Ўзбекистон Республикаси Олий Мажлиси Сенатининг «Сув ва сувдан фойдаланиш тўғрисида»ги Ўзбекистон Республикаси Қонунининг Ўзбекистон Республикаси Қишлоқ ва сув хўжалиги вазирлиги томонидан ижро этилишини таъминлаш ҳақида»ги парламент сўровига Ўзбекистон Республикаси қишлоқ ва сув хўжалиги вазири З. Рўзиевнинг жавобини тинглаш якунлари тўғрисидаги Ўзбекистон Республикаси Олий Мажлиси Сенати Аграр, сув хўжалиги масалалари ва экология қўмитасининг ахборотини тинглаб ва муҳокама қилиб, Ўзбекистон Республикаси Олий Мажлиси Сенатининг Кенгаши қарор қилади:

1. Ўзбекистон Республикаси Олий Мажлиси Сенатининг парламент сўровига Ўзбекистон Республикаси қишлоқ ва сув хўжалиги вазири З. Рўзиевнинг жавобини тинглаш якунлари тўғрисидаги Ўзбекистон Республикаси Олий Мажлиси Сенати Аграр, сув хўжалиги масалалари ва экология қўмитаси раисининг ахбороти маълумот учун қабул қилинсин.

2. «Ўзбекистон Республикаси Олий Мажлисининг Сенати тўғрисида»ги Ўзбекистон Республикаси Конституциявий Қонунининг 21-моддасига мувофиқ Ўзбекистон Республикаси қишлоқ ва сув хўжалиги вазири, Ўзбекистон Республикаси Табиатни муҳофаза қилиш давлат қўмитасининг раиси, Қорақалпоғистон Республикаси Вазирлар Кенгашининг раиси, вилоятлар ва Тошкент шаҳар ҳокимлари парламент сўровига жавобни тинглаш якунлари бўйича Ўзбекистон Республикаси Олий Мажлиси Сенатининг Аграр, сув хўжалиги масалалари ва экология қўмитаси қабул қилган қарор ўз вақтида кўриб чиқилишини, шунингдек кўриб чиқиш натижалари ҳамда қабул қилинган чора-тадбирлар тўғрисида белгиланган муддатларда мазкур Қўмитага ахборот тақдим этилишини таъминласин.

3. Ўзбекистон Республикаси Олий Мажлиси Сенатининг парламент сўровига Ўзбекистон Республикаси қишлоқ ва сув хўжалиги вазири З. Рўзиевнинг жавобини тинглаш якунлари бўйича қабул қилган Қўмита қарорининг тегишли давлат органлари томонидан кўриб чиқилиши натижалари ҳақида Ўзбекистон Республикаси Олий Мажлиси Сенати Аграр, сув хўжалиги масалалари ва экология қўмитаси белгиланган тартибда Ўзбекистон Республикаси Олий Мажлиси Сенати Кенгашига ахборот тақдим этсин.

4. Ушбу қарор Ўзбекистон Республикаси Олий Мажлиси Сенатининг еттинчи ялпи мажлиси тасдиғига киритилсин.