Идоравий норматив-ҳуқуқий ҳужжатни давлат реестридан чиқариш бўйича 2018 йил 16 январдаги хулосага мувофиқ ҳамда Ўзбекистон Республикаси Президентининг 2011 йил 23 августдаги ПҚ-1602-сон «Ўзбекистон Республикаси Адлия вазирлиги фаолиятини янада такомиллаштириш чора-тадбирлари тўғрисида»ги қарорига, Вазирлар Маҳкамасининг 1997 йил 9 октябрдаги 469-сон «Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида»ги ҳамда 2000 йил 19 майдаги 197-сон «Вазирликлар, давлат қўмиталари ва идораларнинг меъёрий ҳужжатларини қабул қилиш тартибини такомиллаштириш тўғрисида»ги қарорларига асосан, буюраман:

1. Ўзбекистон Республикаси Иқтисодиёт вазирлигининг 2017 йил 6 ноябрдаги ММ-3-2/6-6-6124-сон ва Молия вазирлигининг 2018 йил 5 январдаги ЕТ/15-02-32-26/5-сон Ўзбекистон Республикасида реализация қилинадиган халқ истеъмол товарларида шартномавий (эркин) чакана нархларни белгилаш вақтинчалик тартибини (рўйхат рақами 170, 1995 йил 7 сентябрь) Идоравий норматив-ҳуқуқий ҳужжатларнинг давлат реестридан чиқариш масаласи юзасидан хатлари маълумот учун қабул қилинсин.

2. «Ўзбексавдо» давлат уюшмаси раиси ўринбосари ҳамда «Ўзбекбирлашув» раиси ўринбосари томонидан 1995 йил 24 августда 05-4/2-53 ва ОЦ-3/51-сон билан тасдиқланган Ўзбекистон Республикасида реализация қилинадиган халқ истеъмол товарларида шартномавий (эркин) чакана нархларни белгилаш вақтинчалик тартиби (рўйхат рақами 170, 1995 йил 7 сентябрь) Идоравий норматив-ҳуқуқий ҳужжатларнинг давлат реестридан чиқарилсин.

3. Мазкур буйруқ давлат рўйхатидан ўтказилсин ва бу ҳақда Идоравий норматив-ҳуқуқий ҳужжатларнинг давлат реестрига тегишли ёзув киритилсин.

4. Ҳуқуқий тарғибот ва ахборот бошқармаси ушбу буйруқни «Ўзбекистон Республикаси қонун ҳужжатлари тўплами» — «Собрание законодательства Республики Узбекистан»да ҳамда Ўзбекистон Республикаси Қонун ҳужжатлари маълумотлари миллий базасида эълон қилинишини таъминласин.

5. Мазкур буйруқ расмий эълон қилинган кундан эътиборан кучга киради.