Ҳукумат аъзолари фаолиятига оид масалалар юзасидан уларнинг ахборотини, шунингдек давлат ҳокимияти ва бошқаруви органлари раҳбарларининг ахборотини эшитиш тартибининг 3 ва 4-бандларига мувофиқ Ўзбекистон Республикаси Олий Мажлиси Қонунчилик палатасининг Кенгаши қарор қилади:

1. Ўзбекистон Халқ демократик партияси фракциясининг 2012 йилда иш ўринлари ташкил этиш ва аҳоли бандлигини таъминлаш дастури бажарилишининг бориши тўғрисида Ўзбекистон Республикаси меҳнат ва аҳолини ижтимоий муҳофаза қилиш вазирининг ахборотини Ўзбекистон Республикаси Олий Мажлиси Қонунчилик палатасининг мажлисида эшитиш ҳақидаги таклифи қабул қилинсин.

2. Тадбирларни, шунингдек ушбу тадбирларга тайёргарлик кўриш ва уларни ўтказиш режасини ишлаб чиқиш учун Ўзбекистон Республикаси Олий Мажлиси Қонунчилик палатасининг Меҳнат ва ижтимоий масалалар қўмитаси масъул этиб белгилансин.

3. Ўзбекистон Республикаси меҳнат ва аҳолини ижтимоий муҳофаза қилиш вазирига юбориладиган тахминий саволлар рўйхати учун розилик берилсин.

4. Ўзбекистон Республикаси Олий Мажлиси Қонунчилик палатасининг Меҳнат ва ижтимоий масалалар қўмитаси Қонунчилик палатасининг Спикери номидан Ўзбекистон Республикаси меҳнат ва аҳолини ижтимоий муҳофаза қилиш вазирини Ўзбекистон Республикаси Олий Мажлиси Қонунчилик палатасининг мажлисига таклиф этиш тўғрисида тахминий саволлар рўйхатини илова қилган ҳолда хат тайёрласин.

5. Ўзбекистон Республикаси меҳнат ва аҳолини ижтимоий муҳофаза қилиш вазирининг 2012 йилда иш ўринлари ташкил этиш ва аҳоли бандлигини таъминлаш дастури бажарилишининг бориши тўғрисидаги ахборотини эшитишга тайёргарликнинг боришини назорат қилиш Ўзбекистон Республикаси Олий Мажлиси Қонунчилик палатаси Спикерининг ўринбосари У.Н. Вафоев зиммасига юклансин.