Ўзбекистон Республикаси Вазирлар Маҳкамаси томонидан тақдим этилган Ўзбекистон Республикаси Давлат бюджетининг 2010 йил тўққиз ойидаги ижроси якунлари тўғрисидаги ҳисоботни кўриб чиқиб, Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Давлат бюджетининг 2010 йил тўққиз ойидаги ижроси якунлари тўғрисидаги ҳисобот тасдиқлансин.

Ҳисобот даврида Давлат бюджети ялпи ички маҳсулотга нисбатан 0,2 фоиз миқдорда профицит билан ижро этилганлиги маълумот учун қабул қилинсин.

2. Ўзбекистон Республикаси Вазирлар Маҳкамаси 2010 йилда мамлакатни ижтимоий-иқтисодий ривожлантириш дастурининг энг муҳим устувор вазифаларини амалга ошириш ва 2009 — 2012 йилларга мўлжалланган Инқирозга қарши дастурни сўзсиз бажариш мақсадида иқтисодиётнинг энг муҳим тармоқларини модернизация қилиш, техник ва технологик жиҳатдан қайта жиҳозлашни жадаллаштириш бўйича фаол инвестиция сиёсатини, қатъий ва аниқ мақсадга йўналтирилган пул-кредит сиёсати ўтказилишини, солиқ тушуми механизми такомиллаштирилишини, бюджет маблағларидан мақсадли фойдаланилишини ва бюджет интизомига риоя этилиши устидан назорат кучайтирилишини, аҳоли фаровонлигини ошириш ва унинг ижтимоий ҳимоя қилинишини таъминлаш тадбирлари молиялаштирилишини таъминлашни, ижтимоий соҳани ривожлантириш ва аҳолини ижтимоий жиҳатдан қўллаб-қувватлашни давом эттирсин. Зарур саъй-ҳаракатлар Ўзбекистон Республикаси 2010 йилги Давлат бюджетининг асосий параметрлари сўзсиз ижро этилишига йўналтирилсин.

3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг эътибори бюджет маблағларидан мақсадли ва самарали фойдаланилиши, солиқ тушумлари ва бошқа мажбурий тўловларнинг тегишли маҳаллий бюджетларга тўлиқ тушиши таъминланиши, минтақаларнинг молиявий салоҳиятини ошириш ва шу асосда маҳаллий бюджетларнинг харажатлари молиялаштирилишини таъминлаш юзасидан амалий чоралар кўриш зарурлигига қаратилсин.

4. Ушбу қарор қабул қилинган кундан эътиборан кучга киради.