‎	‎

Вазирлар Маҳкамасининг 2018 йил 30 июлдаги 595-сон қарорига
3-ИЛОВА

Хусусий тадбиркорлар юридик шахс ташкил этмасдан шуғулланиши мумкин бўлган фаолият турлари рўйхатининг IV бўлимига қуйидаги мазмундаги 55¹-банд қўшилсин:

55¹

».

55¹

».

Кўриниш

Кўриниш