Ўзбекистон Республикаси Президенти И. А. Каримовнинг давлат ички ва ташқи сиёсати, мамлакатда ижтимоий-иқтисодий, ижтимоий-сиёсий ислоҳотларни чуқурлаштириш соҳасидаги асосий вазифалар тўғрисидаги маърузасини тинглаб, Ўзбекистон Республикаси Олий Мажлисининг Қонунчилик палатаси ва Сенати қарор қиладилар:

1. Ўзбекистон Республикаси Президенти И. А. Каримовнинг маърузасидаги ижтимоий ва давлат қурилиши соҳасида амалга оширилаётган демократик ўзгаришларни янада чуқурлаштириш тўғрисида, фуқароларнинг ҳуқуқлари, демократик эркинликлар ишончли ҳимоя қилинишини таъминлашга, эркин оммавий ахборот воситаларини ривожлантиришга қаратилган қонун ижодкорлиги ишини такомиллаштириш ҳақида, суд-ҳуқуқ тизимини янада демократлаштириш ҳамда либераллаштириш тўғрисида, мамлакат хавфсизлигига ҳозирги даврдаги хавф ва таҳдидларни инобатга олган ҳолда давлатнинг ташқи сиёсий ҳамда ташқи иқсодий фаолияти самарадорлигини ошириш ҳақида баён этилган асосий қоидалар ва тезислар қўллаб-қувватлансин.

2. Қонунчилик палатасининг Спикери, Сенат Раиси, палаталарнинг қўмиталари ўз амалий фаолиятларида маърузада кўтарилган муаммоларнииг долзарблигига, ушбу муаммоларни ҳал этиш юзасидан Ўзбекистон Республикаси Олий Мажлиси собитқадамлик билан, изчил иш олиб бориши зарур эканлигига асослансинлар.