«Маҳаллий давлат ҳокимияти тўғрисида»ги Ўзбекистон Республикаси Қонунининг 24-моддасига (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда) мувофиқ, Ўзбекистон Республикаси Президентининг 2016 йил 23 сентябрдаги «Ўзбекистон Республикаси Президентининг «Ўзбекистон Республикасининг 2016 йилги асосий макроиқтисодий кўрсаткичлари прогнози ва давлат бюджети параметрлари тўғрисида» 2015 йил 22 декабрдаги ПҚ-2455-сонли қарорига ўзгартиш киритиш ҳақида»ги ПҚ-2610-сонли («Ўзбекистон Республикаси қонун ҳужжатлари тўплами», 2016 й., 3 октябрь, 39-сон, 459-модда) қарори ижросини таъминлаш мақсадида халқ депутатлари Тошкент шаҳар Кенгаши қарор қилади:

1. Халқ депутатлари Тошкент шаҳар Кенгашининг 2015 йил 25 декабрдаги «Тошкент шаҳри бўйича 2016 йил учун маҳаллий солиқлар ва йиғимлар ставкалари тўғрисида»ги 76/9-5-сонли қарори иловасининг «***» изоҳи (ҳаволаси) қуйидаги таҳрирда баён этилсин:

2. Тошкент шаҳар Давлат солиқ бошқармаси, Савдо, хизмат кўрсатиш соҳаси ва халқ истеъмол моллари ишлаб чиқариш департаменти ҳамда туман ҳокимликларига 2016 йил маҳаллий солиқлар ва йиғимлар ставкаларига киритилган ўзгартириш солиқ тўловчилар эътиборига етказилиши ва ижро этилишини таъминлаш топширилсин.

3. «Тошкент оқшоми» ва «Вечерний Ташкент» газеталари таҳририяти (А. Акрамов), «Компьютерлаштириш маркази» ДУК (М. Асамов):

мазкур қарор расмий эълон қилиниши ва www.toshkent.uz веб-сайтига жойлаштирилиши таъминлансин.

4. Мазкур қарор расмий эълон қилинган кундан эътиборан кучга киради.

5. Мазкур қарор ижросини назорат қилиш Халқ депутатлари Тошкент шаҳар Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари бўйича доимий комиссияси ҳамда Тошкент шаҳар ҳокимининг ўринбосари Н. Хусанов зиммасига юклансин.