Ўзбекистон Республикасининг «Тадбиркорлик фаолияти эркинлигининг кафолатлари тўғрисида», «Ташқи иқтисодий фаолият тўғрисида» (янги таҳрири) ва «Аудиторлик фаолияти тўғрисида»ги (янги таҳрири) қонунларига мувофиқ Вазирлар Маҳкамаси қарор қилади:

1. Ўзбекистон Республикаси ҳукуматининг иловага мувофиқ айрим қарорларига ўзгартиришлар ва қўшимчалар киритилсин.

2. Ўзбекистон Республикаси Ташқи иқтисодий алоқалар вазирлиги Адлия вазирлиги ва бошқа манфаатдор вазирликлар ва идоралар билан биргаликда бир ой муддатда Ўзбекистон Республикаси Ташқи иқтисодий алоқалар вазирлиги тўғрисидаги Низомнинг янги таҳририни ишлаб чиқсин ва тасдиқлаш учун Вазирлар Маҳкамасига тақдим этсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Ў.Қ. Исмоилов ва Р.С. Азимов зиммасига юклансин.

1. Ўзбекистон Республикаси Вазирлар Маҳкамасининг «Ўзбекистон Республикаси ҳудудидаги корхоналарни давлат рўйхатидан ўтказиш тартиби тўғрисида» 1991 йил 12 июндаги 159-сон қарорида (Ўзбекистон Республикаси ҚТ, 1991 й., 6-сон, 19-модда; 1994 й., 3-сон, 18-модда; 1999 й., 9-сон, 53-модда):

а) қарорнинг кириш қисмидаги «Ўзбекистон Республикасидаги корхоналар тўғрисида»ги Ўзбекистон Республикаси Қонуни (6-модда, 2-банд)ни бажариш мақсадида» сўзлари чиқариб ташлансин;

б) Ўзбекистон Республикаси ҳудудидаги корхоналарни рўйхатдан ўтказиш тартиби тўғрисидаги Низомда:

1-банднинг биринчи хатбошидаги «Ўзбекистон Республикасидаги корхоналар тўғрисида»ги Ўзбекистон Республикаси Қонунига мувофиқ» сўзлари «қонун ҳужжатларига мувофиқ» сўзлари билан алмаштирилсин;

9-банддаги «фаолият турлари» сўзлари «фаолиятнинг асосий турлари» сўзлари билан алмаштирилсин.

2. Вазирлар Маҳкамасининг «Республикада тадбиркорлик фаолиятини янада ривожлантириш чора-тадбирлари тўғрисида» 1992 йил 26 февралдаги 85-сон қарорида (Ўзбекистон Республикаси ҚТ, 1992 й., 2-сон, 3-модда; 1996 й., 4-сон, 12-модда; 1997 й., 2-сон, 5-модда; 1998 й., 7-сон, 28-модда):

а) 3-банд чиқариб ташлансин;

б) 2-илова ўз кучини йўқотган деб ҳисоблансин.

3. Ўзбекистон Республикаси Вазирлар Маҳкамасининг 1994 йил 22 мартдаги 153-сон қарори билан тасдиқланган «Юридик шахслар бирлашмаларини, акциядорлик жамиятларини давлат рўйхатидан ўтказиш тўғрисида»ги Низомда (Ўзбекистон Республикаси ҚТ, 1994 й., 3-сон, 18-модда; 1999 й., 9-сон, 53-модда):

а) 4-бандда:

«б» кичик банднинг иккинчи хатбошидаги «товар белгиси» сўзлари чиқариб ташлансин;

«г» кичик банди чиқариб ташлансин;

б) 9-банднинг биринчи хатбошидан «уставда назарда тутилмаган фаолият турлари билан шуғулланиш» сўзлари чиқариб ташлансин.

в) 10-банддаги «уларнинг тузилмасидаги ўзгаришлар, шунингдек» сўзлари чиқариб ташлансин, «асосий» сўзи билан тўлдирилсин.

4. Вазирлар Маҳкамасининг «Муомаладаги нақд пулларни камайтиришга оид чора-тадбирлар тўғрисида» 1994 йил 11 июлдаги 356-сон қарори 2-бандининг учинчи хатбоши чиқариб ташлансин.

