Ўзбекистон Республикаси Олий Мажлиси Қонунчилик палатаси Регламенти 62-моддасининг саккизинчи қисмига мувофиқ ноябрь, февраль ва май ойларининг тўлиқ охирги ҳафтаси депутатларнинг сайлов округларида сайловчилар билан иш олиб боришлари учун мўлжалланади.

2014 йил декабрь ойида Ўзбекистон Республикаси Олий Мажлиси Қонунчилик палатасига ўтказилган сайловларда янги сайланган депутатларнинг сайлов округларидаги фаол иштирокини, шунингдек ҳозирги вақтда жорий йилнинг биринчи чорагида қабул қилиниши назарда тутилган Ўзбекистон Республикаси Олий Мажлиси Қонунчилик палатасининг 2015 йилга ва ундан кейинги йилларга мўлжалланган ташкилий-ҳуқуқий тадбирлари, қонун ижодкорлиги ва назорат-таҳлил фаолияти дастури лойиҳасини ишлаб чиқиш долзарблигини эътиборга олган ҳолда, Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Депутатларнинг 2015 йил февраль ойига мўлжалланган сайлов округларидаги учрашувлари Ўзбекистон Республикаси Олий Мажлиси Қонунчилик палатаси Кенгаши томонидан белгиланадиган кечроқ муддатга кўчирилсин.

2. Ушбу қарор қабул қилинган кундан эътиборан кучга киради.