«Ўзбекистон Республикаси Олий Мажлисининг Қонунчилик палатаси тўғрисида»ги Ўзбекистон Республикаси Конституциявий Қонунининг 12-моддасига мувофиқ Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Бош вазирининг биринчи ўринбосари — молия вазири Р.С. Азимовга, Ўзбекистон Республикаси Бош вазирининг ўринбосари — ташқи иқтисодий алоқалар, инвестициялар ва савдо вазири Э.М. Ғаниевга, Ўзбекистон Республикаси иқтисодиёт вазири С.Х. Бекеновга Тадбиркорлар ва ишбилармонлар ҳаракати — Ўзбекистон Либерал-демократик партиясининг Ўзбекистон Республикаси Олий Мажлиси Қонунчилик палатасидаги фракцияси аъзолари И.И. Насриев, Р.Т. Асқаров, Ф.А. Зоиров томонидан 2009 — 2014 йилларда ишлаб чиқаришни модернизация қилиш, техникавий ва технологик қайта жиҳозлаш бўйича энг муҳим лойиҳаларни амалга ошириш чора-тадбирлари Дастурининг ижро этилиши ҳақида киритилган Ўзбекистон Республикаси Олий Мажлиси Қонунчилик палатасининг парламент сўрови қабул қилинсин.

2. Ушбу қарор ва парламент сўрови Ўзбекистон Республикаси Бош вазирининг биринчи ўринбосари — молия вазири Р.С. Азимовга, Ўзбекистон Республикаси Бош вазирининг ўринбосари — ташқи иқтисодий алоқалар, инвестициялар ва савдо вазири — Э.М. Ғаниевга, Ўзбекистон Республикаси иқтисодиёт вазири С.Х. Бекеновга юборилсин.

3. Ушбу қарор қабул қилинган кундан эътиборан кучга киради.