Ўзбекистон Республикаси Олий Мажлисининг Қонунчилик палатаси қарор қилади:

Ўзбекистон Республикаси Олий Мажлиси Қонунчилик палатаси мажлисининг қуйидаги кун тартиби тасдиқлансин:

1. «Ҳайвонот дунёсини муҳофаза қилиш ва ундан фойдаланиш тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги ҚЛ-136-сонли Ўзбекистон Республикаси қонуни лойиҳаси тўғрисида (иккинчи ўқиш).

2. «Парламент назорати тўғрисида»ги Ўзбекистон Республикаси Қонуни қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш ҳақида»ги ҚЛ-142-сонли Ўзбекистон Республикаси қонуни лойиҳаси тўғрисида (биринчи ўқиш).

3. «Ўзбекистон Республикаси Жиноят кодексининг 46-моддасига ўзгартиш киритиш тўғрисида»ги ҚЛ-143-сонли Ўзбекистон Республикаси қонуни лойиҳаси ҳақида (биринчи ўқиш).

4. Ўзбекистон Республикаси Олий Мажлиси Қонунчилик палатасининг 2016 йил биринчи ярим йиллигидаги фаолияти тўғрисида.

5. Ўзбекистон Республикаси Бош вазири ўринбосари А. Икромовнинг «Соғлом она ва бола йили» давлат дастурининг тиббиёт муассасалари моддий-техника базасини ва кадрлар салоҳиятини янада мустаҳкамлашга, оилавий поликлиникалар ва қишлоқ врачлик пунктларининг иш самарадорлигини оширишга қаратилган тадбирлари бажарилишининг бориши тўғрисида»ги ахбороти эшитувини ўтказиш ҳақида.

6. Ўзбекистон Республикаси маданият ва спорт ишлари вазири Б. Ахмедовнинг «Маданий мерос объектларини муҳофаза қилиш ва улардан фойдаланиш тўғрисида»ги Ўзбекистон Республикаси Қонуни ижроси ҳақида»ги ахбороти эшитувини ўтказиш тўғрисида.