«Ўзбекистон Республикаси Олий Мажлисининг Сенати тўғрисида»ги Ўзбекистон Республикаси Конституциявий Қонунининг 12-моддасига, «Ўзбекистон Республикаси Олий Мажлиси Сенатининг Регламенти тўғрисида»ги Ўзбекистон Республикаси Қонунининг 31-моддасига мувофиқ ҳамда «Ўзбекистон Республикаси Конституциясининг айрим моддаларига ўзгартиш ва қўшимчалар киритиш тўғрисида (78, 80, 93, 96 ва 98-моддаларига)»ги Ўзбекистон Республикаси Қонунидан келиб чиқадиган талабларни амалга ошириш бўйича Ўзбекистон Республикаси Олий Мажлиси Сенатининг чора-тадбирлар дастури 1.1 — 1.4-бандларини ижро этиш юзасидан Ўзбекистон Республикаси Олий Мажлиси Сенатининг Кенгаши қарор қилади:

1. Ўзбекистон Республикасининг ташқи иқтисодий алоқалар, инвестициялар ва савдо вазири Р. Ғуломов мамлакат минтақаларига хорижий инвестицияларни жалб этиш бўйича олиб борилаётган иш ҳақида ушбу масалани парламент эшитувларига киритиш учун 2012 йил 15 январга қадар Ўзбекистон Республикаси Олий Мажлиси Сенатига ахборот тақдим этсин.

2. Ўзбекистон Республикаси Олий Мажлиси Сенатининг Ташқи сиёсат масалалари қўмитаси (С. Сафоев) мамлакат минтақаларига хорижий инвестицияларни жалб этиш бўйича олиб борилаётган иш ҳақидаги ахборот келиб тушган вақтдан бошлаб парламент эшитувларига тайёргарлик кўриш бўйича белгиланган тартибда иш олиб борсин.

3. Ушбу қарор Ўзбекистон Республикаси Олий Мажлиси Сенатининг еттинчи ялпи мажлиси тасдиғига киритилсин.

4. Ушбу қарорнинг ижро этилишини назорат қилиш Ўзбекистон Республикаси Олий Мажлиси Сенатининг Раиси ўринбосари М. Раджабова зиммасига юклатилсин.