«Ижтимоий ҳимоя йили» Давлат дастурида белгиланган вазифаларни бажариш юзасидан сенаторлар томонидан амалга оширилган ишлар хусусида қўмита раисларининг ҳисоботларини тинглаб ва муҳокама этиб, Ўзбекистон Республикаси Олий Мажлиси Сенатининг Кенгаши қарор қилади:

1. «Ижтимоий ҳимоя йили» Давлат дастурида белгиланган вазифаларни бажариш юзасидан сенаторлар томонидан амалга оширилган ишлар хусусида қўмита раисларининг ҳисоботлари маълумот учун қабул қилинсин.

2. Қўмиталарнинг раислари «Ижтимоий ҳимоя йили» Давлат дастурида белгиланган вазифаларни бажариш юзасидан сенаторлар томонидан амалга оширилган ишларга танқидий баҳо берсинлар, мазкур Дастурда белгиланган вазифалар мукаммал ва ўз вақтида бажарилишини таъминласинлар ҳамда бу хусусда 2007 йил декабрда Ўзбекистон Республикаси Олий Мажлиси Сенатининг Кенгашига ахборот тақдим этсинлар.