Ўзбекистон Республикаси Президентининг «Ўзбекистон Республикаси фуқароларининг биометрик паспортлари ҳамда Ўзбекистон Республикаси фуқаролиги бўлмаган шахсларнинг биометрик ҳаракатланиш ҳужжатларининг ҳисобини юритиш ва йўқ қилишни тартибга солиш тўғрисида» 2017 йил 30 майдаги ПФ-5061-сон Фармонини бажариш юзасидан Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартиришлар киритилсин.

2. Вазирликлар ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.

3. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамаси ҳузуридаги Давлат персоналлаштириш маркази директори Н.С. Тураходжаев ҳамда Ўзбекистон Республикаси Вазирлар Маҳкамасининг Ахборот тизимлари ва телекоммуникацияларни ривожлантириш масалалари ахборот-таҳлил департаментига юклансин.

2. Вазирлар Маҳкамасининг «Ўзбекистон Республикаси фуқаросининг биометрик паспортини ва 16 ёшга тўлмаган шахслар учун фуқаролиги бўлмаган шахсларнинг ҳаракатланиш ҳужжатини бериш тартиби тўғрисидаги низомни тасдиқлаш ҳақида» 2011 йил 7 июлдаги 200-сон қарорига (Ўзбекистон Республикаси ҚТ, 2011 й., 7-сон, 63-модда) 1-иловада:

а) 2-банднинг биринчи хатбошидаги «Кириш ва чиқиш ҳамда фуқароликни расмийлаштириш бошқармасининг» сўзлари «Миграция ҳамда фуқароликни расмийлаштириш бош бошқармасининг» сўзлари билан алмаштирилсин.

б) 9-банднинг иккинчи хатбоши қуйидаги таҳрирда баён қилинсин:

«Паспорт ва ҳаракатланиш ҳужжати бланкалари «Давлат белгиси» давлат ишлаб чиқариш бирлашмасида тайёрланади, паспорт ва ҳаракатланиш ҳужжатларини персоналлаштириш, ишлаб чиқариш жараёнида яроқсиз деб топилган ва маълумотларни йиғиш пунктларидан алмаштириш учун қайтарилган паспорт ва ҳаракатланиш ҳужжатларини ҳисобга олиш ва йўқ қилиш ДПМда, паспорт ва ҳаракатланиш ҳужжатларини эгаларига бериш, муддати ўтган ва ўрнатилган тартибда ҳақиқий эмас деб топилган паспорт ва ҳаракатланиш ҳужжатларини ҳисобга олиш ва йўқ қилиш — маълумотларни йиғиш пунктларида амалга оширилади»;

в) 19-банд қуйидаги таҳрирда баён қилинсин:

«19. Маълумотларни йиғиш пункти янги паспорт ёки ҳаракатланиш ҳужжатини бериш чоғида илгари берилган паспорт ёки ҳаракатланиш ҳужжатини йўқ қилиш учун олиб қўяди»;

г) 24-банд қуйидаги таҳрирда баён қилинсин:

«24. Вафот этган фуқаро ёки фуқаролиги бўлмаган шахснинг паспорти ёки ҳаракатланиш ҳужжати маълумотларни йиғиш пунктига йўқ қилиш учун топширилади».

3. Вазирлар Маҳкамасининг «Ўзбекистон Республикасида биометрик паспорт тизими доирасида идоралараро ўзаро ҳамкорлик тўғрисида» 2012 йил 6 мартдаги 63-сон қарорининг (Ўзбекистон Республикаси ҚҲТ, 2012 й., 10-сон, 105-модда) русча матнида:

1) 1-банддаги «въезда-выезда» сўзлари «миграции» сўзи билан алмаштирилсин;

2) 1-иловада:

а) илова номидаги «въезда-выезда» сўзлари «миграции» сўзи билан алмаштирилсин;

б) 1-бандда:

биринчи хатбошидаги «въезда-выезда» сўзлари «миграции» сўзи билан алмаштирилсин;

ўн бешинчи хатбоши қуйидаги таҳрирда баён қилинсин:

«уничтожение просроченных и признанных в установленном порядке недействительными биометрических документов»;

в) 2-банднинг ўнинчи хатбоши қуйидаги таҳрирда баён қилинсин:

«уничтожение просроченных и признанных в установленном порядке недействительными биометрических документов»;