5. Вазирлар Маҳкамасининг 1994 йил 17 ноябрдаги 555-сон қарори билан тасдиқланган Мулкчилик ва хўжалик юритишнинг барча шаклларидаги корхоналар ва ташкилотларнинг Ягона давлат регистри тўғрисидаги Низомга (Ўзбекистон Республикаси ҚТ, 1994 й., 11-сон, 51-модда) 1-илованинг 7-банди «Фаолиятнинг бошқа турлари» сўзларидан кейин «(тадбиркорлик субъектлари бўлмаган ташкилотлар учун)» сўзлари билан тўлдирилсин.

6. Ўзбекистон Республикаси Вазирлар Маҳкамасининг 1995 йил 14 февралдаги 55-сон қарори (Ўзбекистон Республикаси ҚТ, 1995 й., 2-сон, 3-модда) билан тасдиқланган Ўзбекистон Республикасида хусусий тадбиркорлик тўғрисидаги Низомда:

а) 3-банднинг биринчи хатбоши қуйидаги таҳрирда баён қилинсин:

«Тадбиркорнинг хусусий мулкига асосланган корхона Ўзбекистон Республикаси Фуқаролик кодекси, «Тадбиркорлик фаолияти эркинлигининг кафолатлари тўғрисида»ги Ўзбекистон Республикасининг Қонунига, Ўзбекистон Республикасининг бошқа қонун ҳужжатларига ва мазкур Низомга мувофиқ фаолият юритувчи хусусий корхона ҳисобланади. Ўзининг ташкилий-ҳуқуқий шаклига кўра хусусий корхона унитар корхона ҳисобланади»;

б) 9-банд қуйидаги мазмундаги гап билан тўлдирилсин:

«Рўйхатдан ўтказувчи органнинг қарори, шунингдек унинг мансабдор шахсларининг ҳаракатлари (ҳаракатсизлиги) ноқонуний деб топилган ҳолларда улар тадбиркорга рўйхатдан ўтказиш рад этилганлиги ёки рўйхатдан ўтказиш муддатларига риоя этилмаганлиги оқибатида етказилган зарарни тўлайдилар ва маънавий зиён ўрнини қоплайдилар»;

в) 21-бандда:

биринчи хатбоши қуйидаги таҳрирда баён этилсин:

«Хусусий корхона фаолиятини текшириш назорат органлари томонидан уларнинг белгиланган ваколатлари доирасида, шунингдек аудиторлик ташкилотлари томонидан амалга оширилади»;

қуйидаги мазмундаги иккинчи хатбоши билан тўлдирилсин:

«Хусусий корхоналар фаолиятини текшириш жараёнида назорат ва ҳуқуқни муҳофаза қилиш органларининг мансабдор шахслари қонун ҳужжатларида белгиланган тартибда текширишларни рўйхатга олиш дафтарига қайд ёзувини киритадилар»;

иккинчи хатбоши учинчи хатбоши деб ҳисоблансин ва ундан «молия-хўжалик» сўзлари чиқариб ташлансин;

г) 33-банд қуйидаги таҳрирда баён қилинсин:

«Якка тадбиркорни давлат рўйхатидан ўтказиш «Тадбиркорлик фаолияти эркинлигининг кафолатлари тўғрисида»ги Ўзбекистон Республикасининг қонунига мувофиқ амалга оширилади»;

д) 34-банд қуйидаги таҳрирда баён қилинсин:

«Ўзбекистон Республикасида қонун ҳужжатлари билан тақиқланмаган тадбиркорлик фаолияти билан шуғулланиш истагини билдирган жисмоний шахсни давлат рўйхатидан ўтказиш мазкур шахс доимий истиқомат қилувчи туман, шаҳар, шаҳардаги туман ҳокимлиги томонидан ариза ҳамда тегишли ҳужжатлар тақдим этилган вақтдан бошлаб уч кун мобайнида амалга оширилади. Давлат рўйхатидан ўтказиш рад этилган ҳолларда рўйхатдан ўтказувчи орган уч кун ичида бу тўғрида жисмоний шахсга ёзма равишда хабар бериши шарт. Агар белгиланган муддатда рўйхатдан ўтказиш амалга оширилмаган ёки тадбиркор асоссиз деб ҳисоблаган сабабларга кўра рад этилган бўлса, тадбиркор судга мурожаат қилиши мумкин. Рўйхатдан ўтказувчи органнинг қарори, шунингдек унинг мансабдор шахсларининг ҳаракатлари (ҳаракатсизлиги) ноқонуний деб топилган ҳолларда улар тадбиркорга рўйхатдан ўтказиш рад этилганлиги ёки рўйхатдан ўтказиш муддатларига риоя этилмаганлиги оқибатида етказилган зарар ва маънавий зиён ўрнини қоплайдилар»;

