1. Ўзбекистон Республикаси Ҳукумати ҳамда Америка Қўшма Штатлари Ҳукумати ўртасида 2015 йил 3 апрель куни Тошкент шаҳрида имзоланган халқаро солиқ қонунчилиги талабларига риоя қилишни яхшилаш ва хорижий молия муассасаларидаги ҳисобрақамларнинг солиқ назорати тўғрисидаги Америка Қўшма Штатлари Қонунини амалга ошириш ҳақидаги Битим тасдиқлансин.

2. Ўзбекистон Республикаси Ташқи ишлар вазирлиги мазкур халқаро шартнома кучга кириши учун зарур бўлган давлат ички тартиб-таомиллари Ўзбекистон Республикаси томонидан бажарилганлиги тўғрисидаги тегишли билдиришномани юборсин.

3. Ўзбекистон Республикаси Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин Ўзбекистон Республикаси мажбуриятлари бажарилиши устидан белгиланган тартибда назоратни таъминласин.

4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.