LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Аёллар манфаатларини таъминлаш ва ҳимоя қилиш юзасидан 1999 йил учун чора-тадбирлар Давлат дастурига мувофиқ ҳамда болалар учун товарлар ва аёллар гигиенаси ашёларини ишлаб чиқариш ва сотишни рағбатлантириш, шунингдек ушбу товарларнинг чакана нархларини пасайтириш мақсадида Вазирлар Маҳкамаси қарор қилади:
Олдинги таҳрирга қаранг.
(1-банд Ўзбекистон Республикаси Вазирлар Маҳкамасининг 2004 йил 28 декабрдаги 610-сонли қарорига мувофиқ ўз кучини йўқотган— ЎР ҚҲТ, 2004 й., 52-сон, 523-модда)
2. Белгилаб қўйилсинки, ихтисослашган ишлаб чиқариш корхоналари жумласига ишлаб чиқариши ҳажмида болалар учун товарлар ва аёллар гигиенаси ашёлари 60 фоизни ва ундан кўпроқни ташкил қиладиган корхоналар киради.
3. Вазирлар Маҳкамасининг Истеъмол бозори комплекси Ўзбекистон Республикаси Молия вазирлиги, Соғлиқни сақлаш вазирлиги ва Давлат солиқ қўмитаси билан биргаликда бир ҳафта муддатда болалар учун товарлар ва аёллар гигиенаси ашёлари рўйхатини ишлаб чиқсин ва тасдиқласин.
Олдинги таҳрирга қаранг.
(4, 5 ва 6-бандлар Ўзбекистон Республикаси Вазирлар Маҳкамасининг 2004 йил 28 декабрдаги 610-сонли қарорига мувофиқ ўз кучини йўқотган— ЎР ҚҲТ, 2004 й., 52-сон, 523-модда)
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосарлари Б.С. Ҳамидов ва М.З. Усмонов зиммасига юклансин.