е) 35-бандда:

биринчи хатбошида «уч дона фотосурат» сўзлари «бир дона фотосурат» сўзлари билан алмаштирилсин;

иккинчи хатбоши қуйидаги таҳрирда баён қилинсин:

«Агар жисмоний шахс аризада тадбиркорлик фаолияти амалга ошириладиган жой сифатида маҳаллий давлат ҳокимияти органлари ушбу мақсадлар учун назарда тутмаган манзилни кўрсатган бўлса, қўшимча равишда унда бундай жойнинг мавжудлигини тасдиқловчи ҳужжат (ижара шартномаси, ижарага берувчининг кафолат хати, мулкий ҳуқуққа доир далолатнома, турар жойнинг нотурар-жой тоифасига ўтказилганлиги тўғрисидаги далолатнома ва бошқалар) тақдим этилади»;

ж) 36-банднинг иккинчи хатбоши қуйидаги таҳрирда баён қилинсин:

«Жисмоний шахс якка тадбиркор сифатида давлат рўйхатидан ўтказилганидан сўнг қонун ҳужжатларида белгиланган тартибда солиқ органларида ҳисобга туради. Ҳисобга қўйиш учун давлат рўйхатидан ўтказилганлик тўғрисидаги гувоҳноманинг нусхаси асос ҳисобланади»;

з) 39-банд қуйидаги таҳрирда баён қилинсин:

«Хусусий тадбиркорлик субъектига етказилган зарар, зарарни етказган шахс томонидан тўлиқ миқдорда, бой берилган фойдани ҳам қўшиб ҳисоблаган ҳолда қопланади. Қонун зарар ўрнини қоплаш мажбуриятини зарарни етказувчи ҳисобланмайдиган шахс зиммасига юклаши мумкин.

Хусусий тадбиркорлик субъектига давлат органлари, фуқароларнинг ўзини ўзи бошқариш органларининг ноқонуний қарорлари натижасида етказилган зарар, суд қарорига асосан, мазкур органлар мансабдор шахсларининг айбидан қатъи назар, қопланади.

Хусусий тадбиркорлик субъектига давлат органлари, фуқароларнинг ўзини ўзи бошқариш органлари мансабдор шахсларининг ҳаракатлари (ҳаракатсизлиги) оқибатида етказилган зарар суд қарорига асосан қопланади».

7. Вазирлар Маҳкамасининг «Ўзбекистон Республикасида хорижий инвестициялар иштирокидаги корхоналарни ташкил этиш, давлат рўйхатидан ўтказиш ва тугатиш тартиби тўғрисида» 1997 йил 2 июлдаги 336-сон қарорида:

а) 1-бандда:

учинчи хатбоши чиқариб ташлансин;

тўртинчи хатбоши қуйидаги таҳрирда баён қилинсин:

«Ўзбекистон Республикаси Адлия вазири зиммасига Адлия вазирлигининг ходимлари томонидан хорижий инвестициялар иштирокидаги корхоналарни ташкил этиш ва рўйхатдан ўтказиш тартиби ва муддатларига қатъий риоя этилиши учун шахсан жавобгарлик юклансин»;

қуйидаги мазмундаги хатбоши билан тўлдирилсин:

«Хорижий инвестициялар иштирокидаги корхоналарнинг давлат рўйхатидан ўтказилиши валюта ҳисоб рақамларини очиш ва уларнинг ташқи иқтисодий фаолият иштирокчилари сифатида қайта рўйхатдан ўтказилмасдан ташқи иқтисодий фаолиятни амалга оширишлари учун асос ҳисобланади»;

б) 1-илова 10-бандининг «е» кичик банди чиқариб ташлансин;

в) 2-илова ўз кучини йўқотган деб ҳисоблансин.

8. Вазирлар Маҳкамасининг 1997 йил 26 сентябрдаги 454-сон қарори билан тасдиқланган Давлат эҳтиёжлари учун озиқ-овқат товарларини импорт қилиш юзасидан контрактларни Ўзбекистон Республикаси Ташқи иқтисодий алоқалар вазирлиги томонидан рўйхатдан ўтказиш тартиби I бўлимининг еттинчи хатбоши чиқариб ташлансин.

