Ўзбекистон Республикаси Олий Мажлиси Сенатининг Кенгаши қарор қилади:

1. Ўзбекистон Республикаси Олий Мажлиси Қонунчилик палатаси Кенгашининг ва Ўзбекистон Республикаси Олий Мажлиси Сенати Кенгашининг 2016 йил 19 февралда қабул қилинган «Ўзбекистон Республикаси Олий Мажлиси Сенатининг прокуратура органлари фаолияти устидан назорат қилувчи комиссиясини тузиш тўғрисида»ги 383-III/КҚ-70-III-сонли Қўшма қарори тасдиқлансин.

2. Ўзбекистон Республикаси Олий Мажлиси Сенатининг прокуратура органлари фаолияти устидан назорат қилувчи комиссиясининг таркиби иловага* мувофиқ тасдиқлансин.

3. Ўзбекистон Республикаси Олий Мажлиси Сенатининг прокуратура органлари фаолияти устидан назорат қилувчи комиссияси:

биринчи ташкилий мажлисни ўтказиб, унда Комиссия раисини сайласин ва Комиссиянинг 2016 йилга мўлжалланган иш режасини ишлаб чиқувчи ишчи гуруҳни тузсин;

бир ҳафталик муддатда Комиссиянинг 2016 йилга мўлжалланган иш режасини Сенат Кенгаши тасдиғига киритсин.

4. Сенат раҳбарияти Комиссия Котибиятининг тегишли билим ва иш тажрибасига эга бўлган малакали кадрлар билан тўлдирилишини таъминласин.

Комиссия Котибиятининг ходимлари учун уларга олдинги иш жойидан берилган мартаба даражалари, ҳарбий ҳамда махсус унвонлари, шунингдек кўп йил ишлаганликлари учун устама ва қўшимча ҳақлар сақланиб қолиши белгилансин.

5. Ушбу қарор қабул қилинган кундан эътиборан кучга киради.