Ҳукумат аъзолари фаолиятига оид масалалар юзасидан уларнинг ахборотини, шунингдек давлат ҳокимияти ва бошқаруви органлари раҳбарларининг ахборотини эшитиш тартибининг 3 ва 4-бандларига мувофиқ Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон экологик ҳаракати депутатлари гуруҳининг «2013 — 2017 йилларда Ўзбекистон Республикасида атроф-муҳит муҳофазаси бўйича ҳаракатлар дастури»нинг IV-йўналишида белгиланган «Атроф табиий муҳитни муҳофаза қилиш ва табиатдан фойдаланиш, экологик таълим ва барқарор ривожланиш мақсадларида таълим доирасидаги қонунчиликни ва меъёрий-услубий базани ривожлантириш» чора-тадбирларининг бажарилиши бўйича Ўзбекистон Республикаси Табиатни муҳофаза қилиш давлат қўмитаси раисининг ахбороти Ўзбекистон Республикаси Олий Мажлиси Қонунчилик палатасининг мажлисида эшитиш ҳақидаги таклифи қабул қилинсин.

2. Тадбирни, шунингдек ушбу тадбирга тайёргарлик кўриш ва уни ўтказиш режасини ишлаб чиқиш учун Ўзбекистон Республикаси Олий Мажлиси Қонунчилик палатасининг Экология ва атроф муҳитни муҳофаза қилиш масалалари қўмитаси масъул этиб белгилансин.

3. Ўзбекистон Республикаси Табиатни муҳофаза қилиш давлат қўмитаси раисига юбориладиган таҳминий саволлар рўйхатига розилик берилсин.

4. Экология ва атроф муҳитни муҳофаза қилиш масалалари қўмитаси Ўзбекистон Республикаси Олий Мажлиси Қонунчилик палатасининг Спикери номидан Ўзбекистон Республикаси Табиатни муҳофаза қилиш давлат қўмитаси раисини Ўзбекистон Республикаси Олий Мажлиси Қонунчилик палатасининг мажлисига таклиф этиш тўғрисида тахминий саволлар рўйхатини илова қилган ҳолда хат тайёрласин.

5. Ўзбекистон Республикаси Табиатни муҳофаза қилиш давлат қўмитаси раисининг «2013 — 2017 йилларда Ўзбекистон Республикасида атроф-муҳит муҳофазаси бўйича ҳаракатлар дастури»нинг IV-йўналишида белгиланган «Атроф табиий муҳитни муҳофаза қилиш ва табиатдан фойдаланиш, экологик таълим ва барқарор ривожланиш мақсадларида таълим доирасидаги қонунчиликни ва меъёрий-услубий базани ривожлантириш» чора-тадбирларининг бажарилиши бўйича ахборотини эшитишга тайёргарлик ишлари боришини назорат қилиш Ўзбекистон Республикаси Олий Мажлиси Қонунчилик палатаси Спикерининг ўринбосари Б.Б. Алихонов зиммасига юклатилсин.