Ўзбекистон Республикаси Ҳукумати билан Молдова Республикаси Ҳукумати бундан кейин Аҳдлашувчи «Томонлар» деб аталувчилар,

фуқаро ҳаво транспорти соҳасида икки томонлама ҳуқуқий асосларни такомиллаштириш зарур деб ҳисоблаб,

бундан кейин «Битим» деб аталадиган Ўзбекистон Республикаси Ҳукумати билан Молдова Республикаси Ҳукумати ўртасида ҳаво қатнови ва ҳаво транспорти соҳасида ҳамкорлик тўғрисида 1995 йил 30 мартда имзоланган Битимнинг 22-моддасига мувофиқ,

қуйидагилар тўғрисида келишиб олдилар:

Битим матни қуйидаги таҳрирдаги янги «18а-модда»сини киритиш орқали ўзгартирилади:

1. Ҳар бир Аҳдлашувчи Томон истаган вақтда ҳаво кемасидан фойдаланиш ва аэронавигация воситалари, учувчи экипажи ва ҳаво кемасига тааллуқли соҳаларда бошқа Аҳдлашувчи Томон бажарадиган парвоз хавфсизлиги бўйича меъёрларга тегишли маслаҳатлашувлар ўтказишни талаб қилиши мумкин. Бундай маслаҳатлашувлар талаб қилингандан кейин ўттиз кун давомида ўтказилади.

2. Агар бандай маслаҳатлашувлардан кейин Аҳдлашувчи Томонлардан бири, бошқа Аҳдлашувчи Томон 1-бандда кўрсатилган Халқаро фуқаро авиация ҳақидаги Конвенцияга (Doc 7300) мувофиқ амал қиладиган стандартларга мос парвоз хавфсизлиги меъёрларига самарали риоя қилиш назоратини таъминламаса, бошқа Аҳдлашувчи Томон ИКАО стандартларини бажаришга керакли ҳисобланган бундай хулоса ва тадбирлар ҳақида ахборот олади. Бундан сўнг керакли чора-тадбирларни кўради.

3. Конвенциянинг 16-моддасига мувофиқ, авиакомпания томонидан, ёки бир Аҳдлашувчи Томоннинг авиакомпанияси томонидан бир Аҳдлашувчи Томон ҳудудидан иккинчи Аҳдлашувчи Томон ҳудудига парвоз қилаётган ҳаво кемаси, бошқа Аҳдлашувчи Томон ҳудудида бўла туриб, ҳаво кемасидан фойдаланишни сабабсиз кечиктиришга йўл қўймаслик шарти билан, бошқа Аҳдлашувчи Томон ваколат берилган вакиллари кўригидан ўтилади. Чикаго Конвенциясининг 33-моддасида кўрсатилган мажбуриятларга қарамай, ушбу назорат мақсади, ҳаво кемаси ҳужжатлари ва уни экипаж гувоҳномаларини амалдагига мос келиши ва Конвенцияга мувофиқ амал қилувчи стандартларга ҳаво кемаси жиҳозланиши ва ҳолатини мос келиши текшириш ҳисобланади.

4. Агар авиакомпания парвозлари хавфсизлигини таъминлаш учун кечиктирмайдиган чоралар кўрилиши керак бўлса, ҳар бир Аҳдлашувчи Томон амалиёти тўхтатиши, авиакомпания ёки бошқа Аҳдлашувчи Томон авиакомпанияси тақдим этган эксплуатация рухсатномасини ўзгартириши мумкин.

5. Бир Аҳдлашувчи Томоннинг юқоридаги 4-бандига мувофиқ кўриладиган чоралари, уларни қабул қилишга асос йўқолганида тугатилади.

6. Юқоридаги 2-бандига нисбатан қўлланадиган бир Аҳдлашувчи Томон келишилган вақт муддати тутагандан кейин ИКАО стандартларига риоя этмасликни давом эттирса, бу ҳақида ИКАО Бош котиби хабардор бўлиши керак. Шунингдек, кейинчалик Бош котиб муаммони қониқарли ҳал этилиши ҳақида хабардор бўлиши керак».

Ушбу Баённома Битимнинг 23-моддасига мувофиқ кучга киради ва унинг ажралмас қисми ҳисобланади.

Битим амал қилишдан тўхташи билан ушбу Баённома ҳам амал қилишдан тўхтайди.

Ушбу Баённома Тошкент шаҳрида 2002 йил 10 декабрда, икки асл нусхада, ҳар бири ўзбек, молдаван ва рус тилларида имзоланди, бунда барча матнлар бир хил юридик кучга эга.

Ушбу Баённома қоидаларини талқин қилишда ҳар-хилликлар юзага келса, рус тилидаги матн асос қилиб олинади.