Таълим, фан ва маданият соҳасида халқаро ҳамкорликни янада ривожлантириш, Ўзбекистоннинг маданий-гуманитар соҳадаги ютуқларини кенг тарғиб қилиш, мамлакатимизнинг ислом тараққиётидаги буюк ролини кенг ёритиш, республиканинг қадимги тарихи ва маданий мероси билан таништириш, Таълим, фан ва маданият масалалари бўйича Ислом ташкилоти (АЙСЕСКО) доирасида Ўзбекистоннинг маънавий алоқаларини кенгайтириш мақсадида, шунингдек Таълим, фан ва маданият масалалари бўйича Ислом ташкилоти (АЙСЕСКО) Низомига мувофиқ Вазирлар Маҳкамаси қарор қилади:

1. Қуйидагилар:

ЮНЕСКО ишлари бўйича Ўзбекистон Республикаси Миллий комиссияси Таълим, фан ва маданият масалалари бўйича Ислом ташкилоти (кейинги ўринларда АЙСЕСКО деб аталади) билан ўзаро ҳамкорликни мувофиқлаштирувчи;

Тошкент ислом университети ректори АЙСЕСКО Ижроия қўмитасида Ўзбекистон вакили этиб белгилансин.

2. Ўзбекистон Республикаси Молия вазирлиги 2018 йил ва келгуси йиллар учун республиканинг халқаро ташкилотларга Ўзбекистон Республикаси Давлат бюджети маблағлари ҳисобидан мажбурий тўловлари рўйхатини шакллантиришда Ўзбекистон Республикасининг АЙСЕСКОга йиллик аъзолик бадалини тўлаш учун маблағ ажратишни назарда тутсин.

3. Вазирлар Маҳкамасининг 1994 йил 29 декабрдаги 629-сон қарори билан тасдиқланган ЮНЕСКО ишлари бўйича Ўзбекистон Республикаси Миллий комиссияси тўғрисидаги Низомга иловага мувофиқ ўзгартиришлар ва қўшимчалар киритилсин.

4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — Ўзбекистон Хотин-қизлар қўмитаси раиси Т.К. Норбоева ва Ўзбекистон Республикаси Ташқи ишлар вазири А.Х. Комилов зиммасига юклансин.

1. Кириш қисмининг иккинчи хатбошида, 1-банддаги «ЮНЕСКО» сўзидан сўнг «ва АЙСЕСКО» сўзлари қўшилсин.

2. 3-бандда:

иккинчи хатбоши қуйидаги таҳрирда баён қилинсин:

«ЮНЕСКО ва АЙСЕСКО тадбирларида ҳамда лойиҳаларида Ўзбекистон Республикаси вазирликлари, идоралари, ташкилотлари ва мутахассисларининг қатнашиши тўғрисида ЮНЕСКОнинг котибиятига ҳамда минтақавий бўлинмаларига, АЙСЕСКО Бош дирекциясига таклифлар тайёрлаш ва киритиш»;

учинчи хатбошидаги «ЮНЕСКО» сўзидан сўнг «АЙСЕСКО Бош дирекцияси» сўзлари қўшилсин.

тўртинчи, бешинчи, олтинчи хатбошиларидаги «ЮНЕСКО» сўзидан сўнг «ва АЙСЕСКО» сўзлари қўшилсин.

еттинчи хатбошидаги «ЮНЕСКО» сўзидан сўнг «АЙСЕСКО Бош дирекцияси» сўзлари қўшилсин.

3. 11-бандда:

иккинчи хатбоши қуйидаги таҳрирда баён қилинсин:

«ЮНЕСКО котибияти ва АЙСЕСКО Бош дирекцияси, ЮНЕСКО ҳузуридаги консультатив мақомга эга бўлган комиссиялар ва ЮНЕСКО ҳамда АЙСЕСКОга аъзо давлатларнинг Миллий комиссиялари билан ўзаро ҳамкорликни мувофиқлаштириб бориш»;

тўртинчи, бешинчи ва еттинчи хатбошиларидаги «ЮНЕСКО» сўзидан сўнг «ва АЙСЕСКО» сўзлари қўшилсин.

саккизинчи хатбошидаги «минтақавий бўлимларида» сўзларидан сўнг «шунингдек АЙСЕСКО Бош дирекциясида» сўзлари қўшилсин.

4. 12-бандда:

иккинчи хатбошидаги «ЮНЕСКО» сўзидан сўнг «ва АЙСЕСКО Бош дирекцияси» сўзлари қўшилсин.

бешинчи хатбошидаги «ЮНЕСКО» сўзидан сўнг «ва АЙСЕСКО» сўзлари қўшилсин.