9. Вазирлар Маҳкамасининг «Солиқ солишнинг соддалаштирилган тизимига ўтган кичик корхоналарга солиқ солиш тартиби тўғрисида» 1998 йил 15 апрелдаги 159-сон қарорида (Ўзбекистон Республикаси ҚТ, 1998 й., 4-сон, 15-модда; 1999 й., 11-сон, 64-модда; 2000 й., 8-сон, 45-модда):

а) қарорнинг номига «соддалаштирилган тизимига ўтган» сўзларидан кейин «микрофирмалар ва» сўзлари қўшилсин;

б) 1-банднинг бошланишига ва 2-банднинг иккинчи хатбоши бошланишига «Микрофирмалар ва» сўзлари қўшилсин;

в) иловада:

илова «Микрофирмалар ва кичик корхоналар учун солиқ солишнинг соддалаштирилган тизимини қўллаш тартиби» деб номлансин;

1-банд, 2-банднинг биринчи хатбоши бошланишига «Микрофирмалар ва» сўзлари қўшилсин;

2-банднинг иккинчи хатбошида «ихтиёрийлик асосида» сўзларидан кейин «микрофирмалар ва» сўзлари қўшилсин;

5-бандда «кичик корхоналар учун» сўзлари «микрофирмалар ва кичик корхоналар учун» сўзлари билан алмаштирилсин;

1-бандда «мезонларга мувофиқ» сўзларидан кейин «микрофирмалар ва» сўзлари қўшилсин;

3-бандда «Кичик корхоналар» сўзлари «Микрофирмалар ва кичик корхоналар» сўзлари билан алмаштирилсин;

6-бандда «Кичик корхоналар» сўзлари «Микрофирмалар ва кичик корхоналар» сўзлари билан алмаштирилсин;

III бўлимнинг 2-банди тўртинчи хатбошида «кичик корхоналарга» сўзлари «микрофирмалар ва кичик корхоналарга» сўзлари билан алмаштирилсин.

10. Вазирлар Маҳкамасининг «Ўзбекистон Товар ишлаб чиқарувчилар ва тадбиркорлар палатаси фаолиятини такомиллаштириш тўғрисида» 1998 йил 21 апрелдаги 166-сон қарорининг 6-банди қуйидаги таҳрирда баён қилинсин:

«Белгилансинки, Товар ишлаб чиқарувчилар ва тадбиркорлар палатаси аъзолари бўлган корхоналар фаолиятини текшириш хўжалик юритувчи субъектлар фаолиятининг давлат назорати тўғрисидаги қонун ҳужжатлари талабларига мувофиқ Палата ва унинг ҳудудий тузилмалари вакиллари иштирокида амалга оширилиши мумкин».

11. Вазирлар Маҳкамасининг «Кичик ва ўрта тадбиркорликни ривожлантиришни рағбатлантириш механизмини такомиллаштириш тўғрисида» 1998 йил 27 майдаги 232-сон қарорига 1-иловада (Ўзбекистон Республикаси ҚТ, 1998 й., 5-сон, 20-модда):

а) 1-банд ўз кучини йўқотган деб ҳисоблансин;

б) 2-банд қуйидаги таҳрирда баён қилинсин:

в) 4-бандда кафолатлар ва имтиёзлар мазмуни қуйидаги таҳрирда баён қилинсин:

— «Товар ишлаб чиқарувчилар ва тадбиркорлар палатаси аъзолари бўлган корхоналар фаолиятини текшириш хўжалик юритувчи субъектлар фаолиятининг давлат назорати тўғрисидаги қонун ҳужжатлари талабларига мувофиқ Палата ва унинг ҳудудий тузилмалари вакиллари иштирокида амалга оширилиши мумкин»;

г) 11-банд қуйидаги таҳрирда баён қилинсин:

12. Вазирлар Маҳкамасининг 1998 йил 15 июлдаги 300-сон қарори билан тасдиқланган Фермер хўжалиги юритиш учун ер участкаларини фуқароларга узоқ муддатли ижарага бериш тартибида (3-илова):

а) IV бўлимнинг номланиши қуйидаги таҳрирда баён қилинсин:

«Ер участкаси ижара шартномасини ўзгартириш ва уни бекор қилиш»;

б) 27-банд:

қуйидаги мазмундаги биринчи хатбоши билан тўлдирилсин:

