2016 йил Ўзбекистон Республикасида «Соғлом она ва бола йили» деб эълон қилинганлиги муносабати билан Ўзбекистон Республикаси Президентининг 2016 йил 9 февралдаги ПҚ-2487-сонли «Соғлом она ва бола йили» Давлат дастури тўғрисида»ги (Ўзбекистон Республикаси қонун ҳужжатлари тўплами, 2016 й., 7-сон, 62-модда) ҳамда вилоят ҳокимининг 2016 йил 25 февралдаги 88-сонли «Ўзбекистон Республикаси Президентининг 2016 йил 9 февралдаги ПҚ-2487-сонли «Соғлом она ва бола йили» Давлат дастури тўғрисида»ги қарорини вилоятда ижросини ташкил этиш ҳақида»ги («Бухоронома» газетаси 19-сон 02.03.2016 йил) қарорлари ижросини таъминлаш мақсадида қарор қиламан:

1. Ўзбекистон Республикаси Президентининг 2016 йил 9 февралдаги ПҚ-2487-сонли «Соғлом она ва бола йили» Давлат дастури тўғрисида»ги ҳамда вилоят ҳокимининг 2016 йил 25 февралдаги 88-сонли «Ўзбекистон Республикаси Президентининг 2016 йил 9 февралдаги ПҚ-2487-сонли «Соғлом она ва бола йили» Давлат дастури тўғрисида»ги қарорини вилоятда ижросини ташкил этиш ҳақида»ги қарорлари раҳбарлик ва ижро учун қабул қилинсин.

2. «Соғлом она ва бола йили» туман дастури 1-иловага, туман дастурининг ижросини ташкил этиш ва унинг мониторингини юритиш тизими 2-иловага, туман дастурида белгиланган тадбирлар ижросини ташкил этиш ва мониторингини юритиш бўйича туман комиссияси таркиби 3-иловага, дастурнинг ҳар бир бўлимлари ижросини ташкил этиш бўйича кичик ишчи гуруҳлари таркиби 4-иловага мувофиқ тасдиқлансин.

3. Туман комиссияси:

туман дастурига киритилган тадбирлар тўлиқ ва ўз вақтида бажарилиши учун мутасадди ташкилот ва идоралар, шунингдек маҳаллий давлат ҳокимияти органлари даражасида ишлар мувофиқлаштирилишини, тадбирларнинг амалга оширилиши устидан тизимли назорат ўрнатилишини;

туман дастурига киритилган тадбирлар тўлиқ ва ўз вақтида бажарилиши учун мутасадди ташкилот ва идоралар, шунингдек маҳаллий давлат ҳокимияти органлари даражасида ишлар мувофиқлаштирилишини, тадбирларнинг амалга оширилиши устидан тизимли назорат ўрнатилишини;

ҳар чоракда дастурнинг амалга оширилишига доир маълумотларни туман фаоллари йиғилиши муҳокамасига киритилиши таъминлансин.

4. Тумандаги ташкилот ва идоралар раҳбарлари, фуқароларнинг ўзини ўзи бошқариш органлари ва нодавлат нотижорат ташкилотлари билан ҳамкорликда туман дастурига киритилган тадбирларнинг тўлиқ, ўз вақтида бажарилишини ташкил этиш билан ҳар куни шахсан шуғуллансинлар.

5. Туман дастурининг ижроси бўйича 3-иловага мувофиқ бўлимларга бириктирилган масъулларга ўзларига тегишли дастур бўлимларида белгиланган вазифалар ижросини доимий назоратга олиб, амалга оширилган ишлар тўғрисида ҳамда мавжуд камчиликларни бартараф қилиш бўйича туман комиссиясига ҳар ойнинг 25-санасига қадар ахборот бериб бориш топширилсин.

6. «Галаосиё овози» газетаси (Б. Ражабов) ҳамда бошқа оммавий ахборот воситаларига:

аҳоли ўртасида туман дастурининг мақсад ва вазифалари, уни амалга ошириш бўйича асосий йўналишлар ва чора-тадбирларни мунтазам ва кенг кўламда ёритиш;

тумандаги ташкилот ва идоралар, фуқароларнинг ўзини ўзи бошқариш органлари ва нодавлат нотижорат ташкилотлари туман дастурида назарда тутилган тадбирларни амалга оширишда амалда иштирок этиши ва аниқ улуш қўшиши акс эттирилган ҳолда унинг амалга оширилишидан кенг жамоатчилик доимий равишда хабардор қилинишини таъминласинлар.

7. Мазкур қарор «Галаосиё овози» газетасида эълон қилинсин ҳамда ҳокимликнинг расмий веб-сайтига жойлаштирилсин.

8. Ушбу қарор расмий эълон қилинган кундан эътиборан кучга киради.

9. Мазкур қарорнинг ижросини назорат қилишни ўз зиммамда қолдираман.