Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон алоқа ва ахборотлаштириш агентлиги Республика ахборот-кутубхона маркази директори А. Ишматовнинг «Ўзбекистонда ахборот-кутубхона тизимининг ҳозирги ҳолати ва истиқболлари тўғрисида»ги ахбороти маълумот учун қабул қилинсин.

2. Ўзбекистон Республикаси Олий Мажлиси Қонунчилик палатасининг Ахборот ва коммуникация технологиялари масалалари қўмитаси Ўзбекистон Республикаси Вазирлар Маҳкамасининг тегишли бўлинмалари билан биргаликда ўз саъй-ҳаракатларини Ўзбекистонда ахборот кутубхоналарини ривожлантириш бўйича белгиланган чора-тадбирларни сўзсиз бажаришга ва ахборот-кутубхона тизими фаолиятини норматив жиҳатдан таъминлашга қаратсинлар.

3. Ушбу қарор қабул қилинган кундан эътиборан кучга киради.