«Ер участкаси ижара шартномаси томонларнинг келишувига кўра, томонлар келишолмаган тақдирда эса суд томонидан ўзгартирилиши ёки бекор қилиниши мумкин»;

биринчи—ўн иккинчи хатбошилар тегишли равишда иккинчи—ўн учинчи хатбошилар деб ҳисоблансин;

в) 30-банд ўз кучини йўқотган деб ҳисоблансин;

г) Тартибга иловада:

9-банднинг иккинчи хатбоши қуйидаги таҳрирда баён қилинсин:

«мазкур Шартнома шартлари Ижарачи томонидан бузилган тақдирда белгиланган тартибда Шартномани ўзгартириш ёки бекор қилишни талаб қилиш»;

V бўлимнинг номи қуйидаги таҳрирда баён қилинсин:

«Ер участкаси ижара шартномасини ўзгартириш ва бекор қилиш»;

13-банд:

қуйидаги мазмундаги биринчи хатбоши билан тўлдирилсин:

«Мазкур Шартнома томонларнинг келишувига кўра, томонлар келишолмаган тақдирда эса суд томонидан ўзгартирилиши ёки бекор қилиниши мумкин»;

биринчи—ўн иккинчи хатбошилар тегишли равишда иккинчи—ўн учинчи хатбошилар деб ҳисоблансин;

18-банд ўз кучини йўқотган деб ҳисоблансин.

13. Вазирлар Маҳкамасининг 1998 йил 6 августдаги 338-сон қарори билан тасдиқланган ҳўл мева-сабзавот маҳсулотларини Ўзбекистон Республикаси ташқарисига олиб чиқиш тартибининг 3-банди «а» кичик банди чиқариб ташлансин.

14. Вазирлар Маҳкамасининг «Хўжалик юритувчи субъектларни текширишни ташкил қилишни тартибга солиш чора-тадбирлари тўғрисида» 1998 йил 27 ноябрдаги 496-сон қарорининг (Ўзбекистон Республикаси ҚТ, 1998 й., 11-сон, 42-модда) 1-банди ва қарорга илова ўз кучини йўқотган деб ҳисоблансин.

15. Вазирлар Маҳкамасининг «Фермерларни, хусусий тадбиркорларни ҳамда кичик ва ўрта бизнес бошқа субъектларини қўллаб-қувватлаш чора-тадбирлари тўғрисида» 2000 йил 4 мартдаги 75-сон қарорининг (Ўзбекистон Республикаси ҚТ, 2000 й., 3-сон, 11-модда) 4-бандида:

иккинчи хатбоши қуйидаги таҳрирда баён қилинсин:

«тадбиркорлик фаолияти субъектларининг давлат рўйхатидан ўтказилиши улар томонидан ташқи иқтисодий фаолият амалга оширилиши ва кўрсатиб ўтилган субъектларни Ўзбекистон Республикаси Ташқи иқтисодий алоқалар вазирлигида ташқи иқтисодий алоқалар қатнашчиси сифатида қўшимча равишда рўйхатдан ўтказмасдан ваколатли банкларда валюта ҳисоб рақамлари очиш учун асос ҳисобланади»;

учинчи хатбоши чиқариб ташлансин;

тўртинчи хатбоши қуйидаги таҳрирда баён қилинсин:

«валюта ҳисоб рақамлари очилган тадбиркорлик субъектлари тўғрисидаги ахборот, ойнинг 5-кунидан кечикмай, ҳар ойда ваколатли банклар томонидан Ўзбекистон Республикаси Ташқи иқтисодий алоқалар вазирлигига тақдим этилади».

16. Вазирлар Маҳкамасининг «Ўзбекистон Республикасининг 2001 йилги асосий макроиқтисодий кўрсаткичлари прогнози ва Давлат бюджетининг параметрлари тўғрисида» 2000 йил 26 декабрдаги 500-сон қарорида:

4-банднинг тўртинчи хатбошида «кичик корхоналар» сўзлари «микрофирмалар ва кичик корхоналар» сўзлари билан алмаштирилсин;

12-банднинг тўртинчи хатбошида «кичик корхоналар» сўзлари «микрофирмалар ва кичик корхоналар» сўзлари билан алмаштирилсин;

6-илованинг номланишида «кичик корхоналар» сўзлари «микрофирмалар ва кичик корхоналар» сўзлари билан алмаштирилсин.